facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الاكثر تعليقا





بدي افهم بس


21-11-2015 02:00 PM

تغريدة لمراسلة ‪#‎CNN‬ تظهر تعاطفها مع اللاجئين السوريين وتنتقد قرار الكونغرس في طرح مشروع قرار لمنع استقبال لاجئين سوريين
تؤدي لفصلها اسبوعين
والإصرار أن تعتذر ايضا
دخلكم مش امريكا بلد الحرية
واحترام الرأي
شو صار فيهم..!!
والا بس بتشاطروا علينا..!!
#بدي_افهم_بس
المخرج الأمريكي المعروف مايكل موور
( ركزوا معي مش مايكل كورز)
قرر استقبال لاجئين سوريين بمنزله
تحديا لقرار الكونغرس اللي بينطبخ
لعدم استقبال لاجئين..
بالله ذكروني مين آخر فنان عربي
فتح قصره للاجئ سوري أو غيره
طيب بلاش..
غير الاردن ولبنان وتركيا
مين في دولة عربية مش استقبلت
لكن ما شددت الحراسة على حدودها
علشان ولا لاجئ يدخل..!
والمصيبة دموع التماسيح نازلة شلالات
بصراحة.. والله مايكل بن موور خجلنا..!
وين الملايين. الشعب العربي وين.!!
#بدي_افهم_بس
روسيا زعلانه كثير من فرنسا
لأنها ضربت منشآت نفطية سورية
بحجة أنه فرنسا ضرباتها مش قانونية
لأنها ما اخدت موافقة من الأسد زيهم
بعدين فرنسا عم تتعمد تضر
بشار و اعش بنفس الدرجة الدرجة
وهيك غير مقبول..
والله الحكي مش من عندي
من الخارجية الروسية..
بس وينكم.. فرنسا مو ساكته
أصرت انه المنشآت النفطية تسيطر عليها داعش
وهي حرة تعمل اللي بدها اياه
وبنص الهوشة الروسية الفرنسية
طلعت تركيا ومعصبة من روسيا
لقصفها قرى تركمانية
وقتلها أبرياء..!!
يعني بصراحة انا ضعت
هو مين اللي بقصف مين..!!
ذكروني يصح النوم وحسني البورزان الله يرحمه
"ازا أردت أن تعرف ما يجري في إيطاليا،
عليك ان تعرف ما يجري في البرازيل !! »
وانتوا بالله
ازا عرفتوا ماذا يجري في سوريا
خبرونا.!
#بدي_افهم_بس
حابة بس اطمنكم.. الحمدالله الفرج صار قريب
عمنا بأن كي مون يخرج عن صمته
ويعلن أن الأمم المتحدة ستعقد مؤتمرا في اذار
العام الجاي للمساعدة في إعادة توطين
3 ملايين لاجئ سوري..!
يالله طولوا بالكم من هون لشهر اذار
بكون في كمان مليون لاجئ جديد
وين هدول راح تروح فيهم.!!
لأ.. وكمان عم بفكر يعقد قمة
رفيعة المستوى( ما الها علاقة بالدايت )
السنة الجاية
لمنااااااااقشة إدارة حركة المهاجرين واللاجئين.
لأ.. والله انه قدها وقدود
يعني مش عارفين نودي جمايلك وين.!.
بس حابة اعرف.. متى اخر مرة.
الأمم المتحدة أصدرت قرار لمصلحة العرب.!!.
#بدي_افهم_بس

الطالبة الجامعية ‫#‏الاردنية‬
التي حاولت الالتحاق ب ‫#‏داعش‬
وتم أعادتها من تركيا قبل أن تقع الفاس بالراس
وتصير حورية من حوريات الجنة
تقول انها لم تكن تعرف سابقا حقيقتهم
وأنه غرر بها
طيب.. هل يعقل من طالبة جامعية
أن لا تكون مدركة لوحشية داعش
ولو افترضنا انضحك عليها مثل غيرها من شبابنا
ألم يحن الوقت أن نعترف انه في خلل مخجل
في منظومتنا الثقافية وحتى الدينية..!
بس الحمدالله المهم
رجعت البنت عند أهلها
بس يا خسارة
الانترنت انقطع عنها لمدى الحياة..
ليش ما نوعي شبابنا
#بدي_افهم_بس
ولما تفهموا
رجاءءءااااا فهموني..!!.




  • لا يوجد تعليقات

تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :