facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss





لحظات غير منطقية


تيماء الحجاحجة
03-05-2016 12:21 PM

ممكن نرجع لزمن شوي لذكرياتنا الحلوة والتعيسة للحب الأول لاول مرة زعلت فيها وقررت تترك البيت ما تقول ما صارت ما فكرت توخد اغراضك وتطلع لوين ؟ انت ما كنت تعرف كنت بس بدك تطلع !!! للمشاكل مع صحابك معدلك دراسي شو تخصص علمي، أدبي، ايتي أول فصل بجامعة آخر فصل تخرج زواج أول طفل خسارة حدا بتحبه. ممكن نرجع؟! نعد الفترات الي عانت فيها والفترات الي ضحكت فيها بس رح نلاحظ كلنا انا وانت اللي عم تقرأ هلا إنه الفترات الي ضحكت فيها هي قيمة محصورة أو فترات مغلقة (رقم،رقم) أول رقم هيبدا من الولادة وآخر يوم لآخر مره ضحكت بس ضحكة اللي من قلبك لانه كثير منا عم يضحك قهر او مجاملة وفترات حزنك الإلهي هتكون من سالب ما لا نهائية الى ما لا نهائيه وانت أمنية حياتك أنها نهاية هي تحطها بفترة مغلقة انه خلص بكفي صح؟! خلص انا خسرت كثير بكفي! بس انت بتعرف انه مستحيل حصر نهائية بقوس مغلق ودائما بكون مفتوح ( سالب مالا نهائية ، موجب مالا نهائية ) للأسف ...

بس كل هالمنطق هاد الي فسرته انا وانت غلط خدوني هبله على قد عقلي أو صغيرة لسا ما بعرف شو بدي أو طفلة او أي شيء خدوني صغيرة جد ما بعرف شيء ! وتخيلوني وانت بتقرا بهنص صوتي فيه وقلبي فيه تخيل انه انا الي عم بحكيه بلهجتي المكسرة واسمعني وانا بحكيلك من كل هالكلمات افهم شو قصدي وما تشك بنصي وانسى اخطائي الإملائية فيه وأقرأ حتى لو طويل كل الخراب بهالبلدان العربية كل المآسي اللي عم تصير بحلب وسوريا من 2011 لـ 2016 من العراق وبغداد وصدام وأسامة بن لادن من أحداث 1991 ل 2003 كل شي عم بصير بفلسطين هلا من 1948 لـ 1967 ومشاكل اليمن مع شيعه ومشاكل نقص الغذاء بالدول الإفريقية والإرهاب الي عم تعمله داعش لـ كل شهيد لتفجيرات الي صارت بفنادق عمان لكل بنت خسرت أبوها لكل ام خسرت ولادها لكل أهل غزة لكل دول العربية لكل شب عم يعاني ليصرف على أهله لكل فقير ما عم يلاقي كسرة خبز يوكلها لكل حزن تافه خرب تلفونك ضيعت مصاري رسبت بمادة خسرت صاحبك تزوجتي وطلقتي اي شيء بخطر بالك من حزن شو ما كان غصب عنك بكره هيخلص وحط نهائية بقوس مغلق وخرب كل قوانين رياضيات.

لمتى هنضل نشوف بوست على الفيس مكتوب فيه يارب يصادفك شي جميل اليوم تحط كومنت فيس ببكي او قلب مكسور لمتى ؟ خليه يصير غصب عنه اعمل شي انت صح المفاجأة ما بتنحكى بس إذا هي قطعت رحم فيك زورها انت روح عليها انت أعملها انت ورح تتفاجا بحالك كلنا تعبانين متلك كلنا بدنا شي لسا ما قدرنا نوصلة كلنا بدنا حياة غير الي عم نعيشها وكلنا بنختلف بلون بشره وجمال وشخصية والمبدا ولا شي ممكن ننجمع فيه إلا اشي واحد كلنا تعبانين والي فرحان فينا عارف بعد شوي هينكد بس لمتى هتشائم ؟

القوة مو انك ظل واقف ع رجليك لو كانت هيك انا ضعيفة ضعف الي انا فيه والي الكل عم يحكي يا الله على قد نياتك هو أنه حياتي مو مثلث متساوي الأضلاع كل ضلع متساوي وزاوية متساوية يعني الحزن = الفرح = ولا شي وأنه زوايا هي الجهة الي بطلع فيها على الحياة نفسها مرات بطلع على الجهة الفاضية ومرات على المليانة يمكن شكل الهندسي الي بناسبني كل ضلع داخل ببعضه وكل زاوية أصغر من صفر واكبر من 360.

هي الحياة علمتني أقرأ وأكتب واوقع وأقوم بس ما حكتلي لمتى هنضل هيك نلعب انا وياها او انت وياها هي لعبة!

صح بكره فيزياء وبفضل الرياضيات عليها بس في قانون بالفيزياء لكل فعل رد فعل ورد والفعل ليسا بالجسم نفسه وإنما جسمان مختلفان
هما متساويا المقدار يعني هون متساويي النوع مختلفين بالاتجاه يعني الزمن
بظن فهمت قصدي بآخر تلميح
صح ؟




  • لا يوجد تعليقات

تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :