facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الأكثر مشاهدة




السبب الحقيقي لطلاق «أنجلينا» ..


احمد حسن الزعبي
11-10-2016 01:17 AM

ما زالت وكالات الأنباء تتناقل قرار النجمة العالمية أنجلينا جولي الطلاق من زوجها الشهير «براد بيت» مشترطة حق الحصول على حضانة أطفالها الستة–نصفهم بالتبني- معتبرة أن الحياة الزوجية التي تجمعها بــ»براد» منتهية منذ 15 سبتمبر 2016 اثر خلافات لا يمكن تسويتها ولا حلها حسب تصريح جولي..

لا أحد إلى اللحظة يعرف سبب هذا القرار المفاجئ، ولا أحد يستطيع أن يتكّهن إن كان مليارديراً عربياً هو سبب طلاق جولي كما يشاع ببعض الصحف العالمية أم هي مغامرات براد بيت العاطفية الطائشة التي كانت بمثابة القشة التي قصمت ظهر الممثلة الشهيرة..ترى ما السبب الحقيقي للطلاق؟ اليكم الصافي:

قفز خبر طلاق جولي وبراد بيت على «جروبات الواتساب» بسرعة مدهشة أسرع من خبر تحذير لبس الجوارب أثناء النوم حتى وصل إلى «جروب أحلى جارات» التي تشترك فيه شقيقة براد بيت..وفور إرسال أم «فرانك» الخبر نسخ ولصق بعد خبر الفوائد السحرية لليمون في علاج السرطان حتى جنّ جنون شقيقة الفنان براد بيت «كريستينا»، لبست العباية على وجه السرعة ولفّت الشال على رأسها ثم أوقفت تاكسي بمنتصف الشارع مثل المجنونة وانطلقت إلى بيت شقيقها..قرعت الجرس ،فتحت لها أنجلينا جولي الباب بعينين منتفختين وبيدها محرمه تمسح أنفها الراشح..»تفضلي «..

كريستينا- خير شو فيه..صحيح اللي سمعته

انجلينا هزّت رأسها بالإيجاب وانفجرت بالبكاء..

كريستينا–والله والله يوم بشوفكم بتطلعوا وبتفوتوا مع بعض مبسوطين بالاعراس وانا بقول عين صابتكم وما صلّت ع النبي..

انجلينا- لا يا خيتي مش عين..أخوك تغيّر..

كريستينا–والله أخوي ما في منه حنون وطيب و على نيّاته..

انجلينا وهي تعصر أنفها بمحرمة- على نيّاته ها؟؟؟ اسكتي اسكتي..

كريستينا–احكي لي شو فيه..

أنجلينا جولي- السهر كل يوم لوجه الصبح بالقهاوي بيجي ريحته تفاحتين وسلوم قلنا معلش..الأولاد والبيت راميهم علي لا بيسأل ولا يهتم..الثلاثة الزغار «رشح» وحرارة طول الليل ما نمت ولا سأل...ويوم يقعد عندنا، ولا بيفتح ثمه بكلمة معنا، بيقضي وقته ع التلفون ع الواتساب مع مين بيحكي ما بعرف!!..

كريستينا–والله يا خيتي كلهم هيك..

انجلينا- اسكتي أنت الثانية لا تدافعي عن أخوك..

كريستينا–انا بحكي لك الواقع...

انجلينا- آه...أما لما تشوفي ع تلفونه وأنت تنبشي فيه صورة وحده أوكرانية لابسة «شورت» وبتبيع فجل وكاتب تحتها «هاي النسوان ولا بلاش « بتحسّي باللي بقلبي!!!...

كريستينا–بس؟؟

انجلينا- ولقيت ملف نكت ع تلفونه كلها بتخزي...

كريستينا–بهاي معك حق انا رح احكي معه ولا يهمك..بس بتطلبي الطلاق عشان قصص بتصير بكل دار؟؟..

انجلينا- بتصير بكل دار بس مش بدار «براد بيت»...كمان انا صار لي 4 سنين ماخذ قرض ع راتبي نفسي استلمه كامل مرة زي هالنسوان نفسي اشتري فستان جديد ،ثوب ، أوخذ لأمي «كيلو لحمة او بكسة جوافة « أشتري لأبوي «بطاقة تلفون» أو دواء ضغط...

كريستينا–آآآآخ...والحل؟

انجلينا- ما في حل...يسدد القرض عني ويحرّر راتبي..ويطلقني..الــ 300دولار نفقة للأولاد بدبّر حالي فيهم..خليني أعرف أربّيهم صح..وخلي «الأوكرانيات» ينفعنّه!!

كريستينا–لا حول ولا قوة الا بالله..في عندك غير هالحكي...

انجلينا جولي- لا...يخلّص قرضي ويطلقني..والنفقة عند القاضي!

**

تعليق «براد بيت»...هاي مش سوالفها..هاي سوالف أمها اللي خشمها «قد زنبعة الابريق»..


الراي





  • 1 شعيبي 11-10-2016 | 09:54 AM

    يا بيه كل هالسوالف صايره واحنا مش عارفين، عجبتني عين صابتكم وما صلت عالنبي
    كل كتباتك استاذ زعبي رائعة

  • 2 يا الله 11-10-2016 | 10:53 AM

    رووووووووعة

  • 3 عجلوني عارف الصحيح 11-10-2016 | 05:50 PM

    انا بعرف شو سبب زعلت براد البتاوي على انجلينا جولاوي
    بس ما بدي اقول ..... ياعمي الحكومة مش ناقصة بكفيها اللي فيها؟؟؟؟؟؟؟؟؟؟؟

  • 4 موسى العموش 12-10-2016 | 12:56 PM

    ونتا الصادق أبدعت-أخوي أحمد بدو يتجوز عليها الاوكرانية هيك حكالي سلفها بيتر وبطفش فيها مشان هي تطلب الطلاق وما يدفع المتأخر ورواية انها بتحب اردني طاقة فشتو من المصاري من اموال الشعب وبقولوا ومالي دخل انو مسؤول كبير

  • 5 جهاد درويش 15-10-2016 | 01:34 AM

    يمكن حد نرجمله ما تكنب لهيك تركت جوزها .............. وحبت اردني

  • 6 ابو يوسف 16-10-2016 | 02:17 PM

    ههههههههههههههههههههههههه
    بصراحة كل تعليقاتك روعة
    سيد حمد الزعبي

  • 7 سلطان جنون 24-10-2016 | 02:43 PM

    يا اخوان...انا كل محطات التلفزه والمواقع الالكترونيه حكت معي وسالتني عن الموضوع ,, وانا انكرت ان لي علاقه بها ولما زارت الاردن انا امتنعت عن لقائها حتي لا اثبت انها جائت لرؤيتي ..وكمان جوزها كان شاكك انه في بيني وبينها علاقه علما انا بحياتي ما سمعت عنها الابعد ما اتطلقت... ومع ذلك انا مستعد استر عليها واجوزها لابن جيراني..


تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :