facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss





السلط تعتذر وتفتخر


الدكتورة شروق أبو حمور
12-08-2018 10:10 PM




انا اليوم سأتحدث باسم السلط، فهي خاطبتني وقالت لي اوصلي رسالتي هذه الى:
ابن الحويطات
الى ابن الشمال
الى ال عقربه
الى روح الهياجنه
للعدوان والروابده
الى كل أردني زارها ليلة أمس، كانت السلط فرحانة بالزيارة لانها ادركت إنّو عزوتها الى ما لا نهايه، ،،،
أجوها من الوسط والشمال والجنوب ،،،،
رفعت رأسها السلط وقالتلي: همست بأذني شوفي الزلم، هذول عزوتي وفزعتي انا السلط وعزوة كل اردني واردنيه
قالتلي السلط هذول عقال راسي وعرق عيني...
قالتلي والحسرة والفرحة بعينها انا السلط وفِي رساله لام الشهيد وصليها الها باسمي انا السلط وكل سلطي وسلطيه:
قولي لام الشهيد 'حقك على راسي يا يما'
ضيوفنا ما رضيو غير يكونو معزبيين ، حاولنا نكون معهم ونضرب الإرهابي أيد بايد بس عيوا علينا يا يما ،،
خافوا علينا ووالله جميلهم جوا عيونا .
السلط قالتلي روحي وخذي عزا الشهيد ،،وقفي مع امو وخواتو وقولي الهن بالورد والحنا يخضبن دياتوا ...

وزادت السلط وعادت عليه قالتلي وصي ام الشهيد وقوليلها دموعك غاليه عليه، وطلبت مني اترجاكي بدها منك هديه: السلط بدها بدلة ابنك الفوتيك، بدها البدله العسكرية،،،
بدها ترفع رأسها وتحكي للكل شوفو عزوتي ،،،اهلي وفزعتي...
السلط بتخبرك يا يما إنّو انا بنتك واخوي وابني ابنك وكلنا الك بس لا تزعلي علينا وسامحينى على القصور ....

ابنك اهدانا حشامه والسلط اهدتو رتبة شهادة وفخامه.
وثارك يا ميمة الشهيد، يا خيتو، يا عميمتو، ما بروح، بالقلب محفور وما بترضى السلط حدا على طرفك يجور،،،

ام الشهيد
خالتو
مريتو
عميمتو
خيتو

السلط منكو بتعتذر وفيكو بترفع رأسها وتفتخر.




  • لا يوجد تعليقات

تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :