facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الأكثر مشاهدة




(بالعامية) .. ابن الأصول والمسطول


د.شروق أبو حمور
21-11-2019 10:24 PM

لغة الأصول، ،
قدي شعور حلو إنّو اللغة إليّ بين المرسل والمستقبل تكون وحدة.

يعني انت وهو بتفهموا بالأصول، ، مش واحد نايم وواحد صاحي، واحد بفهم شو يعني أصول والثاني مسطول!!!!

يعني:
لما الي قبالك يغلط فيك، ومن باب العشرة والود تروح انت تبادر،،، قصدو يحتويك
ابن الأصول راح يحسب بدل المرة مليون، حساب إنّو يزعلك مرة ثانية، بس المسطول راح يتمادى ويحكي لو إنّو ما شاف حالو غلطان ما إجاني، وراح يتمادى بالغلط وكل مرة راح يزيد، ويقول مهو برجع يعتذر لإنو بعرف حالو غلطان،،،

لما بتزعل من حدا بعز عليك
وبتكتشف انو حكا حكي مش فيك!!!
بتقلو ليش ما أنا دست بساطك، وقعدت ببيتك!!!
ابن الأصول راح تحز بنفسو، ويحسب حساب بدل المرة مليون انو يحكي من ورا ظهرك وبستخطي حالو...
بس المسطول راح يقلك شو يعني دخلت بيتي ودست بساطي ما كل الناس بدخلو على بعض...

ابن الأصول لما بتعمل معو معروف بشيلك على الكتوف....
لما بتذكرو ما بقلك انت منان،،، بزعل من حالو وبقول أنا غلطان....كنت بحالة سطلان،،،،

البنت لما بتزعل عند أبوها، وبتكون منهانة،، بتقعد مع ابوها وبتحكيلو الي صار،،،
أبوها ابن الأصول بمسكها من ايدها وبرجعها على بيت زوجها...
ابن الأصول بصير يحسب بدل المرة مليون زعلها، وبعمل المستحيل ما توصل زعلها لأهلها....
بس المسطول بهينها أكثر، ويتمادى ويتجبر، ،،،
بقلها أهلك ما اتحملوكي، وهمو بايديهم رجعوكي،،،،،

الخلاصة يا اخوان:
لما انسان اتسيئلو ويرد اسائتك احسان،،،
مش لانو عجزان،،،،،
لانو تربى على لغة اسمها لغة الأصول ،،،

بس للأسف أبداً ما راح يفهما مسطول....





  • لا يوجد تعليقات

تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :