عاتبتك البارح وجيت اعتب اليوم
وانته تدلل ما سألت بعتابي
قلبي بوصلك يا اسمر اللون مظيوم
تسأل وانا من عمر عندك جوابي
ما عاد فيني احتمل كلمة اللوم
الحب طفلٍ بين الاضلاع رابي
حتى كلامك أذكره دايم الدوم
يملك شريط الذاكرة ويعثى بي
العين ما يطريلها تعشق النوم
السهد زادي والمدامع شرابي
ماكنت احسّب كاس الاشواق مسموم
لين ارتويت من الوجع والمصابي
اتعبتني بالصدّ والصدّ مذموم
لين انفرى جرحي وزاد اكتئابي
عدت علي سنين والقلب محروم
اطلب من الله ما يطول عذابي
حبك وسط عيني ليا غبت مرسوم
دمعه تفيض ابها كفوف الروابي
اسألك باللي فارض الحج والصوم
لا ييبس الخفّاق زاد الظما بي
الرد على تعليق