مقدسي من غربي النهر /النشاشيبي

قضية القضايا القدس اولا

عدنان جسار

يخالفون شرع الله يا ويلهم ما رح تنفعهم الكراسي يوم الحساب .

منى هشام

بالتاكيد فالحل معروف

سناء فلاح

نعم فالقضية كبيرة ومهمة

ناصر الشكعة - نابلس

قزّموها يا استاذ عاصم

رائف

معقول يا ناس والله انك فرحتنا انه في صوت حق مثلك

احسان السعيد

" اثم الفرقة و لعنة الكراسي" ... من اجمل واقوى المصطلحات التي قرأتها.احسنت جدا اخي عاصم من اقوى كتاباتك.

مصطفى الحسيني - القدس الشريف

الحق على الشعب الفلسطيني العظيم شعب الجبارين.

عليان الناصر

اجا غلوي ... راح غلوي ... شو اللي صار غير الدمار؟؟ شريان الحياة 4 القادم لازم يكون من بحر غزة والصدام لازم يكون مع اليهود المحتلين . الصدام مع مصر غطى على اسرائيل !! كل فترة شريان 4 ما سمعنا انه في احتلال ولا اسرائيل.

علي محمود الغرايبة - اربد

اسئلتك في محلها وعالوجع يا استاذ عاصم ...هل تكره حماس فتح أكثر مما تكره اليهود؟!!
هل تكره فتح حماس أكثر مما تكره الصهاينة؟!!

حمزة الناطور

البلاء ليس في القيادات اليأس اصاب الشعب من الاصلاح والتغيير .

سائد الرابي

مش راح يحلوا عن ظهر الشعب الا لما يموتوا او تنباد غزة ورام الله والقدس واريحا.اللهم لطفك ورحمتك

علي الحاج توفيق - يافا

احسنت وشخصت البلاء ووضعت يديك على النزف استاذي الكبير عاصم العابد ... ولكن ليتهم يسمعون...

ناصر الزيتاوي - بير زيت

تركوا اليهود ونزلوا تصفيات واغتيالات ومؤامرات ودسائس ضد بعض. ما فيهم امل ولا خير . اللهم ابدلهم بخيرهم

ايمن ابو دية

فعلا بعد 90 سنة دم وموت وشهدا بتضير القضية الفلسطينية قضية بوابة صلاح الدين .

سفيان ابو عياش - بيت امّر - الخليل

راح الاقصى وراحت فلسطين والاخوان مشغولين بالسيد غلوي شهر زمان ما انذكر فيه الاحتلال الاسرائيلي ... حل عنا يا غلوي معركتنا مش مع مصر ....

مرشد الايراني

والله انت طيب استاذ عاصم ... طيب ما القيادات حلفوا انهم يتفقوا ... وين الحلفان وين الدين وين الشعارات ؟؟

احمد بكر

متى بيصير التوقيع على اتفاق القاهرة ؟؟ والله ما عمرها بتسمح

فهد المناصرة

نعتذر

خالد الشّوا

كل اللي بصير في غزة راح يخلي الناس تطفش وتهاجر لو في قوارب مكسرة.الناس ما عادت قادرة تتحمل ضغطت اصبع. وصدقوني لو امسكنا غلوي لقلناله ارجع لبلادك وخلينا بحالنا نسيتنا اسرائيل وخليتنا ندق بمصر

عواد الشقران

هزلت جدا والشعب الفلسطيني الطيب المسكين يدفع الثمن

امجد الهنيدي

مش ناوين على الخير . وثيقة القاهرة جاهزة واذا في اشياء صغيرة بتتفقوا عليها او خلي اشي زغير معلق مش مطبق ولا تظل كل البنود وكل المصالحة الوطنية معلقة !!! مش هيك اصول التفاوض... ما لا يدرك كله لا يترك كله

سعيد الايراني

اسألونا خامنئي متى راح يحل عن هالشعب ؟؟ يا اخي ما بدنا هالدعم الفارسي القاتل. اسمعوا محطة العالم دائما بتقول الخليج الفارسي وترفض تسميته بالخليج العربي. ونظام الملالي اقتلع حكم الشاه ولم يقتلع شيئا واحدا فقط هو احتلال الشاه لجزر الامارات ال 3 . ظل الاحتلال على حاله.!!

سمير البواب

كلامك ذهب .

طاهر العبسي - دورا

ولا زعيم ولا قائد بستقيل... فشلوا وما حدا راضي يستقيل. القادة اللي بنهزموا بنتحروا واحنا قياداتنا بتنحرنا كل يوم ومش سائلة عن دمنا ولا عن عذابنا.

صادق ملص

اللي بده يساعد غزة يا غلوي وجماعته هاي البحر قدامه مش المعابر ... بحر غزة واسع وتعالوا افضحوا الاحتلال الاسرائيلي مش تشبكونا مع اخواننا المصريين.

خليل حسين

انت متحامل على حماس يا اخ عاصم . يعني بدك حماس تترك غزة لدحلان ؟

يوسف عريقات - اريحا

امارة غزة الاسلامية صامدة وستظل صامدة

عبد الهادي نصر الله

اللهم اهدهم وازل شهوة الحكم من قلوبهم ومنافع الحكم من جيوبهم.

اسحق النمروطي

الناس لازم تضغط على الطرفين بلكي بتفقوا ... وبدناش تدخل حدا في شؤون الفلسطينيين لا اميركا ولا ايران

محمد بني خالد

احسنت ككل كتاباتك ... انت متفائل

شاعر الشعب

انهدم المسرح ..............

عادل الكسواني

صغروها لأنهم .....

سعد كنعان

شو انت بتحلم يا اخ عاصم ؟ بدك ينزلوا عن الكراسي ويتركواالهبره؟؟القصة فيها ملايين ملايين سامعني ملايين مش ملاليم

ابراهيم الدجاني - القدس

انت كاتب واقعي وصريح وشجاع. واحنا بنحب نقرا كتابات هادئة وما فيها ...... تشخيصك حلو وكلامك صح. متى يفيق الشعب الفلسطيني من مورفين القادة ؟؟

امين الجعبري الخليل

الله يجزيك الخير يا سيد عاصم على دعواتك الطيبة للوحدة الوطنية الفلسطينية.وارجو من الاخوة المعلقين ان يقولوا كلام طيب يجمع ولا يفرق مش ناقصنا فرقة.

غالي غلوي

لمصلحة مين المعارك الجانبية ?

محمد ابو نواس

قضية عادلة عظيمة تحتاج الى قيادات بينهم عاقلة عظيمة

احمد عرفات

الله يكثر من امثالك الداعين للوحدة

مازن الخليلي

اجانا غلوي ونسانا المسجد الاقصى ونسانا الاستيطان ونسانا اسرائيل ....ورجع غلوي تحفه الامجاد والاضواء واصبح غلوي زعيما شعبيا في بلادنا وسوف يحصل على اصوات العرب والمسلمين في الانتخابات النيابية المقبلة في بريطانيا.عد سالما يا غلوي...عد مرةاخري.

رافع قرش

المهم دخلوا السيارات المرسيدس موديل 2010 ال 120 اللي ع الزيرو الى غزة !!! مين اللي قبض العمولة ؟؟ طبعا مش غلوي ..!! ثمن السيارة الواحدة في غزة يعادل 0 امثال ثمنها العادي في الاسواق .يا بلاش

فاضل الجعافرة

يا سيدي الفاضل اقدر حرصك ونبلك وحميتك واقول لك ......
لقد اسمعت لو ناديت حيا ... ولكن لا حياة لمن تنادي

ساهر البرقاوي

كلامك معبر يا ابو فارس يا عظيم ".....

زايد الكرمي

بدون وحدة وطنية لا يمكن التفكير باي حل لا سياسي ولا عسكري ولا مقاومة حتى. المدخل هو الوحدة الوطنية التي كانت موجودة ثم تم العصف بها...لمصلحة اسرائيل كل الذي جرى.

منار النشاشيبي

الاقصى في خطر والقدس في خطر والزعماء في طائرات وبروتوكولات وهدايا فاخرة وفنادق 7 نجوم وبودي قارد وسفر

علي رنتاوي

يا عاصم يا عاصم يا عاصم ... انت تعرف الصح وتعرف ان الذي يجري في فلسطين هو صراع ايراني امريكي بأدوات فلسطينية. والباقي عندك ابو فارس

انيس الجوهري

معقول ؟ بالك راح يسمعوا كلام ربنا القائل في محكم تنزيله :" واعتصموا بحبل الله جميعا ولا تفرقوا ..."

شادي سلطان

تأبى الرماح اذا اجتمعن تكسرا.. واذا افترقن تكسرت احادا

رائد التميمي

الله كريم وما بعد الشدة الا الفرج ان شاء الله شكرا اخ عاصم العابد على مقالك الموزون

منير عبد الهادي

اللهم الافصى يستصرخ الفرسان ويطلب المدد فأغثه وادخل في قلوب القادة المحبة والوئام

امين الجعبري - الخليل

لقد ابرأت ذمتك استاذ عاصم العابد بهذا المقال/الصرخة التي آمل من الله ان لا تضيع في واد.

امين العالم

العلماء نوعان نوع يخاف الله ونوع يعشق الدرهم

محمد جبر

لى متى ستبقى هاتين الحركتين تتصارعان لقد قدمت الحركتان عددا كبير من القتلى نتيجة الحرب العبثية بينهما ولم تفلح دعوات التهدئة الى منع هذه الحرب والمشكلة ان فتح ترى انها محقة وحماس ترى انها محقة وكل واحدة ماضية في تحقيق هدفها حتى النهاية مهما كانت النتائج لكن لا شك أن الحق موجود عند إحدى الحركتين، فإحدى الحركتين على حق والأخرى على الباطل، لأنه لا يجوز أن تكون الاثنتان على حق ثم تختلفان إلى حدّ الدخول في حرب بينهما .

خالد حسام الدين

ان الخلاف السياسي بين مشروعين مختلفين هو السبب في الصراع المتصاعد بين حركتي فتح وحماس ففتح التي كانت قائدة لنضال الشعب الفلسطيني في السبعينات والثمانينات من القرن الماضي، تعرّضت لمكيدة في اتفاق أوسلو المشؤوم الذي اعترفت بموجبه بإسرائيل، وقبلت الدخول في عملية سياسية معها من أجل الوصول إلى دولة فلسطينية مستقلة على أراضي عام 1967 . ولأن الذي يتحالف مع اليهود كمن يتحالف مع الشيطان ، فقد نكثت إسرائيل بوعودها التي قطعتها لفتح في اتفاقها معها ، ولم يحصل الشعب الفلسطيني إلاّ على المزيد من الاستيطان والمزيد من القتل والاعتقال . لكن فتح التي خسرت رهانها على إسرائيل رفضت الاعتراف بخطأها وأصرّت على المضي قدماً وراء سراب المحادثات التي لا تنتهي. الم ياتي الوقت لكي تعترف فتح بان طريق المعاهدات والمفاوضات طريق مسدود مظلم وان طريق الدفاع والاستشهاد هو الطريق اليقين.

سامر حسين

الحق هو الوطن والاستشهاد في سبيل تحرير ارض فلسطين يجب ان لا نعترف لا بفتح ولا بحماس ولكن علينا ان نعترف بوطن وقضية وام اسمها فلسطين التي قدمت الشهداء والارامل والجرحى والثكلى ان الخلاص والنصر في المقاومة وهي الخيار الوحيد لاي شعب يقبع تحت الاحتلال والاستعمار

ايوب عرفات

صدقت استاذ امين الحعبري فالرجل نطق بالحق وشخص الواقع المرير للشعب الفلسطين المكافح المناضل

احمد الاشهب

الوحدة الوطنية هي مطلب كل...

مسعود اللامي

لازم يتحدوا راح يظلوا تحت العصي والظغوط والمهانة حتى يتحدوا بتقوى شوكتهم

ابن فتح قبل السلطة

لن تنتهي هذه الحرب الا بانتهاء واحدة من هاتين الحركتيني وانا اعتقد انه لا بد من اختفاء حركة فتح وبذلك يختفي المفاوض الفلسطيني المستعد لتقديم تنازلات لاسرائيل.

ايوب عرفات

أن القضية الفلسطينية، وحلم بناء الدولة هما المتضرران الأكبر من استمرار الصراع بين حركتي فتح وحماس والحل هو رجوع الأطراف، الفلسطينية والعربية والدولية، إلى مبادئ استيعاب الشراكة والتداول السلمي للسلطة، واحترام القوانين والمؤسسات ووضع المصلحة العليا للوطن فوق أي اعتبار سياسي أو حزبي.

ماجد العكرماوي

لقد تحول الصراع بين فتح وحماس الى انقسام جغرافي بين الضفة الغربية وقطاع غزة، وتبعه انقسام سياسي في المؤسسات والإدارات، الخدماتية والعسكرية والقضائية. ولن تكون هناك نهاية إلا بعودة الفريقين إلى الحوار، والتركيز على الوضع الداخلي، وإعادة اللُّحمة للمشروع الوطني الفلسطيني"

ابن فلسطين

والله مو رايحة غير على هالشعب الغلبان مساكين الفلسطينيين من وين يلاقوها من اسرائيل والا من نفسهم ارحمو هالشعب وهالاطفال والفقراء ازا انتو ما اتحدوا بحياتكم ما رح تحققوا تقدم الله يرحمك يا ابو عمار

طارق الدويك

قدسية النضال الفلسطيني والوحدة الوطنية الفلسطينية يحتمان على الفصائل الفلسطينية المتصارعة ان تتحد لاستكمال الكفاح واستعادة الحقوق المسلوبة في مقدمتها حق تقرير المصير واقامة الدولة المستقلة

لا فتحاوي ولا حمساوي بل فلسطيني حتى النخاع

تطور الصراع بين الحركتين لا يدعو الى التفاؤل بإمكانية وصول الفريقين إلى صيغة اتفاق، تضمن وحدة الضفة والقطاع، وتلحق الهزيمة بالمشروع الصهيوني. فالكم الهائل من الذم والقدح المتبادل بين الفصائل يؤكد انهما لم يعودا حريصين على تحقيق الوحدة الوطنية، وأنهما يختلقان المبررات والأسباب لتعطيل مشروع المصالحة.

شاكر الدراوشه

الخراب يزيد كل يوم وكملها غلوي وخرب علاقات الفلسطينيين بالمصريين.

زوربا

التاريخ يعيد نفسه؟؟؟؟!!!!!!

بحبكم ...

وين التعليقات يا حبيبة البي يا عمون ؟؟؟؟

ارسطو

جلست ادرس ابني مادة التربية الاسلاميه واثناء تدريسي له وصلنا الى معركة الخندق وكيف تكاتفوا المسلمين في حفر الخندق ليتصدوا للأعداء فما اشبه اليوم بأمس بعيد وبغدا قريب مع اختلاف كبير جدا ضد من حفر الخندق في عهد الاسلام الحق وضد من يدشن جدارا فولاذيا في عهد العروبه والاسلام اليوم وغدا...وانا مسهبة في التفكير تداخلت علي الامور وكنت اشرح لابني مأساة جدارا يكون عونا لسحقنا وسحق عقيدتنا..صرختك مدويه ومقالاتك مثمره استاذ عاصم وهذا المقال اطيبها ثمارا

محمد

لا يجوز تسطيح القضية بهذه الصورة شديدة البساطة وأعتقد يا أخ عاصم أن العرب لو تركوا الفلسطينيين وشأنهم منذ عام 1936 وما قبله لما جرى ما جرى..

حسبي الله ونعم الوكيل

للاسف ان هناك كثيرا من الدول العربية تساعد على هذا الانقاسم بين فتح وحماس ولعل قضية الجدار العازل زادت في الفرقة بين الفصائل الفلسطينية بحيث اصبحت بعض الفصائل تؤيد هذا الجدار المميت فقط نكاية بفصائل اخرى نسوا القضية الفلسطينية والان مهتمون بطرق تجريح بعضهم البعض حسبي الله ونعم الوكيل

حمساوي وافتخر

انا برأيي ان القضية قضية عزّة عربية وكرامة عربية ان اسرائيل تلهو بمشاعر الفلسطينيين وتوقع الفتنة بينهم ليتسنى لها فعل ما تشاء ولان عقولنا مغلقة وقعنا في هذه المكيدة الاسرائيلية الم يحن الوقت لصحوة عربية اسلامية تعيد قبلتنا الاولى وتعيد امجاد المسلمين وعزتهم وكرامتهم وقوتهم شبعنا مفاوضات ومعاهدات ووعود زائفة لننظر الى الموضوع بمنطقية بعيدة عن الاهواء والمصالح نحن هنا في غزة نقاتل ونفقد اطفالنا وامهاتنا من اجل ارض فلسطين كلها لاننا لم ولن نقبل ان يشاركنا احد في ارضنا التي هي حق لنا وحدنا وغيرنا من ابناء فتح يسرحون ويمرحون ولديهم حسابات بنكية كبيرة تكفي لاطعام اهل القطاع وترميم جراحهم ومنازلهم لماذا لا نتحد جميعا كشعب واحد ونقاتل كشعب واحد لن ترجع بلادنا ولن نقف في وجه المستعمر الا اذا كنا يدا واحدة

عيب

والله فتح وحماس عملوا العرب فرجة للعالم كل العالم بيتخوث عليهم ولكو انتو اصحاب قضية عيب تحولو قضيتكم الكبرى الى قضية الصغرى المحصورة بينكم

سامر عكيلة

لولا حماس لما فقدت اسرائيل شعبيتها عالميا ولما دعي قيادات اسرائيلية الى محكمة جرائم الحرب لقد فعلت حماس ما لم يستطع احدا فعله نعم لقد دمرت غزة وقتل الاطفال النساء ولكن قتلوا شهداء بعزة وكرامة وسقوا بدمائهم تراب فلسطين لقد قاتل الفلسطينون بغزة باسلحة متواضعة ووقفوا في صد العدو الاسرائيلي واخوانهم في فتح ينظرون اليهم وينتظروا اللحظة المناسبة ليتسنى لهم الايقاع بهم ودس العملاء بينهم لماذا لانهم فقدو صلتهم بالقضية الفلسطينية بل هم يجلسون فقط لاخذ مساعدات من دول عربية وغربية بحجة الكفاح والجهاد ولكن مصيركم سيكون النار وبئس المصير

ابن البلد

والله انا شايف انه قيادات حماس هي السبب بكل ما يحدث الان على ارض فلسطين هم الذين جروا الابرياء في غزة الى حرب غير متكافئة وهم الذين تطاولوا على السلطة وعلى القوانين لو لم يفعلوا ذلك لبقي باب الحوار مفتوح ولكن بعد ما وقع الفاس بالراس جايين تلومو الفتحاوية

نعيم عبد الهادي

الحل بده لجنة من 100 مستقل من الذين تزيد اعمارهم على 60 عاما لحل المشكلة المستعصية بين فتح وحماس ، بس ما يجتمعوا لا في قطر ولا في سوريا ولا في السعودية ولا في لبنان.يجتمعوا في الاردن او قبرص.

مثقال المعاني

انا مش شايف بصيص امل بنوب.الحكاية انه فيها جهات خارجية بتحرّض وبتقبّض !! كيف بدها تنحل اذا المزراب بده يسكّر ؟ على ايش بدهم يلموا زبدة ؟؟؟

مثقال المعاني

انا مش شايف بصيص امل بنوب.الحكاية انه فيها جهات خارجية بتحرّض وبتقبّض !! كيف بدها تنحل اذا المزراب بده يسكّر ؟ على ايش بدهم يلموا زبدة ؟؟؟

مثقال المعاني

انا مش شايف بصيص امل بنوب.الحكاية انه فيها جهات خارجية بتحرّض وبتقبّض !! كيف بدها تنحل اذا المزراب بده يسكّر ؟ على ايش بدهم يلموا زبدة ؟؟؟

خالد العربي

وهيك يا طويل العمر والسلامة صار عندنا قضيتين ... قضية غزة وقضية رام الله... وهيك يا طويل العمر والسلامة بلزمنا وفدين للمفاوضات واحد غزاوي وواحد ضفاوي .وهيك يا طويل العمر والسلامة راح يصير النا دولتين بدل دولة واحدة .... امارة في غزة ودولة في رام الله. وبعد هيك يا استاذ عاصم بتصير الكونفدرالية بين غزة ورام الله.

ماجد المصري

طارق الدويك كلامك فخم ومنطقي ووطني الله يرمي الهدى بين الاخوان.

عناد الزبن

اقتراح الاستاذ نعيم عبد الهادي ممتاز بس مين بختار ال 100 ؟؟

محمد الخراساني

ايران بتوافق على اقتراحك اخ نعيم عبد الهادي ؟!!

ناصر قدوره - حيفا

الشركس بطخوا الخيل لما تهرم من كثر محبتهم الها. والقيادات لما تفلس بطخ الشعب من كثر المحبة!!

ديوجين

حاربت في حربهما وعندما رأيت كلا منهما متهما خلعت كلاهما...ومن اجل فلسطين والقدس يجب خلع كل من هو متهم في جعل قضية العرب والمسلمون قضية كرسي ومن يعتليه فالقضية اكبر من اعتلاء المقاعد وللقائد ميزات لا يدركها الا من كانت بهم صفات ذكرها الله في كتابه المحكم

هلال العوران

والله يوم المنى لما بتصير الوحدة الوطنية. ومن هون حتى تصير ما حدا اله وزن ولا قيمة.

ماجد الخوالدة

الى ماجد العكرماوي جبتها واعطيتنا الخلاصة المفيدة

اكمل الدين الحجاوي

ثورة 36 قادها الحج امين الى الفشل الذريع. خلوا الدين الطاهر بعيد عن السياسة

ام ناصر - جباليا

راحت كطيعة 10 سنين والله الله الله يعينا اهل كطاع غزة

ايمان عياد - حي الشجاعية

ما بتصفى الا لما تنعك.. الله كريم وقادر يهديهم من شان خاطر الولايا والارامل والاسرى والمشوهين الله يكسر اسرائيل اللي دمرت شعبنا. والبلوي بروح على افغانستان !!! ما كنت دخلت مع غلوي و... اكم جندي يهودي !!

خالد الخازندار

بدعت يا خالد العربي بدعت .... احلى تعليق على احلى مقال

اقوال اليمامه

يسألنا الوطن ان نكتري له حراسا فقد طغى اللصوص فيه...ابو فارس في مقالك هذا والله انك فارس هذا الزمان

علي ابو شنب - غزة

خالد العربي ... تعليقك رهيب ومعبر .انها الكوميديا السوداء.استاذ عاصم العابد مقالك انوار ساطعة ومعاني لامعة.نعيم عبد الهادي كلك حكمة.طارق الدويك انت حر وشهم وتعليقك يدل عليك. عمون انتم منتشرون في كل الدنيا.شكرا لكم

رزان برجاوي

الله يكطعهم يا خالتي ام ناصر.الله يهوّن عليكم ويعينكم على الجايات .

اياد الوزير

يا رقم 72 (اقوال اليمامه)... يا اختي ما ظل فيها فرسان مع تقديري للاخ الكاتب.

لؤي الطراونة

الفلسطينيين تركو كل الناس تتحكم بمصيرهم حتى قوافل الاغاثة لازم مصر تقرر ازا تفوت لغزة ولا لأ منذ متى والمسلمون يقفون اعداء لبعضهم البعض لو كان هناك سلطة فلسطينية حقة وحكومة فلسطينية حقة ورئيس فلسطيني كفؤ لما حدث ما يحدث الان وخير مثال على ذلك قافلة شريان الحياة التي منعت من الدخول الا باوامر مصرية وحسب رغبة مصر التي تعد اليوم اكبر حليف لاسرائيل في المنطقة لو يتحد الفلسطينيون وينتخبون رئيسا وحكومة بطرق شرعية تضع الارض والوطن والانسان في مقدمة اولوياتها وتبتعد كل البعد عن الاهواء والمصالح الشخصية عندها سيتم الاعتراف بدولة فلسطينية واحدة وشعب فلسطيني واحد سيفرض نفسه على كافة الامور المتعلقة به وسيكون صاحب قرار واحد

فداء عريقات

اللي بمر على شعبنا الفلسطيني كل يوم العن من الثاني وكله على النازل. شو الحل يا امة محمد ؟ هلكنا هلكنا هلكنا

ضرار العتوم

الى السيد ايوب عرفات اتفق معك كليا. والى الكاتب السيد عاصم احسنت احسن الله اليك.

زمن الكمبرادو والبارات الخمس نجوم

وطني لو شغلت بالخلد عنه نازعتني لفتح وحماس نفسي...عفوا اخطأت العباره مع سبق الاصرار...اقصد نازعتني لمجلس الامن لايجاد حل للقضية الفلسطينية الفلسطينية وفك النزاع بين الاخوة واتركوا نتنياهوا يبني جداره ويهدم الاقصى..عندما تملون من لعبة القياده ابلغونا رعاكم الله..زولكن قبل ان انهي تعليقي اسمعوا صرخة جيلنا...نحن صرخة الالم لم نر القدس الا تصاوير..زلم نتكلم سوى لغة العرب الفاتحين...ز
رصاصكم لا يقتل الاعداءانها تقتلناوتقتل صغارنا

لا حول ولا قوة الا بالله الله يعينكوا يا اهل غزة

سفيان الهنداوي

والله نوحك يا ام ناصر قطع قلبي فعلا الله يعينكم على اللي بتشوفوه وعلى المجهول المظلم الاسود اللي جاي

عبد الله الخطيب

اللي عقدها يحلها والي خربها يعمرها ، مش هيك عم مشعل ؟؟

عبد الله الخطيب

اللي عقدها يحلها والي خربها يعمرها ، مش هيك عم مشعل ؟؟

انور عبد الحق

الشعوب بتحكي بالضمان الاجتماعي والتامين الصحي والمسارح وافلام السينما واحنا بندور على الضمان الوطني الواحد مش عارف وين راح يبات الليلة.

عمر الطيراوي

فرحة اسرائيل بالوضع الفلسطيني الحالي لا توصف وليس لها حدود.الله يلعن اللي بفرّح اسرائيل ... قولوا امين.

محمد الجبالي

بنكرر وبنقول ما في الكم قيمة ولا قيامة ولا احترام ولا مستقبل ولا شرف الا بالوحدة الوطنية واللي بحب يظل تحت الله لا يرده والله بجيب نفسه للردى لا يلوم الا حاله.

احمد الرجوب

دربي مر ودربك مر ... دعسوا فوق رقابنا وبنوا امجادهم على جثث الشهداء والارامل والاسرى .

مخلص الزعيم

عاصم يا عاصم ... كلامك صحانا بعد ما ادمنا الانقسام. على بالك بصير وحدة سنة 2050 ؟ اشك. دخلنا في حرب ال 100 عام وصراع الاخوة-الاعداء.

محمد العسلي

كل السادة والاخوات اللي علقوا طالبوا بالوحدة الوطنية وبدهم اياها طيب مش القيادات بتمشي على رأي الشعب اللي انتخبها ؟ او العكس ؟

اقوال اليمامه الى اياد الوزير

الكاتب يا اخي يدق الخزان عاليا وهو دائما يحاول في مقالانه ان يحفر الجدار ليتدفق النور والضياء لعلى وعسى الضمائر تصحى....فنحن في زمن نتوخى ونترجى الخير من اهل الخير

شكرا استاذ عاصم لقد عبرت عنا جميعا

علي ابو فارس

احسنت واصبت وتوفقت يا استاذ عاصم .......
وليس سوى أن نعود إلى أوامر رب العزّة ونواهيه، قال تعالى في محكم كتابه: «واعتصموا بحبل الله جميعا ولا تفرقوا ...» إنها أوامر الله جل وعلا، أوامره الواضحة الصريحة التي لا تحتمل تأويل مفتي السلطان ولا فصاحة شاعر الباذنجان، فالنهي عن الفرقة والانقسام والاحتراب في الآية الكريمة أعلاه حاسم قاطع لا شبهة فيه ولا تأويل.

احمد الكرد - القدس العربية

الى السيد يوسف عريقات - اريحا.... تقول يا اخي :" امارة غزة الاسلامية صامدة وستظل صامدة". يعني حضرة جنابك معترف بدولة في غزة؟؟ ومش هامك القضية ولا عذاب الشعب الفلسطيني. مبروك على اسرائيل هيك تفكير.

اسامة غيث - بيت جبرين

بدعت يا احمد الرجوب والله بنوا امجاد وعز على ظهور الشهداء !!

معتز الشاويش

احست اخي زايد الكرمي بدون وحدة وطنية لا يمكن التفكير باي حل لا سياسي ولا عسكري ولا مقاومة حتى. المدخل هو الوحدة الوطنية التي كانت موجودة ثم تم العصف بها...لمصلحة اسرائيل كل الذي جرى. واحسنت اخي ابو فارس في التشخيص العميق والتحليل الدقيق .

اياد الوزير

الى رقم 90 ( اقوال اليمامة ) الكاتب موفق وتحليلاته موفقه لكني وقفت عند مصطلح كان يطلق على الفارس المغوار العبقري صلاح الدين الايوبي هو مصطلح ( فارس هذا الزمان) وهو مصطلح كبير جدا وليس على مقاس احد في العصر الحديث كما اظن.وقد عبرت عن تقديري للكاتب واعبر عن تقديري لك ايضا.

شكرا لمحمد العسلي

شاكر القاضي

السيد محمد العسلي قال الصواب وعبر عنا في قوله اننا طالبنا بالوحدة الوطنية انسجاما مع مقالة السيد عاصم العابد العظيمة.

علي نصر الله

لا يلام الذئب في عدوانه ... ان يك الراعي عدو الغنم.

جورج خوري

كل الحمق ان تواجه عدوك ضعيفا ممزقا مقسما الى طوائف وملل ونحل ودول كرتونية.

صبحي حسن

اول اشي بشكر الأخ الأستاذ الكبير عاصم العابد على مقالته الرائعة جداً ويعطيك الف عافية

كل الحق على حركة شاس (حماس) الحركة التي تتلقى اومرها من ايران مباشرة يعني عملتو حالكم زلام وبدك تعملو سلطة لحالكم سيطرتو على غزة وسيطرتو على المعابر باعمالكم القذرة وبالقتل الذي حرمه الله وانتم تتدعون الأسلام والأسلام بريئ منكم

كل الشكر لك ايها الكاتب الكبير عاصم العابد ويعطيك الف عافية على هاد الموضوع

منتصر العزة

لن يصلوا الى شيء ، كل الطرق مسدودة ،العدو موحد وهم ممزقون.الله لن يغير ما بهم حتى يغيروا ما بأنفسهم.

عبد القادر زلوم

الرجاء العودة الى الشعب الفلسطيني في انتخابات حرة باشراف دولي مع ارسال كل القيادات الى الخارج بعيدا عن الانتخابات

طارق كريشان

اسرائيل في عدة مآزق ولا يخفف عليها سوي التلهي عنها بالصراع الفلسطيني الداخلي والانقسام العربي الى محور اعتدال ومحور نضال في لعبة الكراسي الموسيقية.

ابن سلفيت

موضوع رائع اخ عاصم العابد ويعطيك العافية
بدي احكي موضوع بصراحة دائما الكل بكون يسب على فتح والسلطة ليششششششششششششششششش؟؟؟؟؟؟؟ ليش ما حد بحاسب حركة حماس ليش كل العالم مفكرة انها حماس حركة مناضلة وبتقاوم بس هي الفصيل الوحيد الي بجاهد لااااااااااااا حركة حماس هي حركة فقط بالمنظر والمظهر بس شغل مناصب وبدل وسيارت ومش سائلين بالشعب المهم انهم بخير مش مهم الشعب ليش المعابر بتسكر بوجه الناس الغلابة العادين اما قدام وزراء حماس وابناء حماس الي(( بلبسو بدل ) بكون مفتوح المعابر امامهم والله ما رايحة الا على الشعب يا عمي انتو متوهمين بحركة حماس الأعلام الي مكبر حماس عاد حماس لا تسوى اشي بكفي انهم حللو القتل ((اليس دم المسلم على المسلم حرام )) بس للأسف لا حياة لمن تنادي

اخي عاصم العابد اشكرك جزيل الشكر ويعطيك الف عافية

حسام الدين الجوهري

لو بدها تشتي غيمت. اوراق المصالحة جاهزة في القاهرة تفضلوا طجوا التوقيع اذا بتمونوا على توقيعكم ...هاهاهاهاهاها

حسام الدين الجوهري

لو بدها تشتي غيمت. اوراق المصالحة جاهزة في القاهرة تفضلوا طجوا التوقيع اذا بتمونوا على توقيعكم ...هاهاهاهاهاها

وين تعليقي يا عمون ارسلت تعليقين ما فيهم اي غلط

ابن غزة الصمود

يا عمي حمااااااااس بدهاش وحدة بدها تضل مسيطرة على غزة عشان تضل تهرب من الأنفاق ويدخلو ملاااااااااين ويلبسو ويشترو سيرات واسلحة عشان يقتلو ابناء الشعب الله ينتقم منكم الى فضلتو الكراسي والمناصب على المقاومة مهي ايارن الي بتعطيكم القرار وانتو بطبكو يا قتلت الأطفال بس الله يرجعلنا السلطة على غزة عشان تفتح المعابر ويرجع الوضع احلى وترجع الحياة لغزة والله من سومة ما انقلبت حماس على السلطة خرب الوضع وحماس دمرتنا يا عمي وضعنا والله بشفك وفش حد بسأل عنا الله على الظالم يعطيك العافية يا استاذ عاصم على موضوعك المتيز الي بحكي عنجد وجعنا الله يقويك ويخليك للوطن

ناصر ابو كف

حماس مش شاس يا صبحي حسن الفاظك وبلاش اسفاف.

ابن دورا

شو مالكم قلبتوها فتح وحماس ؟؟؟ بدنا ناس تحكي بالوحدة الوطنية يا سباب . وبعدين ما حدا اهبل اليوم . الكل شايف وعارف وكاشف شو بصير ع المعابر وشو وضع القيادات ووضع اولادهم. زي ما صار بحصار العراق تماما، الشعب هلك من الحصار والمسؤولين ما انقطع عنهم السيجار الفاخر والبارفان الفرنسي.

محمد العسلي

اخطر كلام كلام حسام الدين الجوهري اقرأوا وحللوا وافهموا مين المقصود ومين اللي بمون على مين !!! كلام ماكر وماهر وشاطر يا جوهري ... بالمناسبة انت قرايب تبع الفطبول ؟؟

الدكتور محمد العبادي

ابدعت يا كاتب الوطن ويا كاتب الكرامة والوحدة ويا من يعي المرحلة وخطورتها ولكن ناديت حي فلا حياة لمن تنادي

شوي شوي يا جماعة الخير

منتصر العزة

الغلية على النت لجماعة فتح ...اما حماس فلا بواكي لها.

خالد بيتاوي

لازم يطبشوا الشعب ويجوعوه ويقطعوا مع مصر حتى يكمل الحصارويستسلم الشعب مشان اليهود ينفردوا بالشعب المقهور

عيسى براهمه

حماس بتقول انو جماعة اوسلو عطشانين سلطة . اذا كنتم زاهدين بالسلطة ومشمتهالكين عليها اتركوها لجماعة اوسلو خلي الشعب يتنفس

عبد اللطيف جرار

القائد يا اخ هنية بضحي بنفسه فدى الشعب مش بضحي بالشعب فدى نفسه !!

اقوال اليمامه

الغلبة يا منتصر لوحدة الشعب وليس لفتح او حماس الغلبه للوطني الحر وليس لطلاب الكراسي الغلبه لمن عنده شرف ولم يبيع الوطن بأبخس الاسعار ...الغلبه لمن لا يمزق الوطن الى اوطان الغلبة لمن اتبع قول الله تعالى وتعاضدوا ولا تفرقوا..

محمد العسلي

قال تعالى :" انك لا تهدي من احببت ولكن الله يهدي من يشاء وهو اعلم بالمهتدين " صدق الله العظيم.

الله اكبر

محمد العسلي

".....وهو اعلم بالمهتدين " صدق الله العظيم،اي لا يعلم المهتدين الا الله عز وجل.واي ان الله هو وحده من يعلم بالضالين .

محمد الرقيب

حماس مدبرة وليست مقبلة. من يخسر مصر الجارة القريبة ويطلب رضى ايران الصفوية البعيدة لا يحسن التكتيك ولا يفهم بالاستراتيجية.مقتل حماس بدأ مع زيارة غلوي واستعداء مصر.مصر هي كعب اخيل القضية. حماس ليست على وفاق مع من بذل جهودا مضنية من اجل المصالحة الفلسطينية.حماس دخلت في غيبوبة العزلة الطوعية!!!والشعب مستمر في المعاناة والضنك والموت.

نهاد رملاوي

حكيم يا جرار وعميق

سلماااااان

كل الشكر والتقدير الى الاخ العظيم الأستاذ عاصم العابد كلامك كلو جواهر وحكم عنجد انك رجل بمعنى الكلمى وائدامك الله ذخر للوطن

ثوار الضفة \قلقيلية

اول اشي شكر خاص جدا جدا للأخ الأستاذ الكبير عاصم العابد على مقالته الرائعة جداً ويعطيك الف عافية كل الحق على حركة شاس (حماس) الحركة التي تتلقى اومرها من ايران مباشرة يعني عملتو حالكم زلام وبدك تعملو سلطة لحالكم سيطرتو على غزة وسيطرتو على المعابر باعمالكم القذرة وبالقتل الذي حرمه الله وانتم تتدعون الأسلام والأسلام بريئ منكم كل الشكر لك ايها الكاتب الكبير عاصم العابد ويعطيك الف عافية على هاد الموضوع الله محي أصلك
ونتمنى اليوم الذي ننفصل فيه عن غزةلأنهم سبب دمار القضية الوطنية الفلسطينية لأنه جوهر القضية الفلسطينية هي مدينة القدس وهي لب الصراع العربي الأسرائيلي ولكن الذي نشاهده الأن هو التضامن العربي والفلسطيني والدولي والمساعدات العينية والمادية والأعلامية فقط لقطاع غزة على حساب مدينة القدس ومايحدث لها من تهويد وتدمير وتفريغ لسكانها بحيث تصبح القضية الوطنية الفلسطينية مفرغة من محتواها الوطني والديني والتاريخي للشعب العربي الفلسطيني.

ابوعاصف\قلقيلية

تحية طيبة نطيرها من ارض الرباط من فلسطين المحبة الى الأخ عاصم العابد على مقالاته الرائعة التي تفتح دائما نقاشا وتعليقات هادفة وبناءا تهم المواطن العربي والفلسطيني ولكن يأخي العزيز ان كلماتك تنبع من نفس صادق وحريص على الدم الفلسطيني والعربي وتتمنى دائما بمقالاتك الخير للأمة وقليل من أمثالك الذين يدقون ناقوس الخطر ويتجرأون بكتاباتهم ولكن أولئك القابعين في أحضان الغير ويأتمرون بأوامرهم وينفذون سياساتهم اللعينة هؤلاءالذين ادخلو ثقافة القتل في قاموسنا الفلسطيني الذي ليست به الأ كلمات ثقافة المقاومة والصمود والتحدي والوحدوي وليس لنا عدو واحد هو العدو الصهيوني
ان كل مشاكل غزة هي من صنيعة أمراء الأنفاق وأدعياء المقاومة حماس.

طائر الفينيق

الى قادة فتح الى قادة حماس......أخرج من أناك الى سواك ومن رؤاك الى خطاك ومد جسرك عاليا قد تذكرك البعوضة بالحياة فجرب الحياة لكي تدربك الحياة على الحياة

ثوارالبلد \ نابلس

كل الشكر والتقدير الى الكاتب القدير والكبير عاصم العابد
بدي احكي كلمة صغيرة بس قبل فترة استشهدو عنا بنابلس ثلاث من كوادر وابناء حركة فتح ومنهم بالأجهزة الامنية مش بس بضلهم يحكو حماس الي بتقدم شهداء كلهم عند ربهوم وربنا بعرف كل واحد وعمل
سوف تبقى فتح هي ام الثوار والرصاصة الاولى رغم انف الصغاروبأذن الله سوف تطهر غزة من ابناء الموساد من اتباع ايران القتلة المجرمون اللذين حللو الدمي الفلسطيني الله ينتقم..
مشكور ايها الأستاذ العظيم على كلماتك الرئعة مشكوررررررر والله يديمك

منور العبد اللات

ابدعت عاصم بيك

ابراهيم المطارنه

رائع المقال والتعليقات غنية ومتميزةوكلهاالى صفك وداعمة لوجهة نظرك.

ramaknfani

لسنا مع اي طرف فلسطيني ضد الاخر لكننا مع عودة الشرعية وعدم الأستقواء جهة على الاخرى..نحن مع الوحدة الوطنية أن خلق أزمات وتعنت وركوب راس في المصالحة بين فتح وحماس لا تخدم الا (( اسرائيل )) من حيث عرقلة واعاقة المضي قدماُ في عملية السلام وضرب حالة التهدئة التي عاشتها غزه الايام الماضيه..... وندعو الاشقاء الفلسطينيين اللجوء والعودة الى حوار المصالحة وتفويت الفرصة على الذين يرغبون في وضع العصى في دواليب العملية السلمية.......وليتعلم الطرفان كيفية قرأة العناوين جيدا فما يحدث هو ايجاد مبرر لنتنياهو بالمضي قدما في التوسع الاستطياني وهدم الاقصى وانتم تديرون ظهوركم الى غزة وقوافل الشرايين... ماضون في تهويد القدس فلتصحوا يا من عينتم انفسكم قادة على شعب مقهور ومسلوب...
فالقضية الفلسطينه قضية امة اسلاميه وليست قضية فصيل معين وليست فلسطين غزه فقط فلسطين كل فلسطين والقدس عروسها

نادر

احسنت يا ابو فارس