facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الاكثر تعليقا





فات الفوت ..


احمد حسن الزعبي
28-02-2011 02:22 AM

ركض، صياح، تكسير، شتائم، عويل، وعيد، زجاج، رصاص، دم، واجهات محال تخلع، معارك حقيقية بالأيادي.. أم يحيى وهي تراقب الموقف من البلكونة تطل برأسها بين قطعتي ملابس من حبل غسيل طويل.

-ام يحيى: أبو يحيى:.. الحق.. الطوشة صارت بنص الحارة!!

-ابو يحيى: شوي.. تا أحلق لحيتي!!

-ام يحيى: يا زلمة هسع وقتها.. شوفعهم سكروا الشارع!

-ابو يحيى: هسع بشوفهم تا ألبس «جراباتي»..

-ام يحيى: يا بو يحيى الناس ذبحت بعضها..

-ابو يحيى: طيب قاعد بدور ع جراباتي مش ملاقيها!!

-ام يحيى: يا زلمة كل ما لها بتقرّب.

-ابو يحيى: عارف عارف.. بس قاعد بجهّز بحالي.

-ام يحيى: هاي رفشوا ببطن جوز فزة!!.

-ابو يحيى: يا الله جاي.. قاعد «بكفت» بالسروال؟

-ام يحيى: ابو يحيى.. هاي خلعوا دكانة كرمة العلي!!

-ابو يحيى: طيب وين حطيتي «الكالونيا».. لحيتي بتشفطني!!

-ام يحيى: ابو يحيى سكّر الباب بالمفتاح.. لا تلحقنا طرطوشة!

-ابو يحيى طيب هسع بسكره .. بس وين الكالونيا!!

-ام يحيى: يا زلمة سايق عليك الله تسكّر الباب.. صاروا تحت الدار!!

-ابو يحيى: فهمان عليك.. بس وين الكالونيا؟!

-ام يحيى: هاي صوتهم صار ع الدرج بسعة سكّر الباب!!

-ابو يحيى: انا معك.. بس وين الـ..

دووووب.. هوت قنوة موجهة في منتصف قرعة ابو يحيى.. فارتمى أرضاً..

-ابو يحيى بلسان ثقيل ودم نازف يحاول النهوض:

-ام يحيى: وين بدّك؟

-ابو يحيى: اسكّر الباب زي ما طلبتي!!.

ahmedalzoubi@hotmail.com

(الرأي)




  • 1 اشاطر 28-02-2011 | 11:20 AM

    ابدعت ......

  • 2 طراونة 28-02-2011 | 12:02 PM

    قوية قوية بس اااااااخ على الي بين السطور ...

  • 3 عيسى غرايبة 28-02-2011 | 12:39 PM

    .. عالوجع يا معلم

  • 4 محمد الرواشدة 28-02-2011 | 12:48 PM

    استاذ وفنان يا زعبي ...


تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :