facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الأكثر مشاهدة





بني ارشيد على "الداخلية" : سبب العجز فساد اخلاق صناع القرار .. (صور)


01-09-2012 10:10 PM

عمون - محمد أبو حميد - شنّ القيادي في الحركة الإسلامية زكي بني إرشيد هجوماً على حكومة فايز الطراونة وصانعي القرار في الاردن غداة رفع اسعار المشتقات النفطية.

ووسط مطالبات برحيل حكومة فايز الطراونة في إعتصام نُفذ مساء السبت على دوار الداخلية انتقد نائب المراقب العام لجماعة الإخوان المسلمين بشدة القرار الحكومي الأخير برفع الأسعار.

ووجه نداء إلى من يتحدث عن عجز الموازنة العامة للدولة بالقول "يا صناع القرار اعلموا جيدا إن كان هناك عجز فسببه فسادكم وفساد اخلاقكم " ، وطالب بإعادة أصول الدولة وقال " أعيدوا للاردن اراضيه ومياهه وفوسفاته وهوائه لنتحدث على سواء".

واتهم الحكومة بالخضوع لشروط صندوق النقد والبنك الدوليين وأشار "الحكومة تخضع لاملاءات صندوق النقد الدولي فلجأت الى جيب المواطن".

وتساءل بني ارشيد " ماذا بقي بيننا وبين الدولة يحكمها من يستعين بالسفارات الاجنبية لتقييم الاصلاحات؟ " ، واضاف " نقول لهم ان الشرعية التي تمكن اصحابها هي الشعب وليس الاجندات الخارجية فامريكا لم تحم زين العابدين والقذافي".

وحول الانتخابات النيابية فبارك القيادي الإسلامي بالإنتخابات لأصحابها وقال " أما ما يسموها في الانتخابات البرلمانية فهي مبروكة عليهم فهي لا تمثلنا".

وحذر من اطاحة رؤس من أطلق عليهم " اصحاب المؤامرة" وقال بني ارشيد في حديثه عن الإعتصام الذي دعت اليه الحركة الاسلامية " جاء هذا الاعتصام صيحة مدوية لمن يسمع ويقول للحكومة كفى تجبرا فقرار رفع الاسعار استفزازا للاردنيين " ، واضاف " ان المناهضة على فقر المواطن وحلمه وصوته وعلى ان هناك اغلبية صامتة" ، مشيرا الى ان "هناك مؤامرة ستطيح برؤوس اصحابها".

وزاد " هذه الحكومة التي تنفذ اجندات خارجية برفعها للاسعار للمرة الثانية هذه الحكومة التي تتحكم باجهزة الدولة بريموت كنتترول" ، وزاد " لقد مللنا من التغيير زيد وعمر نحن نريد تغيير اشخاص يحققون للشعب مصالحه ".

وحذر من ان هذه الخطوة تشكل خطرا على كل اسرة اردنية وقال " احذر على اجهاض انجازات الشعب الحر" ، وتابع "فليس من هنالك احد مستفيد من قرارات الحكومة سوى الفاسدين فاحذركم ان تضربوا الجيش والامن بالشعب".

وأضاف " ابشركم ان هذه بداية الفعاليات وليست نهايتها فهذه اللحظة جميع محافظات الاردن تشهد مثل هذا الاعتصام" ، و الحكومة التي تعجز توفير المياه للمواطين لا تستطيع ان تحكم الشعب.

**
من جهته قال الناشط سلطان العجلوني " سنوجه اليوم البوصلة لاتجاهها الصحيح اذا اردنا ان يكون خطابنا مسموعا ومطلبنا محققا يجب ان يوجه الى مكانه الصحيح فمجلس النواب والاعيان والحكومات لا تحكم البلد" ، وقال أن رأس النظام والأجهزة والسفير الامريكي فلا نعرف الترتيب الصحيح لكن هذه الثلاثية هي من تحكم البلد .

وتساءل " هل نغير الشعب ام نغير الدستور؟" , وطالب بإعادة العلاقة مع مؤسسة الحكم عن طريق "العقد الاجتماعي" ، وأضاف " سنعيد النظر في حراكنا وموعده ومكانه لانهم لا يفهموننا لانهم لا يفهمون لغتنا فسوف نستخدم هتافات بالانجليزي والعبري".

**
في غضون ذلك نفذ شبان الولاء والإنتماء إعتصاماً في مقابل فعالية الإسلاميين ، رفضوا ما يطرحه المعتصمون من شعارات .

وكان صدر بيان ودعوة من الحراك الشبابي الاسلامي نصها :

ابناء الاردن الاحرار..

ان ما جرى البارحة من رفع للاسعار ضمن مسلسل التضييق على المواطنين وزيادة الاعباء اليومية المترافقه , هو عودة للوراء وتكريس للفساد الاقتصادي المتعاظم في إهمال متصاعد لأنات المحتاجين وآهات المعوزين، وغطرسة متمادية وتآمر فاضح مع الفاسدين.

ان النظام وحده وحكوماته المتعاقبة هو من يتحمل عجز الموازنة العامة وليس المواطن. النظام الذي باع مقدرات الوطن وثرواته للفاسدين بأبخس الأثمان، ومارس سياسات دمرت اقتصاد الوطن وأفقرت المواطن وسحقت الطبقة الوسطى التي تعتبر صمام الأمان للاقتصاد.

إننا كجزء من الشعب والحراك الإصلاحي نرفض هذه الإجراءات غير المسؤولة، ونحذر النظام من أنه بالاستبداد الاقتصادي مع الاستبداد السياسي يسير بالشارع نحو الانفجار ونهاية لا تحمد عقباها.

ابناء الاردن الاحرار

اننا في هذا الصدد لندعوا جميع ابناء الاردن للمشاركة في المسيرات التي ستنطلق بعد صلاة المغرب من العديد من مناطق الوطن اليوم وللمشاركة في الاعتصام المركزي بتمام الساعة الثامنة على دوار الداخلية اليوم الموافق 1-9-2012 رفضا لهذه السياسات الحمقاء وللمطالبة بالاصلاحات الاقتصادية والسياسية .

عاش الاردن حرا عزيزا
والخزي والعار للفاسدين وازلامهم
الحراك الشبابي الاسلامي





  • 1 فهد فريد جبر 01-09-2012 | 10:12 PM

    الله يجيب العواقب سليمة

  • 2 hاردني غيور 01-09-2012 | 10:15 PM

    روحوا اعتصموا في حلب بلكي ربنا يخلصنا منكم وما يرجع واحد منكم بكفي عبث في بلدنا اشكالكم لا يمتوا لهذا البلد باي انتماء انماءتكم لاجندات خارجيه

  • 3 نعم للحراك والف لا للفساد 01-09-2012 | 10:15 PM

    يا اخي والله انهم ارجل كل يوم بكبروا بعيونا اكثر واكثر صحيح عندهم مطالب شخصية حقهم بس مطالبه الكثيره لهشعب المسحوق المسروق الله هم اشدد امرهم ويسر عليهم

  • 4 ليش الدوله مصره على اعداء فرصه 01-09-2012 | 10:19 PM

    ليش الدوله مصره على إعطاء الفرصة تلو الفرصة
    لهؤلاء ...

  • 5 توضيح 01-09-2012 | 10:20 PM

    الدعوات للاعتصام أطلقت من نشطاء في الحراك الشبابي من مختلف التيارات والانتماءات وليس الاسلاميين فقط!!

  • 6 مواطن 01-09-2012 | 10:28 PM

    الله معهم الاخوان والله انهم لسان المواطن الاردني

  • 7 هشام 01-09-2012 | 10:38 PM

    يعني عاجبكحوا رفع الاسعار والمسؤولين .. بقوت الشعب ....

  • 8 ابراهيم 01-09-2012 | 10:39 PM

    معا لاسقاط هذه الحكومة

  • 9 ضد الاخوان "سابقا" 01-09-2012 | 10:40 PM

    الحكومة جادة بل عازمة لتحويل الأردنيين لأتباع للأخوان المسلمين المدافعين الحقيقيين عن حق المواطن بالعيش الكريم.

  • 10 مواطن عادي 01-09-2012 | 10:44 PM

    و الله إنهم رجال ، الاردن كله معكم

  • 11 حراكي جديد 01-09-2012 | 10:46 PM

    انا عمري ما شاركت في مسيرة او اعتصام، لكن بعد اليوم، اقسم بالله بأني سوف اشارك في جميع الاعتصامات من العقبة الى اربد حتى يتم الاصلاح، فالدولة في حالة فلتان سياسي وامني لا يوصف، ولن اتراجع الا بعد الاصلاح.

  • 12 اردني منتمي 01-09-2012 | 10:47 PM

    والله العظيم بفكر انظملهم بعد رفعة هالمحروقات مهو عنجد اشي بفلق

  • 13 مواطن 01-09-2012 | 10:51 PM

    والله العظيم معهم حق الاخوان يعملوا اكثر من هيك صار المواطن .. الي سرقوا مصاري البلد

  • 14 ابو معاذ 01-09-2012 | 10:52 PM

    كل ما نقول احنا مع الحكومة وضد الاخوان بتطلع الحكومة بتعمل رفع اسعار وتضييق على الفقراء في هذا البلد
    لكن للصبر احدود يا حكومة احسن الناس تتحول مع الاخوان بدون ما يعرفو ايش الاخوان بعملو

  • 15 من الكرك 01-09-2012 | 10:53 PM

    انا كنت ضدهم و لكني من اليوم معهم قلبا وقالبا و بطاقتي الانتخابيه اللي اخذتها مزعتها من مبارج جكاره به.. و ساصوت للاخوان و اقاطع معهم لانهم الاصدق و الاثبت و الاقرب لنا من الحكومات الفاشله

  • 16 افتحولنا الهجرة خلنا ننقلع 01-09-2012 | 10:54 PM

    وطن بديل وطن بطيخ وطن سخيم انا اردني الاصل والفصل للجد الالف يا سيدي متنازل اعطيني هجرة لاي بلد اجنبي واشبع واتمرغ بنعمة الامن والامان قرفونا عيشتنا صابنا اكتئاب جسدي وعاطفي ونفسي وجنسي الواحد من كثر القهر والضغط بطل ينفع حتى على فراش الزوجية دمرونا لعنوا سنسفيل ابو فطاس اللي خلفنا بلا وطنجيات بلا عروبيات بلا مؤامرات انا قابل ودوني عند المتآمرين انا راضي يعطوني فيزا وانا بدي اروح عندهم

  • 17 الله محيكو من معان 01-09-2012 | 10:56 PM

    الله محي الاخوان و الله انكم رجال الاردنيين الحق و سامحونا ان اخطينا بحقكم بس انتو ولاد الاردن و بلا اغاني بلا سواليف وطنيه كلها .. الاخوان الاخوان

  • 18 حر 01-09-2012 | 10:58 PM

    راح انزل معهم من يوم وطالع ... الله عالحكومة

  • 19 مع الدغري 01-09-2012 | 11:10 PM

    تعليق 8 ..أنا معك 100%

  • 20 طفح الكيل 01-09-2012 | 11:12 PM

    صار الكل يفكر ينزل معهم و كله من الذكاء الحاد للحكومه شو هالجراه الي عنده لفايز الطراونه ولا يلا مش غريبه قبلها خليف كان بجامعة البلقاء يساوي الي بده اياه و يحكي على الي قبله شكلهم كلهم الطراونه هيك حسبي الله و نعم الوكيل ..

  • 21 دحيه دحيه دحيه 01-09-2012 | 11:14 PM

    كل واحد يسحج بالطريقةالي تعجبة ...... ودحيييه قربت انشاالله

  • 22 موعاجبكو اشي 01-09-2012 | 11:14 PM

    كلكو صرتو طفرانين وما معاكو 7 قروش زيادة يعني بالكثير الزيادة دينار على تعباية السيارة ثاني اشي ما اتروحوا تسجلو وخلينا نعمل انتخابات ونخلص ونعرف ساعيتها كيف نحاسب الرئيس اللي رح يجي من البرلمان...يا اخي ما بدكو اشي الا الخراب
    الكل اتعهد انتخابات شفافة وفي مراقبين دولييين وما بدكو الي بفلق صوتين ما بدكو إلا ثلاث صوات ولما عون قالكو ثلاث صوات كمان ما بدكو شو المطلوب بالزبط؟!!!!!!!
    اللي بقول رفع أسعار انا بتحدى تحدي وبشارط مين من كان إذا الاسعار للخضرة والخبز ما كانت ارخص الاسعار في الشرق الاوسط والله لاخلي خدي مداس الكو....عيب اللي بصير كلكو ضربكو الطفر عبخت ال 7 قروش زيادة فلقتو راسنا روحوا سجلوا وانتخبو اللي بدكو وساعيتها بنعرف نحكي ونقول اما هسا مقسوم لا توكل وصحيح لا تقسم وكل تاتشبع عييييييييييييييييب انشروا يستر كو

  • 23 عموني 01-09-2012 | 11:16 PM

    بدنا فيديو لو تكرمتوا يا عمون

    حاب اشوفهم وهمه ..!!

  • 24 ابن البيادر 01-09-2012 | 11:17 PM

    انا نازل معهم لأول مرة , بصراحة مع اني كنت ضدهم بس ثبت انو سكوتنا انفهم على انا راضيين ومبسوطين .

  • 25 خالد محمد 01-09-2012 | 11:18 PM

    انا لم انزل يوما في مظاهرة في الحراك لكنني اليوم سانزل
    وليذهب من يريد ان يعامل الشعب الاردني كالخراف الى .. التاريخ

  • 26 لؤي الخطيب 01-09-2012 | 11:19 PM

    يا ناس يا عالم يا بشر يرفعوا كل شي بس واللة العظيم مو وقتة هاد الحكي هلاءالبلد واقفة علا كف عفريت سياسيا واقتصاديا في ناس متعمدين يخربوا البلد ويدروا علا النار بنزين

  • 27 من اليوم انا اخواني 01-09-2012 | 11:19 PM

    بشد على ايدكم والله يوفقكم

  • 28 عابر سبيل 01-09-2012 | 11:19 PM

    يا جماعه لا يوجد امن او امان في اي دوله اذا صار الامن والقضاء فيها ... شوفو ايش صار في الشعب صار اي شاب يتمنا انو يروح على خلايا الزعران علشان ياكل ويشرب

  • 29 اسمع يا فايز الطراونه اسمع و اعقل يا ابن الاردن 01-09-2012 | 11:24 PM

    ان تصرفات الحكومة و قراراتها هي التي تريد للاردن الانجرار وراء الربيع العربي بنسبة 100% من الشعب الاردني هل تريدون تجربة الشعب و مدى قوة تحملة فلم تعد الاحزمة قادره شد بطوونا حيث التصق البطن بالعمود الفقري او تريدون تجريب القوات الامنية على الشعب وهم ابناء الشعب فلا الشعب الاردني يختلف بمركباتة عن الشعوب العربية الاخرى فاحذروا من سحبنا اليكم فأننا لن نموت جوعا وانتم تنعمون بحمام سباحة من حليب لتلين جلودكم فأحذروا غضب الاردني احذروه ولا تجربونا

  • 30 دبور 01-09-2012 | 11:29 PM

    بكره بقيلو حكومة الطراونه خلص عملت اللي عليها بتيجي حكومة تانيه بتخوزق الشعب اكتر ولله الامر من قبل ومن بعد وحسبنا الله ونعم الوكيل باللي ..

  • 31 مطلق العلي 01-09-2012 | 11:29 PM

    الا ترفعو الاسعار محنا .. وبيجي من السعودية ببلاش والعراق للجيبة ..

  • 32 عمر أبو زيتون 01-09-2012 | 11:29 PM

    الله معكم ويقويكم لتحقيق مطالبكم العادلة .. وهذه هي مطالب الشعب كافة .. أصبح المواطن يعيش بلا كرامة في وطنه .. نحن معكم في هذا الإعتصام .. ونقول للحكومة إتق الله في الشعب الذي لم يعد يتحمل .. هم يسرقون ونحن نسد عنهم .. إرحمينا يا حكووووووووومة .. إرحم يا طراااااااااونة ..!!!

  • 33 بكفي 01-09-2012 | 11:30 PM

    كل الشعب رح يصير اخوان بس عن قريب الوضع بطل ينطاق ضربات ع الشعب هيا كل يوم ضربه اليوم صحينا لقينا رفع ع اسعار المحروقات

    قادمون يا اخوان

  • 34 ام كلثوم 01-09-2012 | 11:32 PM

    بهاي المناسبة بحب اهدي الحكومة اغنية " للصبر حدود"

  • 35 امجد 01-09-2012 | 11:34 PM

    انا هسا نازل انضم لهذا الاعتصام وهذه اول مرة وادعوا الكل ان ينضم...شو هل الحكومة هذة... تسقط تسقط

  • 36 محلل 01-09-2012 | 11:35 PM

    لقدمحللا قد قام الاخ فايز بدق اخر مسمار ينعش حكومته حيث تقاطر المواطنين بعد طول صمت الى الشارع ليكلان الميدان ويتدخل جلالة الملك بحل الحكومة ومجلس النواب وتشكيل حكومة إنقاذ وطني تصحح المسار وتكافح الفساد وتضع قانون انتخاب حقيقي وتجري انتخابات نزيهة
    هذا الحل الوحيد الذي لابد من الإسراع نحوه

  • 37 بكرة بتبرد 01-09-2012 | 11:35 PM

    ولا ربيع ولا بطيخ حكي فاضي هسع صرتم تحترموا الاسلاميين !!! بكرة الصبح بترجعوا تسبسبوا عليهم على اتفه سبب اليوم صارت الحرية بالنشر تقطع بعضها بكرة بمنعوا التعليق اليوم بسبسبوا على الحكومة بكرة بصيروا يهزوا ذنب ........بزعبرله شوية وبنطم يسكت بلا تشذب ولا بتعلموا اشي بتنطموا وبتسكتوا وتدبكوا على اغنية عمر العبدلات كالعادة

  • 38 test 01-09-2012 | 11:38 PM

    test

  • 39 مدنى 01-09-2012 | 11:46 PM

    مش شايف وين الإسلاميين فى الموضوع

  • 40 ملعون حرسي 01-09-2012 | 11:46 PM

    لا أعتقد الأخت الأردنية السافرة اخوانية..ز الحراك أردني الحراك والأحتجاج للشعب الأردني الذي ظلم كثيرا

  • 41 قاطع طريق.. 01-09-2012 | 11:47 PM

    سأمتهن الصعلكة، وآخذ حقي من مصاصي الدماء ، فالمال عندهم مكدس وأنا لن أموت جوعا كأرنب في قفص. سأفترس أصحاب الكروش وآخذ حقي وحق الفقراء...

  • 42 بقايا موطن 01-09-2012 | 11:50 PM

    الإسلاميون يطالبون برحيل الحكومة على "الداخلية" ............ لعنوان للاسف مضلل و مصدر لانشاء الفتن .. لماذا يقولون "الإسلاميون " و نحن أولا مسلمون و ثانيا نحن دولة اسلامية , لماذا لا تكتبون
    "الإردنيون يطالبون برحيل الحكومة على "الداخلية" " ....

  • 43 اردني حر 01-09-2012 | 11:50 PM

    والله انا كنت ضدهم بس بعد اليوم والله انهم لسان الشعب المسكين يعني همه احسن منا وبالنهاية بحكي الحمدللهه بطلت خااروف

  • 44 هينا جاييتن على الداخليه وبنا انشوفك يا طرونه 01-09-2012 | 11:53 PM

    يا صقله ولبلد خربانه يا طرونه عشان ترضا انته ..

  • 45 مع الدغري 01-09-2012 | 11:53 PM

    ...الان الدوار فل

  • 46 الى مدني 01-09-2012 | 11:53 PM

    انت فاهم الموضوع غلط الحركة الاسلامية دعت الناس للاعتصام دعت (((الناس))) مش شرط تكون مربية لحية او اسلامي تا تشارك عادي مسيحي بشارك شيوعي بشارك ليبي مار بالطريق حب يشارك بقدر يشارك

  • 47 حكومات فاشله 01-09-2012 | 11:55 PM

    ... فاشله

  • 48 الى طفح الكيل لا تجيب سيرة الطراونه 01-09-2012 | 11:56 PM

    شو شكلهم الطراونه هيك عيب هالكلام ...اذا بتعرض اعترض على رئيس الحكومه فقط وما الك باللي اكبر منك مفهوم ما خص الطراونه بالموضوع احسن الكوا ولا احنا بنعرف كيف نسكتوا

  • 49 البلد خربه من ورى الطراونه 01-09-2012 | 11:57 PM

    والله البلد مش ناقصه ارتفاع اسعار والله الي رفع الاسار بدو يخرب البلد ... شباب السلط

  • 50 مها 01-09-2012 | 11:59 PM

    ... الحكومة صنع لجماعة الاخوان جماهيرية لا يستحقونها

  • 51 مغترب 01-09-2012 | 11:59 PM

    معا لمحاربه الفساد...لسنا خرافا ولن نكون مواطني مزرعه...تبا .....

  • 52 jordanian 02-09-2012 | 12:01 AM

    الحكومة والنواب ...

  • 53 غريب 02-09-2012 | 12:03 AM

    التعليق اللي بعثتو ما في غلط غريب ليش ما نتشروه عكل حال برضه لسه عند رأيي كلكو طفرتو على بخت 7 قروش؟؟؟روحو سجلوا للانتخابات بلكي غيرنا بدون استفزازات ...

  • 54 سحابي 02-09-2012 | 12:08 AM

    انا من بكره بدي اصير اخوان , لإنها حكومة .. ودايرة على خراب بيتنا ... نشحد يا طراونه عشان تنبسط

  • 55 Mutaz 02-09-2012 | 12:10 AM

    يعني الشعب بزيد فقر وفقر وفقر من ورا هالحكومة ..................... اي هلكتونا ننتحر يعني والله احسن ولا نعيش تحت رحمة .. مصاصة الدماء

  • 56 آدم 02-09-2012 | 12:13 AM

    سوف انضم

  • 57 ععماد فرح مشربش 02-09-2012 | 12:14 AM

    متى سيتم ارجاع مصاري اللصوص؟؟؟

  • 58 Why 02-09-2012 | 12:15 AM

    واضاف المصدر ل ..........................................

  • 59 ابو يزن 02-09-2012 | 12:16 AM

    قسما بالله انها مهزله ... واشكاله مش رح يهدو حتى يحول الوطن الى دمار مبارح كنا ضدها اليوم كل الشعب معهم بكفي مهزلة هي عملية اذلال بكرة بشوفي نتائج افعالهم النجسة

  • 60 فلول 02-09-2012 | 12:16 AM

    يعني لو الاخوان في موقع المسئوليه بتفكروا انهم مش رايحين يزيدوا الاسعار؟
    الزياده الاخيره كان مطلب من البنك الدولي وكلكم بتعرفوا ان الاردن بلد محدود الموارد والكل بدهم زياده رواتب الحل بكون عدم التجوال في السيارات على الفاضي, والمشي كثير كويس. في المناطق السهليه البسكليت احسن حل حيث يستعمل البسكليت في اوروبا واسيا بكثره كمان مفاعل نووي لانتاج الطاقه كثير ممتاز, السخانات الشمسيه كمان شيئ رائع يعني المطلوب تغير العادات الاستهلاكيه حيث لا يمكن وقف الاسعار من الارتفاع

  • 61 أحمد 02-09-2012 | 12:19 AM

    كلنا معكم يا أحرار ...

  • 62 مافيه بسياره بنزين 02-09-2012 | 12:21 AM

    يعيش الاخوان .....

  • 63 والله اربت 02-09-2012 | 12:24 AM

    شكلها قربت والوضع صار ما ينطاق شكلها الحلقة الاخيرة فعلا زي ما يحكو

  • 64 م.زياد السكارنه 02-09-2012 | 12:28 AM

    هذا كله تمهيد لانتخابات نزيه وشفافه حسب راي الحكومه (طفر وقله زفر) يعني بيع صوتك علشان توكل خبز وشاي وهذا اذا كفو المصاري

  • 65 الى 27 02-09-2012 | 12:31 AM

    قسما بالله انك صادق وكنت بدي اكتب نفس فكرتك بس والله يا اخواني انه هذا اللي بصير بتروح حكومة وبتيجي حكومةتجني علينا اكتر لانه الشعب الاردني ساكت ومسترخي والله

  • 66 sabah 02-09-2012 | 12:32 AM

    الشعوب الحرة تنتفض لرفع أسعار السلع, تقاطع وتضغط حتى على إرتفاع أسعار تاكماليات.... فأين نحن منهم ؟؟؟؟؟؟؟؟؟

  • 67 عبود ابورمان 02-09-2012 | 12:35 AM

    الله الله الله اكبر
    قربت
    دقة الساعة
    حان الوقت
    الموت ولا المذله

  • 68 احمد 02-09-2012 | 12:39 AM

    الخلل ليس في الحكومات

  • 69 كلنا فداء للوطن 02-09-2012 | 12:42 AM

    نعم الحراك والاخوان اكثر.. من الحكومة التي تستقوي على الشعب الذي تم تفقيرة باسلوب ممنهج

  • 70 الماحمي محمد ابو غنيمة 02-09-2012 | 12:43 AM

    انا مش اخوان ولكني أحب الاخوان لخوفهم على البلد أكثر من المسؤولين الذين نهبوا البلاد والعباد

  • 71 كرك 02-09-2012 | 12:44 AM

    ...... ويجب رحيله لان جيوب الفقرا فارغه وهو الي يعطي الفرصه تلو الفرصه من اجل عمل البلبله في الشارع ارحل ارحل

  • 72 حسبي الله ونعم الوكيل 02-09-2012 | 12:45 AM

    مش ناقصنا رفع اسعار كمان لوين بدنا نوصل مثلا برايكم

  • 73 عبد من عبيد الاردن 02-09-2012 | 12:45 AM

    الله يحيي الطراونه لانه رجل وفاهم الأردنيين جيدا
    بعرف انهم بس شغل كلام بكلام والله غير يسكتوا بعد يوم او أنثيين
    الشعب الاردني ميت كلينيكيا وراح يضل هيك الى الأبد
    عمركم شفتوا حدا رجع من الموت الكلينيكي مثلا
    بعدين إحنا خلقنا عشان نكون زحيجه. هذا هو دورنا في الحياه والله لو يقطعوا عنا الهواء غير نضل نزحج
    تمركزوا شفتم عبد بغير سيده
    انشر يا محرر قبل ما يقروا قانون المطبوعات بعدين احذف زي ما بدك

  • 74 ابو محمد عبد من العبيد 02-09-2012 | 12:47 AM

    الله يحيي الطراونه لانه رجل وفاهم الأردنيين جيدا
    بعرف انهم بس شغل كلام بكلام والله غير يسكتوا بعد يوم او أنثيين
    الشعب الاردني ميت كلينيكيا وراح يضل هيك الى الأبد
    عمركم شفتوا حدا رجع من الموت الكلينيكي مثلا
    بعدين إحنا خلقنا عشان نكون ... هذا هو دورنا في الحياه والله لو يقطعوا عنا الهواء غير نضل نزحج
    تمركزوا شفتم ...
    ...

  • 75 REEMA,IRBID 02-09-2012 | 12:48 AM

    لا حد هوووون و بكفي زودووها هييك وكل حدا يجب ان ينضم الى النشامى

  • 76 شو بالنسبة؟؟ 02-09-2012 | 12:55 AM

    شو بالنسبة للورقة اللي مكتوب عليها بالعبري؟؟؟ قمة الاستهتار من شاب .. ، بكرا بنشوفها بهارتس ولا يديعوت احرنوت!!!

    ...

    كل الشكر الكم في عمون لنقلكم لنا الحدث لتكتمل عندنا الصورة

  • 77 ابو رمان 02-09-2012 | 12:56 AM

    سؤال وين مجلس 111؟

  • 78 عماني 02-09-2012 | 12:57 AM

    في يدخفيه هدفها دمار البلد الله يجب العوقب سليمة رفع الاسعار دليل على ... الحكومة

  • 79 اردني حر جدا 02-09-2012 | 01:00 AM

    انتم يا عامون حيرتونا بتنشروا الي يناسبكم و الله ما عندكم حرية التعبير و لا صخامه
    امبارح ارسلت تغليق كيف ان الشعب الاردني علما انه يعاني من اوضاع اقتصادية صعبة الا انه للاسف بسبب دلع الحكومات السابقة له صار يفكر انه فرض و واجب انه دائما ان يتم توفير كل شىء لهم باسعار مدعومة حتى لو ان البلد مفلسة وللاسف يتم تحريك الشعب من قبل مجموعات معينة لها اجندات خاصة
    في الوقت نفسه يجب على الحكومة ان تثبت في انها جادة في محاربة الفساد لانه للان لم نجد اية قضية منشورة تثبت ذلك و خاصة في ما يخص الفوسفات لحد الان لم يتم اية محاكمة او استرجاع الاموال المنهوبة واللتي لو تم استرجاعها ستدعم الموازانة وستثبت بان الحكومة جادة في محاربة الفساد
    يرجى النشر

  • 80 مواطنيربون أطن اردني 02-09-2012 | 01:02 AM

    خليها تنفيعات...؟

  • 81 محمد علي 02-09-2012 | 01:03 AM

    قرار رفع اسعار المحروقات صعب ولكنه يجب ان يتخذ

  • 82 test 02-09-2012 | 01:04 AM

    test

  • 83 احمد الاردني 02-09-2012 | 01:07 AM

    اقسم الله انا لم اشوف صورة بني ارشيد او اسمع انه مشارك في اعتصام يحصل لي تشاءم وبدل تاييد الاعتصام اكره من بالاعتصام انه طالب منصب ولا يهمه الاصلاح وله اجنداته الخاصه التي لا يوجد فيها اي خير للاردن

  • 84 صامت 02-09-2012 | 01:07 AM

    الله معاكم يا شباب ....والعين تحرسكم ...من كل حاسد ...وتفقس عين عدوينكم ...انتم رجال في ساحات الدار ، والذي لا يعجبه يلطخ راسه في الحيط ،منصورين والله لاتكم على حق .

  • 85 أم أحمد 02-09-2012 | 01:07 AM

    يلا يا شاطرين ظلكم..و ارفعوا الأسعار و حطوا المصاري في جيابكم!!
    حسبنا الله و نعم الوكيل بس !!!!!!!!!!!!!!!!!!!

  • 86 صامت 02-09-2012 | 01:08 AM

    الله معاكم يا شباب ....والعين تحرسكم ...من كل حاسد ...وتفقس عين عدوينكم ...انتم رجال في ساحات الدار ، والذي لا يعجبه يلطخ راسه في الحيط ،منصورين والله لاتكم على حق .

  • 87 hakam atmeh 02-09-2012 | 01:10 AM

    . we need freedom . we dont love you department

  • 88 متابع 02-09-2012 | 01:10 AM

    المحسوبية والواسطة والجهوية والمصالح في التعيينات الحكومية الاخيرة والتشكيلات القضائية

  • 89 this is the end 02-09-2012 | 01:11 AM

    the kingdom is on the v؟؟

  • 90 اردني حر جدا 02-09-2012 | 01:12 AM

    خليه منضب احسنله لانه عما يدور شعبية له ولجماعته
    اسمعنا نفس الحكي بخصوص البنك الدولي من الاسلاميين قبل الانتخابات في مصر والان بعد ان استلموا الحكم وقعوا عقد مع البنك الدولي ب 5 مليار دولا و اعطوه طبعا فتوى دينيه تناسبهم
    الشىء الوحيد الذي اتفق مع الحراك هو محاربة الفساد و استرجاع اموال الفوسفات المنهوبة

  • 91 كلنا 02-09-2012 | 01:12 AM

    كلنا مسلمون و نصارى مع الحراك حتى نجتث المفسدين

  • 92 انا ما بطيق الاخوان 02-09-2012 | 01:14 AM

    من اليوم انا مع الاخوان والحراك .. الطف من هالحكومه هاي اي شي غاد بتعطيني راتب واحد من وين اجيب ليك اصرف على عيالي لحد هون ووقف

  • 93 د. احمد 02-09-2012 | 01:15 AM

    حسبنا الله ونعم الوكيل ولا حول ولا قوة الا بالله وانا لله وانا اليه راجعون

  • 94 ali almajali 02-09-2012 | 01:18 AM

    والله يا زكي , امريكا ما حمت القذافي ولا بن علي , بس حمتك و حمت مرسي

  • 95 محمد الطراونه 02-09-2012 | 01:18 AM

    دولة فايز الطراونه اصلاً مش شايفكوا في عينه ولاسامع صوتكوا وحتى لو صرتوا ٦ مليون ..

  • 96 الف.... على الدوار 02-09-2012 | 01:24 AM

    اول من استعان بالسفارات هو انتم يا بني ارشييد اذا انت ...........حسب نظريتك

  • 97 مواطن 02-09-2012 | 01:24 AM

    عتبي كل العتب على الحكومة الي بتعطي فرص مجانا لمن يتصيد بالماء العكر؛ وانا على يقين ان معظم من يهتف ضد ذلك ما بهمه المواطن ولا الوطن؛ كان الاجدر على الحكومة ان تقنن مصاريفها اليومية، خاصة المتعلقة بالمحروقات، كم مره سمعنا عن لا حركة لسيارات الحكومية بعد الدوام حتى لو كان صاحبها وزيرا! كان الاجدر على الحكومة ان تسحب من رواتب الوزراء المتقاعدين والذي يزيد عددهم على 500 وزير متقاعد، او سحب من رواتب المدراء والسفراء او من كل شخص راتبه يزيد على 2000 دينار. اتمنى على الحكومة القادمة ان تفعل ذلك بجدية وشكرا.

  • 98 الخل اخو الخردل 02-09-2012 | 01:25 AM

    سو السيرة يا عالم يا ناس؟؟ بدكم حكومة اخوان عن جد؟؟ بدكم ايانا نصير زي غزة؟ روحوا هناك وشوفوا، اذا ما كنت منظم في التنظيم وقيادي كمان بيندعس عليك او بتهموك تهمة توديك ورا القمر، روحوا شوفوا مين اللي اغتنى ومين اللي افتقر في غزة؟؟، وفهموني كيف بدهم الاخوان ينزلوا سعر البنزين؟ ليش هم عندهم ابار بترول واحنا مش داريين والا راح يصيروا دناديل لايران مقابل الدعم المادي للبعض من قياداتهم زي ما عملت حماس؟ اتقوا الله يا ناس، هاي فتنة لعن الله من ايقظها، ولو فيهم خير كان قدموا مقترحات حقيقية كيف بدهم يصلحوا البلد، اللي احنا سامعينوا انو مش عاجبهم اشي، ولما نسألهم شو العمل بيقولوا غيروا الدستور والقوانين وسلمونا الحكم وبعدين بنتفاهم، شو مفكرين الناس كلهم اغبياء؟

  • 99 ابن السلط 02-09-2012 | 01:26 AM

    الى كل احرار الاردن دافعو عن خبز اولاادكم حكومه مش مصليه على النبي واخرتها

  • 100 خروف 02-09-2012 | 01:29 AM

    الموت ولا المذله

  • 101 فارس الخزرجي 02-09-2012 | 01:30 AM

    والله انها حكومة ما بتخاف الله
    والله اني اليوم اختصرت في وجبات الطعام من اجل ان اوفر لغد بنزين يباره لاذهب الى العمل ببضاعة خارج عمان

  • 102 كركي 02-09-2012 | 01:33 AM

    اولها فايز واخرها فايز

  • 103 ديرو بالكو 02-09-2012 | 01:37 AM

    ديرو بالكو يكون معكو حدا حامل ... ديرو بالكو يا اسلاميين .

  • 104 black 02-09-2012 | 01:37 AM

    الى هنا اللعبه انتهت .......... خلص الشعب الان قرر وعلى الاخرين التقيد .....................

  • 105 ابو رفيق 02-09-2012 | 01:40 AM

    حل عنا يا زلمه

  • 106 الى لؤي الخطيب 23 02-09-2012 | 01:41 AM

    دخيلك خليهم يديروا بلكي شفناه لإنه بعد آخر رفعة بطلنا نقدر نشتريه

  • 107 ؟؟؟؟؟ 02-09-2012 | 01:41 AM

    يا عمون قعدنا ربع ساعة نكتب تعليق وما نشرتوه؟؟ ممكن اعرف السبب لو سمحتم علشان ننتبه اله في المستقبل،

  • 108 خالد الخالدي 02-09-2012 | 01:44 AM

    انا وكثير من المواطنين الشرفاء لم نكن يوما الا في صف التهدئة وسعة الصدر .. الا ان قرارات الحكومة تجبرك على التحول الى معارض لكل شيئ اضافة الى منح المعارضة بكافة اطيافها اوراق لكسب التأييد .. اصبحت اعتقد او اجزم ان رئيس الوزراء ينفذ اجندة خارجية لتدمير البلاد والعباد .. والا كيف له ان يختار مثل هذه القرارات في مثل هذه الظروف القاسية .. وعلى راي المثل " الطخ عنا والعرس عند الجيران"

  • 109 زعلان 02-09-2012 | 01:46 AM

    والله العظيم انكم ابطال يالاخوان !والحكومة والبلد كلها مش مطوله وانا مع الاخوان في كل اعتصاماتهم! (الموت ولا ذل الطراونه )

  • 110 مواطن حاقد على ؟؟؟؟؟؟؟؟ 02-09-2012 | 01:47 AM

    هلا عرفنا ليش دائما الحكومات ضد الاخوان ودائما يحاولوا يجيشوا الشعب ضدهم لانهم بعرفوا طباتهم وما بسكتوا وما بعرفوا يسحجوا لأي مخلوق , وبطلب من اللة يتقبل دعواي لأني مواطن مظلوم من هالحكومة والمظلوم دعوتة مستجابة (اللاهي وانت جاهي ينشال ....والي ...قبل ما اروح عالكازية أعبي بنزين)أمييييين واللة انك حرام تكون....لانهم صحاب نخوة واصايل ..

  • 111 اردني حر 02-09-2012 | 01:49 AM

    والله معاك حق وبعدين مع الطراونة

  • 112 زريقان 02-09-2012 | 01:50 AM

    اقتراح للحكومه
    تخصيص محطات محروقات للمعاضين وتكون اسعار البمزين رخيصه
    وتخصيص محطات محروقات لاصحاب مسيرات الولاء والانتماء تبيع باسعار
    عاليه جدا وغي مدعومه
    واذا كان عند احد ولاء وانتماء حقيقي فلبذهب ويستخدم محطات المحروقات عاليه الثمن وبذلك يكون قد ساهم فعليا بدعم الموازنه

  • 113 khalid 02-09-2012 | 01:51 AM

    الاخوان المسمُّون يمشوا و كله بصير خير...

  • 114 دحبرها .... 02-09-2012 | 01:52 AM

    ولا اقولك دحبرتها ولا ما دحبرتها السولافة ...

  • 115 الكرك 02-09-2012 | 01:52 AM

    قرب النهاية

  • 116 للمنطق ناطق - الشوبك 02-09-2012 | 01:56 AM

    الأخوان المسلمين يحاولون التسلق على ظهور المواطنين بحجة الأحتجاج على رفع الأسعار اعتقد ان الأخوان المسلمين يعانون من احباط شديد نتيجة لقيام الحكومه بأعطائهم حجمهم الحقيقي بأنهم لا يمثلون الا انفسهم وان الشعب لا يقف مع طروحاتهم السياسيه0
    للجميع احب ان اؤكد ان الاردن بقيادته وشعبه قوي وان الأصلاح الحقيقي وليس على مزاج الأخوان المسلمين قد بدأ وسوف يستمر والطريق الصحيح له هو من خلال التسجيل للأنتخابات والمشاركه في فرز نواب وطنيين ليس لهم اجندات الا خدمة الوطن والشعب تحت القياده الهاشميه

  • 117 البوعزيزي 02-09-2012 | 01:57 AM

    الصور بتذكرنا عندما ...

  • 118 سعيد 02-09-2012 | 01:57 AM

    للأسف قرارات رئيس الوزراء وعلى رأسها التعيينات الاخيرة ورفع الأسعار لا تخدم الشعب ولا الدولة، بل تخدم أجندة من يحركون الشارع اليوم.

  • 119 خير ان شاء الله 02-09-2012 | 02:00 AM

    يا اخوان لا تنزلوا معهم ولا عبالكم ... بس بكرة روحوا على شغلكم مشي

  • 120 ارحمونا 02-09-2012 | 02:04 AM

    ارحموا من في الارض يرحمكم من في السماء

  • 121 أستاذ 02-09-2012 | 02:06 AM

    ... هيك حكومه

  • 122 عائلة تضم الى الحراك او الى الاسلاميين اذا قبلوا 02-09-2012 | 02:07 AM

    انا وزوجتي واولادي سنصوت دائما للاسلاميين عنهم معلا بدافعوا عن الموطن وعمرني ولله ما صوت الهم واذا بقبلوني بالحزب انا عندي استعداد وانا وعائلتي انضملهم وخلي الامن اظل تخطط وتوصل البلد الى هاوية .

  • 123 اردني 02-09-2012 | 02:10 AM

    ياشباب مش الاخوان الي نظموا الفعاليةوشاهدوا الصور جيداً وكعادتهم بيركبوا الموجه

  • 124 بلقاوي 02-09-2012 | 02:11 AM

    سؤال الى رئيس الوزراء فايز الطراونه:
    ؟؟

  • 125 الى بني ارشيد من بلعما الصمود بني حسن 02-09-2012 | 02:12 AM

    نحن مع ان الحكومات مقصره جدا ولكن الضروف المنطقة بحاجة الى ضبط النفس وعدم الاعتصام في مناطق تضر المواطنين فندعوكم لاعتصام في صحاري المفرق الواسعة وسوف ندعو جميع وسائل الاعلام فلا تستغلو الضروف لمصالحكم الضيقة فانتم مكشوفون لدى قبيلة بني حسن

  • 126 الى تعليق 22 02-09-2012 | 02:14 AM

    يا اخي الشغلة مش على ال7قروش زي ما بتحكي بعدين التنكة طلعت من 6 دنانير ل 15.40 دينار كل مرة كانت تطلع بحدود 7 قروش على اللتر يعني بتجمع و الشعب ماكل هوى من الطفر و لو وقفت على السبع قروش عاااااااااااااادي و اقل من عادي بس بكرة بتغلى الكهربا و الماء و المواصلات و المواد التموينية يعني الكل رح يرفعوا اسعارهم بسبب هالسبع قروش و الرواتب ما شاء الله اشي بخزي و الشعب مش مطالب بشي الا التخفيف عنه

  • 127 متابع لعمون 02-09-2012 | 02:16 AM

    كل التعليقات تؤيد خطوة حزب جبهة الاخوان المسلمين باقامة الاعتصام بس عشان نبطل ونشكك بهذا الحزب الوطني

  • 128 بلعما الصمود 02-09-2012 | 02:16 AM

    قال فية حراك شباب اهلا فية حركة اسلامية فقط على الساحة الاردنية وباقي الحركات ما تعبي 0 بكم0 والسايق بالاجره

  • 129 عارف 02-09-2012 | 02:16 AM

    زكي بني رشيد انت الفأر يا...

  • 130 محبة للوطن 02-09-2012 | 02:20 AM

    بعيداً عن الخبر وتعليقات كل المواطنين على اهميتها لي اسئلة الى الشعب
    لماذا شوارع عمان التي كنا نتباها بها اصبحت غير نظيفة؟ لماذا لا ننتظم بقوانين السير واهمها الالتزام بالمسارب واماكن الوقوف والتوقف؟ كيف اصبح من المقبول ان يشتم سائق سائقة ويتف عليها بعد ان نزل من سيارته؟ ما سبب البلطجة الشعبية في كل الاماكن؟ لماذا نتطبق على بعض ونعلي الصوت ونخرج القنوة لوقوع حادث سيارة؟ لماذا يسمح للاطفال في اللعب حتى الساعات الاولى من الفجر غير عابئين بأن اغلب الجيران لديهم عمل في اليوم التالي"وجعلنا الليل سباتا". كم اتنمى ان ندرس كيف يتم تنفيذ القوانين في المدن الحضارية مثل دبي المتعددة الجنسيات والديانات والثقافات.

  • 131 عزيزي بني ارشيد 02-09-2012 | 02:21 AM

    كنت اكرهك واليوم انا مناصر لكم،،،،،اليوم على الاقل كسبتوا مواطن وعائلتة المكونة من 8 اشخاص ،،يعني 8 معارضين لسياسات الحكومة ،،،الى الامام

  • 132 الى 116 الشوبك من ابن الرواشده 02-09-2012 | 02:25 AM

    رجاء لا تذكر اسم الشوبك لانه اهل الشوبك فقعت معهم والغالبيه لغايه الان ساكته ورح تنفجر قريبا

    ذبحتونا ولاء .........والله ولائكم.زز

  • 133 مواطن 02-09-2012 | 02:25 AM

    يا خوان لا تتراجعو حتي تسقطو الحكومة الخينه الشعب الاردني لم يعد يتحمل كل هذا ...... وغيرهم من اراس الكبير مدعومين ..... على اراضي الاردن الغالي كل الشعب الاردني يشدج على يد الاخوان المسلمين والله محي الاردن

  • 134 بني صخر 02-09-2012 | 02:26 AM

    مشان الله دلوني في اعتصام او مسيره انا معكو لنخاع طفح الكيل

  • 135 مواطن 02-09-2012 | 02:28 AM

    قربت

  • 136 سؤال بريء 02-09-2012 | 02:29 AM

    اليوم انا كنت عند دوار الداخلية وشفت سيارة للامن نوع اودي ( 2000 cc ) والشرطي اللي فيها مشغل المكيف والسيارة واقفة
    عدم المؤاخذة البنزين اللي بنصرف على التكييف بجو عادي ( مش حر) من جيبة مين ؟؟؟

  • 137 طالب 02-09-2012 | 02:32 AM

    يا جماعة مشان الله اهدو مو شايفين شو صاير بسوريا وبعدين والله انو احنا بنعمة لازم نشكر ربنا عليها انتو لا اتفكرو لهسة فكرو لبعدين

  • 138 مواطن اردني مقهور 02-09-2012 | 02:33 AM

    حكومة الطراونة نفسها نفس حكومة عدنان بدران مهمتها لرفع الاسعار والسلام و بعدين بجطوا عميد جامعة . . . نعم لاسقاط الحكومة و الحكومة الجديدة يجب عليها خفض المحروقات . . . الله معكم

  • 139 وينقانون الضمان يا رئيس الحكومه والنواب 02-09-2012 | 02:37 AM

    وين قانون الضمان الاجتماعي الذي انقص حقوق عمال الاردن بمايزيد عن 50% وين وعودك يارئيس الحكومه برفع الظلم والتغول على ارزق خلق الله وين,,,,,,,,,,,,,,,,,,,,,,,,,,,,!!!!!!!!!!!!!!!!!!!!!!!!!!!

  • 140 مواطن مقهور 02-09-2012 | 02:39 AM

    لو يبيع صيغته بكفل عشر اسر اردنية لشهر

  • 141 بلقاوي 02-09-2012 | 02:39 AM

    سؤال الى رئيس الوزراء فايز الطراونه:
    هل صحيح ان المهندس الرحامنه من يرقا وزوجته من الطراونه قد تم تعينه مدير عام ؟ نرجو الاجابه واضافة هذه المعلومة للجميع . ومن الممكن هتاك حالات اخرى

  • 142 مراقب للإخوان 02-09-2012 | 02:43 AM

    أنا بس نفسي هذا المنافق يستلم الحكومة بدي اشوف شو بدو يعمل! يارجل.... مشان الله شارك بالانتخابات وشكل حكومة خلينا نشوف شكلك شو بدو يعمل! الحكومة مش عاملة اشي بس زكي وشلة لو بدهم خير البلد بفرجونا شو بيقذرو يعملو. قلتقل خيرا أو لتضمت يا بني أرشيد

  • 143 اربداوي 02-09-2012 | 02:44 AM

    كل حكومات العالم ترفع الاسعار شي طبيعي واكثر من عادي في بريطانيا ترفع الاسعار كل يوم بدون مشاورة المواطنين يعني لتر البنزين الواحد ١٤٠ بنس استرليني اي ما يعادل دينارين اردني وساعة الاجر للعامل ستة جنيهات استرليني اجمع واطرح يعني راتبه لا يكفي ابدا للعيش في دولة سعر نصف الخيارة تعادل دينار ونصف اردني ....نصف خيارة مو خيارة كاملة. لا اراهم يطلعون في الشوارع مع جماعات واحزاب .فعلا ناس مريضة بس بدها تخرب الاردن .ولكن لمصلحة من يا ترى؟ الله يحمي الاردن من افعالكم

  • 144 اردني اصيل 02-09-2012 | 02:44 AM

    الى كل الاشخاص الي بعلقوا ضد الاخوان والحراك ويتظاهر بخوفه على البلد وانه ما بصير فينا زي سوريا وغيرها . شو رايك يعني عاجبك هالوضع مثلا والا انت ما عندك كرامه حتى بتطالب بحقوقك روح ادفن نفسك اشرفلك محنا عارفين مين الي بخلوكوا بتعلقوا ضد الحراك.... الله على الظالم

  • 145 اردني 02-09-2012 | 02:50 AM

    ... الاخوان الذين يشوهون صورة الاسلام الحقيقية ، الله يريحنا منهم بجاه الحبيب المصطفى و يحفظ هذا البلد آمنا مطمئنا في ظل القيادة الهاشمية و رعاية سيدنا ابو حسين .. اميييين

  • 146 الى تعليق 112 02-09-2012 | 02:51 AM

    والله انك مبدع افكار . وهيك حليت مشكلة .

  • 147 متضامن 02-09-2012 | 02:54 AM

    هسه صرت بدي اطلع معهم انا وكل جماعتي ..
    والله يا طراونه انك ...

  • 148 حمد. الى بلقاوي 02-09-2012 | 03:00 AM

    ادا ما كانت زوجته بلكي. جدة ابوه ...

  • 149 طفران ولرغيف الخبز عشقان 02-09-2012 | 03:00 AM

    خبز.سولار.ديزل.بتزين.كهربا.ماء.كتب للمدارس.دواء مع اني مؤمن بس الدواء خالص مر عليناالشهر الجاي.اجار الدار.عيد اواعي ارخص اشي وبالدين.يابا الشنطة صلي سبع سنيين بروح فيها على المدرسة.قسط جامعة.بدنا نرفع عليك الايجار ولا بتخلي الدار.عليك ضريبة معارف.عليك ضريبة علشان خلفت.اسمع عليك ضريبة اذا فكرت تجيب ولاد والحدق يفهم.بدك تدبر حالك ما الي دخل بتسرق بتنهب بتوكل حق الولايا حق الجار بتشحد المهم دبر حالك.اسمع ولا اقلك جلطة على الدماغ واخلص .انا بسمع انو الجلطة بتيجيي للغني والفقير .اللة يرحمك يا مواطن.عظم اللة اجركم.....................طفران وميتة على النار.

  • 150 من برطانيا 02-09-2012 | 03:02 AM

    يا اربداوي(رقم141) إنت ما بتعرف شيء عن الرواتب في بريطانيا ولا عن الحياة فيها ولو عشت يوم هنالك لنسيت اسمك وبلدك ولغتك

  • 151 محمود عاليه 02-09-2012 | 03:04 AM

    الله علي الظالم الانسان 00000000000

  • 152 aburami 02-09-2012 | 03:04 AM

    انا اردني مسيحي و بشد على ايدي الأخوان و بطالب الأخوان ان يطالبو الحكومه بعدم أقامة العراقيييين في بلدنا و عدم تملكهم العقارات هم سبب الدمار الشعب العراقيييييييييييييييييييي

  • 153 ميلاد 02-09-2012 | 03:29 AM

    بس بنت وحدة ..

  • 154 اشي بيضحك 02-09-2012 | 03:31 AM

    ما شاء الله كل المعلقين نفس الاشخاص و كلهم بدهم ينزلوا خلينا نشوف ثقل الاخوان الصحيح في البلد و اكم واحد من اشكالهم بدهم يلموا هاتوا خلينا نضحك

  • 155 اردني هاشمي 02-09-2012 | 03:33 AM

    حسبي الله فيهم يعني همي اخوان مسلمين واحنا ...

  • 156 اخر اردني 02-09-2012 | 03:34 AM

    انا كنت ضد المظاهرات من زمان بس اليوم لازم كل الاردن تتضاهر حسبي الله ونعم الوكيل فيكم

  • 157 محمد الحمايده 02-09-2012 | 03:42 AM

    عمري ضد الاخوان لانهم ...لايحبواالا بعضهم ولكن اجبرتنا السياسه للدوله التي نفهم منها انها تشجع علئ خراب البلد حتئ ينفذوا بسرقاتهم لكن فشروا لان الاسماء علئ الحدود وسوف نلاحقهم والله مثل ما صار ...سوف يكون العقاب العن وسوف نضطر ان نقف مع الاخوان المسمين

  • 158 محمد الحمايده 02-09-2012 | 03:42 AM

    عمري ضد الاخوان لانهم ...لايحبواالا بعضهم ولكن اجبرتنا السياسه للدوله التي نفهم منها انها تشجع علئ خراب البلد حتئ ينفذوا بسرقاتهم لكن فشروا لان الاسماء علئ الحدود وسوف نلاحقهم والله مثل ما صار ....سوف يكون العقاب العن وسوف نضطر ان نقف مع الاخوان المسمين

  • 159 مواطن مخلص 02-09-2012 | 03:52 AM

    طراونة يكفيك ..

  • 160 مواطن مخلص 02-09-2012 | 03:55 AM

    طراونة يكفيك مرجلة

  • 161 خالد 02-09-2012 | 04:06 AM

    بدل تطويق الدوار من قبل الامن لماذا لا يتم تطويق ... من اجل استرداد اموال الشعب الاردني يا ...

  • 162 ملتقى ابناء عباد 02-09-2012 | 04:06 AM

    يشجب ملتقى ابناء عياد قرار رفع الاسعار الذي سيزيد الشعب الاردني فقرا وان هناك بدائل اخرى كسحب الدعم عن السلع والخدمات عن غير الاردنين

  • 163 بسام 02-09-2012 | 04:11 AM

    ما تفعلة الحكومة هو فعلا تنفيذ للمشروع والذي هدفة"نحو اردن خالي من الاردنين " الله يعطي الحكومة على قد نيتها

  • 164 النسر الذهبي 02-09-2012 | 04:15 AM

    يا جماعة ما في داعيللعصبية,,خلي عندكو بعد نظر,,,لما الحكومة بترفع البنزين بتبطلو تركبو السيارة عشان تجيبو باكيت دخان من السوبرماركت اللي آخر الشارع,,,ولكو إمشوا شوي بلكي صرتو رياضيين, بدل ما كل واحد ماشيلي و كرشو ثلالثة متر قدامه زي الحامل في الشهر التاسع,,,,و بطلو دخان أول,,,..

  • 165 خريسات 02-09-2012 | 04:15 AM

    الموت ولا المذلة

  • 166 شعار 02-09-2012 | 05:03 AM

    الحكومة تتخذ شعار ((الغالي للغالي))

  • 167 شركسي حر 02-09-2012 | 05:29 AM

    والله الواحد بطل يجمع من كثر ما الحكومة بترفع الاسعار كنت بدي اشتري سيالاة بس هسا بطلت احسن اشي الواحد يشتري حمار يركبو بس خوفي الحكومة ترفع البرسيم

  • 168 النعيمي 02-09-2012 | 05:53 AM

    الله‏ ‏يجيب‏ ‏العواقب‏ ‏سليمة‏ ‏.....

  • 169 اللغه العبريه 02-09-2012 | 06:06 AM

    ليش واحد من المعتصمين شايل يافطه مكتوب عليها بالعبري
    هل هذه المقاطعه اللي شبعتونا مراجل وتسلل

  • 170 طارق محمد 02-09-2012 | 09:22 AM

    أشلحلك مثلا

  • 171 يا ...رد على الولد 02-09-2012 | 11:46 AM

    يابا ليش بعت سيارتك ؟؟؟
    يابا ليش بطلت تجيب خضره ؟؟؟
    يابا ليش بطلت تعطيني مصروف؟؟؟
    يابا ليش صاحب الدار جايبلك الشرطه ؟؟؟
    يابا ليش قاعد بتبيع في اواعينا ؟؟؟؟
    يابا ليش بدك تبيعني انا واخواني ؟؟؟

  • 172 ... لطلعها 02-09-2012 | 03:56 PM

    عزيز المعتصم عن دوار الداخليه يا زلمه حل عن ....واللله لا انتا ولاغيرك رح يطلع بأيدو يخرب هالبلد انتو ناس حثالة والحثالة الي زيكم لازمهم دعس على رقبتهم من قوات الدرك يسعد الله لما اشوف فيدو مدعوس على رقبتكم بحسو فيلم ترامسفوراماس

  • 173 عقيد متقاعد 02-09-2012 | 06:06 PM

    من الان نحن الاغلبيه الصامته مع زكي بني ارشيد في دمار الاردن ...

  • 174 عجلوني 02-09-2012 | 06:39 PM

    اناما كنت احب الاخوان بس اقسم بلله طلعو اشرف من .... واقرب مثال كلمة الرئيس المصري محمد مرسي في ايران فعلأ الاخوان المسلمين بخافو الله وحكومتنا والله والله ما ...

  • 175 حر 04-09-2012 | 04:52 PM

    اخوان مين والناس نايمين , هولاء عملاء ايران وغيرها انتوا شو بتحكوا
    والله يحمي هالبلد منهم ومن عملائهم


تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :