facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss





"الهاشمية": عبيدات ارتكب مخالفات سلوكية متكررة


02-11-2016 11:05 PM

عمون – ينال المعاني – بررت الجامعة الهاشمية قرار اللجنة التأديبية بفصل الطالب ابراهيم عبيدات لـ4 فصول دراسية، لارتكابه مجموعة من المخالفات السلوكية المتكررة والتي كان اخرها التحريض على الاعتصامات لقرار رئاسة الجامعة تحصيل الرسوم المالية كما هو معمول بجميع الجامعات الرسمية والخاصة.

ولفت مصدر مطلع في الجامعة إلى 'عمون' ان قرار رئاسة الجامعة المتعلق بالرسوم كان بتحصيل رسوم التسجيل قبل بدء الفصل الدراسي، وبعكس ما كانت علية بالسابق حيث كان تحصيل الرسوم خلال الفصل او نهايته، ما ادى الى امتناع عدد من الطلبة الراسبين عن الدفع، كما أن القرار ضمن تحصيل حقوق الجامعة والعاملين فيها من رواتب والتزامات.

واضاف ان عبيدات ارتكب مخالفات سابقا وحصل على انذار نهائي بسبب توجيه اساءة لعضو هيئة تدريس، وهو رئيس الجامعة الدكتور كمال بني هاني من خلال الصحف الالكترونية وصفحات التواصل الاجتماعي والكذب والاساءة الى لجنة التحقيق وفتح المجال لكثير من الطلبة بالاساءة والسب على لجنة التحقيق.

ونوه المصدر إلى ان عددا من الطلبة المفصولين على قضايا سابقة لوحوا بالاعتصامات في حال تم الغاء العقوبة أو تخفيضها عن الطالب عبيدات.

وانتقد المصدر تدخل أحد النواب من خارج محافظة الزرقاء، وتحريض الطلبة والتدخل في قرارات مجلس العمداء والتهديد بالمشاركة مع الطلاب في الاعتصامات.

وبين المصدر ان الطالب عبيدات حاصل على معدل 72,8 في امتحان الثانوية العامة وقبل في الجامعة الهاشمية على أسس تجسير كليات المجتمع في بعثة من وزارة التعليم العالي حيث قضى 8 فصول دراسية في الجامعة لغاية تاريخه، قطع خلالها 75 ساعة بمعدل 9,37 ساعة فصلية وبمعدل تراكمي حالي 2,41 من 4.
الطالب عبيدات قال لـ'عمون': 'وضعي الأكاديمي ليس متفوقا، كنت متفوقا في البداية، لكني وجدت العمل الطلابي منتهيا بالجامعة، ما دفعني للتوجه له، حتى لو كان على حساب دراستي'، مشددا: 'ليس لدي أي إنذار أكاديمي، وأنا ضمن الفترة القانونية للجامعة للتخرج'.

وأضاف: 'الجامعة تحاول تشويه سمعتي من خلال بث هذه الأقوال، وهذا ليس من حقها أن تقوله، وسأتجه للقضاء'.




  • 1 عطا 01-11-2016 | 03:12 PM

    هل ما زال مبعوث على حساب التعليم العالي رغم رسوبه

  • 2 اساذ 01-11-2016 | 03:38 PM

    بغض النظر عن الخلاف الحاصل بين الجامعة والطالب، لا يجوز نشر معلومات خاصة مثل علامات الطالب. من المؤسف انتهاك خصوصية اية شخص واعتقد ان هناك جانب قانوني يحمي هذه الحقوق.

  • 3 01-11-2016 | 04:27 PM

    احكي للمصدر تبعك كيف ممكن يكونوا عدد الراسبين فوق 4 الاف طالب وقفوا مع ابراهيم لما انفصل...............

  • 4 هلا عمي 01-11-2016 | 05:16 PM

    الجامعه لم تشوه سمعتك انت بدأت بالمشاغبه ثم لا تنسى انك تدرس على حساب الحكومه يعني من اموال الشعب دافعي الضرائب ومن حق الناس ان تعرف عن تحصيلك الدراسي ....... ولكن نقول حسبي الله على الواسطات............

  • 5 طالب طب من جامعة مؤته 01-11-2016 | 05:48 PM

    واضح انه طالب فاضي اشغال وعاله على اهله والجامعه وهالاشكال يتجهون لاساليب كثيره للتغطيه على فشلهم الاكاديمي بدك اعتصامات وحركات روح للشارع الجامعه للناس الي بدها تقرا فقط وامثاله كثير في العديد من الجامعات ونفس الاسلوب شغل بلطجه وخاوه و.........

  • 6 مشهور 01-11-2016 | 05:57 PM

    و لماذا التشهير يا هاشمية ، ان كان ذلك عيب فهو مستوى جامعتكم .

  • 7 Noor 01-11-2016 | 06:29 PM

    شو بدكم يعني ....... شوهتوا صورة الجامعه ........ انتو بتخاطبوا عقول واعيه مش عشان معدله رح نبطل واقفين معه شكرا الكم انه اكدتولنا انه هو الحقيقه

  • 8 حلو 01-11-2016 | 06:45 PM

    حاصل على معدل 72,8 في امتحان الثانوية العامة... و اللي بحيب 80 و بطلعلوش اشي!!! عدالة اجتماعية.. الله عالظالمين برد و جوع امين

  • 9 سجى 01-11-2016 | 06:55 PM

    لما الطالب يكون انساني ويوقف جنب اخوانو الطلاب الي ما معهم يدفعو مرة وحدة ويحاول انو ما يحرمهم من دراستهم الي تعبو واجتهدو ودرسو ليوصلو لهاد المكان
    بتروح الجامعة بتتعامل معو بشكل شخصي
    هاد تصرف ........ من قبل جامعة بحق الطالب
    وحسافة على هيك جامعة

  • 10 سمية احمد 01-11-2016 | 07:03 PM

    يعني الجامعة بدها تألف عليه
    طالب بهذه التحديات اصلا كان ينفصل من زمان

  • 11 منذر 01-11-2016 | 07:18 PM

    طالب ما شاء الله ببيض الوجه .

  • 12 منذر 01-11-2016 | 07:20 PM

    بلا مؤاخذه الجامعه تأخرت كثيرا حتى قامت بفصله.

  • 13 دحام 01-11-2016 | 07:22 PM

    هذا لا يكفي أن تصدر الجامعة قرار بفصله . يجب أن تصدر قرار بنفيه .

  • 14 منذر 01-11-2016 | 07:30 PM

    طالب ما شاء الله ببيض الوجه .

  • 15 المجالي 01-11-2016 | 07:33 PM

    والله يلي زي ....حرام تفوت جامعة و في منهم كثير هذول

  • 16 مواطن 01-11-2016 | 07:35 PM

    معدل 72,8 في امتحان الثانوية العامة و بدخل هندسه كهربائيه

  • 17 آدم 01-11-2016 | 07:37 PM

    لا يحق لالجامعة أن تكشف علامات اي طالب، حتى لأهله. الجامعة ارتكبت خطأ ممكن أن تقاضى عليه.

  • 18 محامي 01-11-2016 | 07:58 PM

    من أعطى للقائمين على الجامعة حق التشهير وذم وقدح إبراهيم؟ ..... هذا دليل على الحقد الشخصي وعدم المهنية ..... كم أنت كبير يا إبراهيم ... وكم وكم وكم أنت رجل بألف رجل

  • 19 اردني 01-11-2016 | 09:04 PM

    هههههههههههه معدل 72 بعثه مين واسطتك 82 وبدرس علي حساب .......

  • 20 01-11-2016 | 09:18 PM

    شو ما كان الطالب مش من حق الجامعة تنشر علاماته بهالطريقة...

  • 21 تسنيم زهير 01-11-2016 | 09:21 PM

    المعنى الحقيقي لطخ في ذيبان والعرس بمعان



    شو دخل علاماته و تحصيله بالي بنحكي فيه

  • 22 مجهول 01-11-2016 | 11:53 PM

    واضح انه مجلد الجامعة الي حكت عنه باللقاء الاخير فش فيه اشي مقنع وواضح انه وايفاي النوايا عند الجامعة بطل يلقط اشارة فما لقيتو غير انه تشهرو فيه وتنشروا معلوماته الخاصة حسبي الله ونعم الوكيل

  • 23 د خلف 02-11-2016 | 01:57 AM

    لا يحق لجامعة ممثلة برئيسها نشر اي معلومة تخص الطلبة. تصرف مشين من جامعة من المفترض ان تكون في خدمة الطلبة

  • 24 عبدالجي جباشنة 02-11-2016 | 02:19 AM

    يا عيب ...الجامعة تشهر باحد طلابها...هل التوقيف عن الدراسة كان لاسباب اكاديمية...يبدو انه عبيدات و حجة وتاثير قوي لتقوم الجامعة بسلوك عريب وتبرير اغرب

  • 25 نجم 02-11-2016 | 02:31 AM

    اللي بحكي عن معدله بالثانوية هوة جايب 72.. بس هوة انقبل تجسير يعني درس كلية بالاول اقرأ كامل لحتى تفهمو مش عباطة الشغلة والشب واقف مع اخوانه وزملائه مش هيك بتكون مكافأته لو هوة مش على حق الجامعة ما بتصير بدها تشوه سمعته

    ومو من حقها تنشر علاماته على الملأ

    جامعة بتخزي بمعنى الكلمة

    بتحاسب طالب على امور شخصية وليست تحصيلية او تأديبية

  • 26 ألمراقب 02-11-2016 | 02:44 AM

    كمان مش معقول ان تتعطل الدراسة في الجامعة بسبب طالب ..... اطلب من رئيس الجامعة الثيات على موقفه .....

  • 27 اكاديمي 02-11-2016 | 04:03 AM

    لا يجوز كشف علامات الطالب من قبل الجامعة في الجامعات الامريكية ممنوع الافصاح بها حتى لوالد الطالب-- عدم مهنية من رئيس الجامعة -- يجب التركيز على الجرم والعقوبة فقط ان وجدت

  • 28 فارس 02-11-2016 | 06:23 AM

    وظيفة النائب هي التشريع و مراقبة الحكومة .............

  • 29 محمود 02-11-2016 | 06:58 AM

    عقول التماسيح المتحجرة افهموا الجامعة بدها تشوه صورة الطالب طبعا الجامعة تستمد انظمتها القمعية ..........

  • 30 محمود 02-11-2016 | 06:59 AM

    عقول التماسيح المتحجرة افهموا الجامعة بدها تشوه صورة الطالب طبعا الجامعة تستمد انظمتها القمعية من ..........

  • 31 احلام 02-11-2016 | 08:43 AM

    معدل الطالب ناحج وقريب من الجيد ليه ما تحكوا ع الدكاتره ومواضيع الابحاث المطلوبه منهم

  • 32 بروفيسور مغترب في جامعة محترمة 02-11-2016 | 09:30 AM

    الطالب تم قبوله حسب نظام التجسير و لا دخل لمعدله في التوجيهي بالعملية، أي قانونيا حسب تعليمات التعليم العالي. الأهم، كيف تسمح الجامعة و العاملين عليها بتسريب هذه المعلومات الخاصة جدا بالطالب و ما الغاية من ذلك؟؟؟ لللأسف العقلية ما تغيرت و سياسة التشهير و الترهيب ما زالت راسخة، هذا هو الافلاس الاداري و الاكاديمي بعينه.

  • 33 Ana 02-11-2016 | 11:41 AM

    الي بحكي انه بما انه الجامعه حكوميه والطالب بدرس من مصاري الشعب مش عارف كيف جابها هاي



    عادي معلم ادا هيك تحط كأمير بمستشفى البشير وتبث مباشر العمليات لانه كمان حكومي ومن مصاري الشعب

  • 34 02-11-2016 | 02:22 PM

    اسلوب الجامعة في مواجهة الموقف

    متل اسلوب النسوان عشان تدافع عن موقفها الضعيف بتصير تحكي بمواقف ما الها علاقة بالموضوع . مش اسلوب

  • 35 جنى عبيدات 02-11-2016 | 02:45 PM

    جامعه فاشله

    الطالب دارس كليه وبعدين مجسر

    وما بحقلهم يكشفو علامات اي طالب لو شو ما كان عامل

    ولو ما هو على حق كان ما عملو هيك معو

    ولانو موقف مع الطلاب وضد الجامعه وجهوله كل الاسائات هاي

    وبعدين وين في جامعه ما فيها هيك مستويات طلاب عادي عفكره بكل جامعه الا يتواجد طلاب بالمستوى الدراسي هاد

    ورجاء من الجميع يكملوا قراءة الموضوع للنهاية

  • 36 هل هذه إدارة أكاديمية أم عصابة بلطجة 02-11-2016 | 07:35 PM

    هل يعقل أن الجامعة الهاشمية يديرها اكاديميون؟ أم بلطجية؟
    ما علاقة اداؤه الأكاديمي بالموضوع
    هذا الشاب الشهم يعاقب لأنه قال لإدارة الجامعة لا والف لا التي أكبر همها عصر جيوب الطلبة دون خدمات
    ومن اهموالبنود التي عوقب عليها سوء المواصلات

  • 37 02-11-2016 | 11:56 PM

    يا اخي ان شاءالله راسب

    شو دخلكم فيه بس الموضوع بدكم تشوهوا سمعته اقديمه...

  • 38 لا حول ولا قوة الا بالله 03-11-2016 | 01:59 AM

    الجامعة الهاشمية زادت اخطاؤها كثيرا في الفترة الاخيرة بما يتضمن الكثير من الاساليب الخاطئة شملت الطلبة والموظفين على حد سواء، واصبح انتهاك الحقوق مقونن حتى لا تقوم الحجة على الجامعة ..ابنية جديدة يتم انشائها والابنية القديمة لا زالت تحتاج لصيانة كثيفة وتعاني من شدة الخراب.هل يعقل ايها البشر ان يدور الطالب الجامعة بأكملها كي يجد مختبرا من مختبراتها توجد فيه الة طباعة صالحة للعمل واذا وجد يجد واحدة فقط صالحة من ضمن ٥ طابعات، هذا مثال بسيط واقل القليل ما يستدعي للمظاهرات والحد من الفساد الحاصل والمختبأ بين السطور

  • 39 طالب من الاردنية 03-11-2016 | 05:00 AM

    لأنو هيك علاماتو انا بدي ادعمو ضد الجامعة الهاشمية. كل انسان الو حرية بالتحصيل الاكاديمي تبعو و ببذل الجهد الي بشوفو مناسب لتحقيق اهدافه. اعتقد ان هذا اسلوب .....بتقليب الرأي العام ضد الطالب النشيط

  • 40 فشل 03-11-2016 | 09:21 AM

    يعني 72 بدرس هندسة و جهابذ و اذكياء الوطن معدا 85 بهربو برا؟ احنا مش ضد المكرمات بس اما طال .......و يرسب اربع خمس مرات خلص يتحول عحسابو

  • 41 سلام 03-11-2016 | 10:21 PM

    واضح في ناس مغرضة او الها مصلحة ....مين منصب هدا الشب يدافع عن الطلاب انا شايف انه بده يخرب الامن بالجامعه والبلد يروح يدرس ويهتم بحاله لما الملك قال الاردن اولا بقصد كل واحد يدير باله على مصلحته وجامعته وبلده مش هيك يسيء لكل اللي حوله ما انت بتدرس بهاي الجامعة هيك عزرت على حالك

  • 42 علي عبيدات 06-11-2016 | 05:47 PM

    الي حضر لقائه مع عميد شؤون الطلبة بعرف مع مين الحق من الحكي

    بس جامعة فاشلة بحكو بالدمقراطية وبحاسبوه عليها





    وبالنسبة لمعدلة مش مقياس

    والي بعلق فوق انه فاضي اشغال ومن هالحكي

    هاظ مش شغلك ابلش بحالك احسنلك


تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :