يا سيدي يا أبا الحسين،

المصاب جلل والوجع هالأيام دخل كل بيت أردني. حادث الطريق الصحراوي ما كان مجرد حادث عادي، هذا جرح بقلب كل واحد فينا، لأن الشباب الذين رحلوا هم أولادنا وأخوتنا، شباب بعمر الورد، لبسوا فوتيك الشرف ولبوا نداء الوطن بميادين الرجولة بالجيش العربي.

لك يا سيدي، يا قائدنا الأعلى، بنرفع هالكلمات اللي طالعة من قلوب مليانة حزن وبنفس الوقت مليانة فخر واعتزاز. بنعزيك وبنعزي حالنا وبنعزي أسرتنا العسكرية الكبيرة بهالشباب النوارة اللي راحوا وهم يؤدون واجبهم.

وقفتك يا سيدي ومتابعتك اللحظية وتوجيهاتك من أول دقيقة عشان تطمئن على المصابين، مو غريبة عليك. هذي هي الأبوة الهاشمية الحنونة اللي تعودنا عليها؛ أنت الأب والأخ لكل عسكري ولكل أردني، بتفرح لفرحنا وبتتألم لوجعنا.

يا أبا الحسين، هالشباب غابوا عنا بالجسد، لكن أسماؤهم و أروحهم ستظل محفورة بوجدان الوطن وفي سجلات الشرف. وعزاؤنا اليوم إن الأردن، بهمة قيادتك ووعي شعبه وتضحيات جيشه المصطفوي، سيظل قويا وصامدت بوجه كل الظروف.

ندعو الله تعالى ان يربط على قلبك يا سيدي، ويعطيك الصبر والسلوان، ويرحم شهداءنا ويجعل مثواهم الجنة، ويشفي المصابين ويرجعهم لأهاليهم سالمين غانمين يارب.

عزائي الحار لذوي الشهداء وعائلاتهم، عزائي للجيش العربي الاردني.

الله يحميك سيدي، ويحمي الأردن وجيشنا العربي ويديمك فوق رؤوسنا سند وذخر.

وإنا لله وإنا إليه راجعون.