facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الاكثر تعليقا





فهموها خطأ


زياد البطاينة
14-06-2012 04:51 AM

بالامس قالها جلالة الملك فاسعدت كل مواطن "كرامة الاردني خط احمر", رئيس حكومتنا فهم الجملة بالمشقلب فقعها قرار رفع اسعار وراح سافر وتجارنا خزنوا والنقل صار سيرا عالاقدام واصواتنا ما ماعاد حد يسمعها ورمضان عالابواب وجهنم الاسعار انفتحت والشعب بصرخ.

أراضينا صارت ان ظل منها اشي للبيع كلانا ايدينا قلوبنا عيوننا للبيع للبيع حتىضمائرنا صارت للبيع .. جرايدنا للبيع للسفارات .. .. يا بلدنا على أونا .. على دوّي .. مين بدو يشتري من نحن يا أهل المروة ...صرنا للبيع وصرنا نستحي حالنا الكبار ماكلفو خاطرهم يوم يسالونا وحكومتنا بتتباهى انها هي التي استطاعت صرف روشيته البنك الدولي دون النظر للفقرا والغلابى والمساكين حتى البنزين غلطت بالحسبة وفاقت التوقعات وتميزت بان حساباتها اضبط فالبترول بنزل وحكومتناب ترفع وشعب بقلع
وبتعاملني مثل الخليجي والمصري والعراقي ومثل السعودي التنكه للجميع بسعر واحد ياريت حكوماتهم تشعر معنا وتقدم لابنائها البترول

بلدنا المليونين اردني صارو ثمانية ومياتنا على قد حالنا لافرات ولا نيل ولا نهر عظيم عنا الا رحمه ربنا وسقياه ... وتنك المي بخمس و عشرين جوعانين يا بلدنا ومافي لا رز ولاطحين تجار بتخزن وافواه وعزايم ... طفرانين يا بلدنا .... بالحسرة صدورنا مليانين محتارين يا بلدنا ...ليش نشكي محتارين لمين نشكي محتارين

وبترفع الضرائب ماعاد للخانات اسماء تملاها والحكومة نازله بالتشددالضريبي والكبار وجدوا مهرب اسمه التهرب الضريبي ووقعت براس الفقرا لاطبيب بتحاسب ولا محامي بتحاسب ولاصنايعي بتحاسب ماعندهم دفاتر ولا جداول ولا حسابات والتجار مضبطينها محامين مهرة وخريجي ضريبة الدخل

ما تنازلت حكومتنا تسالنا ليش منسرق وليش بنبيع وليش بنموت واقفين وليش وليش .. ما سألونا .. بنسرق لأنه سرقتونا .. بنبيع لانه بعتونا عطشانين لانكو بدكو تعطشونا بنهاجر لانه هيك بدكو منا ,وللمر ,بتدفعونا
سرقونا الكبار ... باعونا الكبار الحرامية الكبار والحكومة بتامرنا نسدد حساباتهم من وين ياحسرة وليش بتدفعونا للسرقة والاختلاش والرشوه صنعوا منا حرامية صغار بس قاعدين وحياتكو بنكبر وبنكبر ويمكن نصيرمثلهم كبار جوعانين ومساكين .. صغار .. صغار والله بعدنا صغار والصغير اسنانه لبن مابتنهش بعد .بس راح تقسى وتنهش مثل الكبار وماحد احسن من حد
ياحكومة اسمعي الغربا بقولوا عنا شحادين بقولو نشالين... محتالين عطشانين مشحرين والحقيقة تتلخص بسطرين ... نحن شوية مساكين مظلومين يا بلدنا و حياتك مظلومين
صرنا ببلدنا غرباء وصار الضيف يقول عنا شحادين وصرنا نستاجر السم ونشتري خبز من الفرن وماعاد عندنا قمح ولاطحين وولادنا صارو الصبح يشتهو رغيف ساخن وكاس حليب طازه وحبة زيتون والببور ماعاد فيه كاز حتى صوته يغطي على هوشاتنا وصراخنا ولما نطفيه نتشاهد وبنقول اشهد ان لااله الا الله وبنصير نسمع همساتنا وسناه برسم النا شوارب ولحى
ونسينا كلمة شمبر اللوكس والنكاشة وكبريت ثلث نجوم ونسينا البيل اللي بضوي لنا الطرقات بالليل بعد السهرة وسراج وبنوره 4ياسين ونسينا الضحك ونسينا الجوفية وحذر بذر وكمستير ونسيت الصبايا اني اه اني من يجديه سافر سا سافر عالبحرية ونسيت مسيكم بالخير ياعمار العماري ونسينا ونسينا كثير
الجوع كافر والعطش كافر والحاجة كافرة وماعاد في مونه ولافزعة ولاعونه ماعاد يقول لك جارك تفضل ياجار ولا الصديق وين صار لي يوم ماشفتك ومامريت عالدار صرنا نسمع بالعسكر والحرامية وصارت فاتورة المي والكهربا والتلفون شحده والوظيفة شحدة والاكل شحدة والعلاج شحدة وطلع النا قانون المالكين غول بتهدد الملايين وكثرت الحرامية وانتشر الظلم والجرايم والسرقات

ليش يابلدنا ليش ياناسنا ليش صرنا نشحد ونستجدي الخبزة والوظيفة والدوا والتوصيله وحكومتنا بتطلع فينا وبتقول شو بدكم احسن من هالعيشة انتم كافرين وجاحدين بالنعمة يارب وين هي النعمة اكيد قلت من لايشكر لايستاهل النعمة بس وحياتك ماشفناها حتى نكفر فيها وانت اعلم ملعون العولمه وملعون التكنولوجيا وملعون المشتري والبايع

تجارنا قاموا بتخزين كميات كبيرة من المواد الاستهلاكية والاخرين من المحروقات قبل حلول شهر رمضان للاستفادة من فرق السعر عند صدور القرار المنتظر اعلانه برفع الاسعار واللي تعودنا على مثل هيك قرارات حكومية بدون انذار تسبق التنفيذ لان حكوماتنا الاقتصادية والحافظ الله عجزت عن ترتيب الاولويات ومضطرة نتيجه لتخبط القرارات وفساد السياسات الاقتصادية انها ترفع الاسعار وبتعلن عن الرفع وحفنه من تجارنا بستغلوا الظرف وبشغلو الضمير الفاسد وقت العازة

واذا صرخت من الوجع او الجوع او العطش الموالي بيقلك انك مش منتمي و اصحابك بينقسموا وا شي صار عبد للمال وناس مابتنحسد عاالحال بلدنا سكرت ابواب الرزق بوجهنا وبوجه اولادنا اللي رجعولها بعد غياب بشهادات وامال واحلام وتحولو لصفوف البطالة وصاروا بوقفوا بالطوابير على باب ديوان الخدمة وبالاخير( كش بره ودبر راسك ) واللي ماله واسطه الله مع دواليبه وصار الواحد منا عصبيته فوق فوق لابتحمل ابنه ولاجاره ولاصديقه والواحد منا صار لما بعتذر لشخص بالطريق بتصير خروق ولا ارنب ولما بتحاول تاخد حقك فانت واحد مشراني ولما ما بعرف لوين رح اوصل لبكرا لوين وعيني مو نايمة ولا قلبي لما بتروح المحبة ، الاحساس
وبسرقوا حقك ووظيفتك ومهنتك ونظرك وبيصير العالم غربة والناس طايرة لما عيشتك ببلدك صارت اصعب من الهم نفسه ولما جامعة برا بتقول لابنك اهلا وسهلا انا جاي وتارك اهلي ابوي وامي واخوي والبيت والحاكورة والجيران جاي بعد ماسكرت جامعاتنا بوجهي وصارت الرسوم ضرب من المحال
والدستور ظل يقول التعليم الزامي للنسا والرجال واولاد الكبار مستثنيين مكارم وهبات ودعم والفقير اله الله وكرت المؤن بلكي بلاقي صدر احن
كلمه حق ياوطن ماراح يلاقي احن من صدرك ياوطن بلكي جهنم اللي رايحلها اولادنا بتكون احن عليهم
مابعرف كيف نسوي ولمين نشكي والحالة من سئ لاسوا ، وحكومتنا مطنشة وعامله حالها مش عارفة وانحصر همها بالسفر بعد اصدار قراراتها والاستقبال والتوديع وتوزيع لحمة الضحية قبل مايفلو الوظائف على مستحقيها والمكافات على اللي طبلو زمروا وبكره بتيجي حكومة بتلعن اللي قبلها وبتقول اللي قبلي واولادنا بكونو طلعوا وصرنا عالحديدة وبدور الكرسي وبتروح الحكومة وتيجي حكومة والهم بعده الهم يامنترى بنشوف يوم جديد وبنفرح احفادنا ...

pressziad@yahoo.com




  • 1 لماذا؟؟؟؟؟؟؟؟؟؟؟؟؟؟؟ 14-06-2012 | 10:47 AM

    لماذا لا نعود الى الكوبونات في الحصول على كل الواد الاساسية خاصة وان مليونين اردني لا يساوون سوى ربع سكان الاردن ام ان هذا يضر اصحاب الجيوب التي لم ولن تمتليء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!

  • 2 لماذا؟؟؟؟؟؟؟؟؟؟؟؟؟؟؟؟ 14-06-2012 | 10:47 AM

    لماذا لا نعود الى الكوبونات في الحصول على كل الواد الاساسية خاصة وان مليونين اردني لا يساوون سوى ربع سكان الاردن ام ان هذا يضر اصحاب الجيوب التي لم ولن تمتليء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!

  • 3 مهند 14-06-2012 | 12:15 PM

    المصيبة انه الجميع بعرف هالشيء والي مبين انه الحكومة بتقول للشعب ثوروابس بالعقل

  • 4 ربداوية 14-06-2012 | 12:42 PM

    الللللللللله يستر

  • 5 مواطن 14-06-2012 | 02:11 PM

    وزراءيدفعون بالشعب للثوره دفعا بتصرفاتهم وبتعليماتهم

  • 6 ماجدة 14-06-2012 | 03:45 PM

    انا صرت خايف على هالبلد من حكومتها

  • 7 ناصر الطراونه 14-06-2012 | 03:46 PM

    نعتذر

  • 8 صريحي 14-06-2012 | 04:27 PM

    سيحصل لهذا الشعب كما فى نكتته ازمة دوار الداخلية اللي بمر من دوار الداخلية ب......وصارت مظاهرة فلموهم فلما سالوهم ليش المظاهرة قال المتظاهرين لو تكثرونا هالنــ............


تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :