والله خير أبو محمد ؟
شو سمعنا عملت عملية
خير ،شو صار معك ؟
والله يا أبو فضل دبحتني المرارة
مين عملك اياها ؟
فلان ......
مين هاد ؟
مش سمع في
شاطر ؟
اه والله شاطر
الله يسامحك لو حكيتلي
كان دليتك على إبن جيرانا،شاطر وبنمون عليه ،يطري سعره
بالله كم كلفتك ؟
كذا وكذا ..
وال شو رايك تعطيني فحوصاتك وأنا باخد رأيه،أنت مش خسران شي
هادا منا وفينا
بعد أيام
يعود أبو الفضل
كيف صرت ؟
والله عندي الك خبرية
تتذكر دكتورنا ألي حكيتلك عنه ؟
سألته عنك وحكى ما كان بدك عملية....
بس حصل خير
والله الدكاتره صايرين تجار
وبعد فترة بتعب أبو الفضل وبياخدوا أولاده على الدكتور
ينصحهم بعمل فحوصات للقلب والشريين والكولسترول والسكري
زعل أبو الفضل : دكاترة أخر زمان ،شكله وليد أبن مبارح جاي يقلي خفف دهنيات وسكر وإلعب رياضة
هذا ألي ظل
وشو لازميتها كل هل فحوصات ؟
كب مصاري عل فاظي
قال تخطيط ،وفحص جهد ،صورة للقلب ووو.......
أكيد متفق مع المختبر والباقيين يتقاسموا فلوسي
هاذي فلوسي بدي استمتع بيهم على كيف كيفي ،إن شاء الله بكبهم بالبحر
أنا في واحد عطار صاحبي ،زلمة شرواك ،والله كثير شفيوا على ادوا ،والله بعرفهم سكري،بروستات،سرطان ...........و بعمل أحسن خلطة بنيرةٍ
وكان أبو الفضل يخلط ويشرب ،يخلط ويشرب
وأم الفضل الله يرضى عليها بتدهنله فازلين على صدره كل يوم ،لانه عنده هيك شويت خدران في إده وألم في صدره
بس ثاني من يوم بصحى زي البمب ،زي الكذب
قال دكاترة قال
كلهم ،كلهم كذابين قاريين على شيخ واحد
والله اهلنا زمان كانوا يفطروا سمن وزبد بلدي ،ويشربوا زيتون صك،وأبوي الله يرحموا كان ما يحب إلا اللية المشوية
وما شالله عليه أخر واحد يقوم عن صدر الكنافه
وهيهم ماتوا وهم باحسن حال،ما قالوا أخ ......
وفي عزاء أبو الفضل
يا حرام والله مات فجأة ما بنعرف كيف
ما كان ماله شي
مات ما قال أخ ......