facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الأكثر مشاهدة




يافرحة ماتمت !!


صالح عبدالكريم عربيات
01-12-2009 11:39 AM

لم تمض سوى ايام على قرار حل مجلس النواب . حتى عادت المياه لمجاريها وكأن شيئا لم يكن والمستغرب ان قرار الحل لاقى ترحيبا واسعا لدى كافة شرائح المجتمع . على الاقل هذا ما فهمناه فور صدور القرار ..ولكن يبدو ان الامر اخذ يتضح اكثر بعد ان انحسر شعور الفرحة الطاغي وبدأت بعض المواقف تجنح باتجاه ذات الاشخاص "اعضاء المجلس المنحل" ! وبعد ان سمعت الحوار التالي لا أدري ان كان هناك من حل ؟!

النائب السابق : (يجري اتصالا هاتفيا ) السلام عليكم
المواطن : وعليكم السلام . مين !
النائب السابق : شو مش عارفني
المواطن : ماعنك غنى . لاوالله مين ؟
النائب السابق : أنا .........
المواطن : هلا ياسيدي . حقك على راسي .. والله ماعرفتك .. لانه زمان زمان ماسمعت صوتك !
النائب السابق : مش مشكلة ... كيفك انت شو اخبارك ؟!
المواطن : الحمد لله .. مش ناقصني غير شوفتك !
النائب السابق : شو سمعت عن قرار حل المجلس .
المواطن : آه اسمعت .. وبيني وبينك كيفت ! !
النائب السابق : له له .. هاظ انت شمتان !
المواطن : له ياسيدي انت فهمت غلط ... انا قصدي انه من اليوم وطالع بنصير نشوفك بعد هالغيبة !
النائب السابق : انا حبيت ابلغك اني نازل للانتخابات .. وبدي فزعتك
المواطن : أبشر .. من دون ماتحكي ...لانه بغض النظر عن كل أشي .. انت محسوب علينا ..وبتعين .. وبتنقل .. وزفتت دخلات ..
وجبت فيز حج .. وبتتكفل من السجون .. وبتطلب بالجاهات .. وبتنقط بالاعراس ...شو بدنا اكثر من هيك هو انت بدك تقطع حالك ..
والله بدك تصلح الكون !!
النائب السابق : شو ما قدمت بظل مقصر .. بس سمعت انه في واحد بده يترشح مار عليك .
المواطن : آه مر علينا وماصدقنا وهو يشرب كاسة الشاي ويروح .. أوجع روسنا وهو يسولف عن المرحلة الجاي .. وظروف البلد .. الاصلاح السياسي
والاقتصادي .. ولما سألته بتصلحلنا الدخلة .. زعل وصار يقول أنا مش نائب خدمات .. وهاظ مش شغل النواب .. وروح .

النائب السابق : يعني خلص مافي داعي امر عليك ؟!
المواطن : لاتمر ولاتعب حالك .. بس لما تفتح المقر لاتنسى تعزمنا !!!!
salehabuarab@yahoo.com





  • لا يوجد تعليقات

تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :