سمعنا صوتك..هيك تحكي الحكومة
رئيس الحكومة رعى اطلاق حملة سمعنا صوتك
بالجامعات...حكوا للطلاب شاركوا بالحملة..وسمعونا صوتكم..صوتكم للوطن..لا والله مو هيك
هلأ صار صوتنا حلو بدكم تسمعوه...والله ما بعرف( يمكن)
بس انا اسال شو الصوت ياللي بدكم تسمعوه منا يا حكومة
مواطن..غلبان..الفقر نخر عظمة..وتكاليف الحياة تاعبيته....مصاريف مدارس...كهرباء..مي..اي ثمن الكفن ما معه
شو بدكم تسمعوا منه..بدكم يغني....عليّ صوتك بالغنا لسا الاغاني ممكنة...
شو بدكم تسمعوا غير كلمة..آآآآخ
آآآخ يا وطن.......آآآآخ يا بلد........آآآآخ يابه....آآخ يمه
آآآخ يا راسي.........آآآآخ يا عيوني....آآآخ يا قلبي
اتقوا الله بها المواطن...الضرائب محاصريته..ما بينام الليل وهو بيفكر بثمن خبز ولاده وتدريسهم بالجامعة..صوته ما بيطلع الا بالشكوى..
وبدكم صوته يطلع بالانتخابات..بس...وبعدين يسكّر ثمه
بتصيروا تحكوا له منشان الله عيرنا سكوتك..

شو بدكم تسمعوا من المواطن غير الآخ والآه
( سلامتك مواطنا من الآه قبل ما تدخل صدرك احسها بصدري والله)