كان »محمد عبده« يشدو برائعته »أخالف العُمر راجع سالف اعوامي«.. حينها كان صاحبنا يسترجع شريط الذكريات , عندما كان اكثر من »20« الف متفرج يهتفون باسمه ولنجوميته مع الفريق.في تلك الاثناء دخل الى مقهى سقف السيل, رفيق دربه الرياضي , بعد انتهاء عمله رئيساً لقسم القوانص في مسلخ الامانة ..

قوَّك ... يعمي ضوَّك !..

هاي مقبعة معك اليوم ...

يا زلمه الكهربا مقطوعة عن البيت , والتلفون مفصول, وعداد ساعة الماء مختوم بالشمع الأحمر , ودفتر العيلة مرهون عند أبو محمد الدكنجي , واجار البيت مكسور خمس أشهر , وايش بدك كمان أسولفلك ?!..

والله يا كابتن الحال من بعضه , وياريت بقدر اساعدك ..

ولك يا مقلعط انا ما بدي منك إشي, ما انت »مبنشر« مثل حكايتي .. بس إللي مطير عقلي من راسي , انه المسؤولين عن الرياضة , بدعموا ناس وناس .. اي عليَّ الطلاق انه زميلنا ما غيره مشغلينه في ست وظايف وبوخذ راتب من الاتحاد كمان.. واحنا الله لا يردنا !! ليش!!..



* حكمة: لأركب حدّك يا الماتور!!..

kreshan35@yahoo.com