عمون - أورد وزير الاتصالات الاسبق مروان جمعة عدداً من الملاحظات على هامش مشاركته في جاهة بوادي موسى، وقال على صفحته الفيسبوكية:

كنت في غذاء وجاهة كريمة في وادي موسى لشاب محترم وبستاهل بشتغل معي وهاي بعض الملاحظات:

١. لما جابوا المناسف جابو معالق ماكلين هم أهل عمان وبالأخص انا بما انني ديجيتال!!

طبعاً رفضت لانه ما بتآكل المنسف الا باليد!! ولو عيب!

٢. بعد ما وافقوا ولد صغير رمى فتيش بس اكل بهدلة من الجميع لانه زي ما قالوا الطخ ممنوع بتاتاً وهذا بثبت درجة عالية من الوعي!

٣، مافي أكرم وأطيب من أهل هالبلد وخصوصاً خارج العاصمة!

٤. للأسف مافي ولا سايح وهذا حال صعب لازم نهتمله كثير اكثر!

٥، بظن دخلنا موسوعة غينيس لأطول وابعد جاهة بس بستاهل