facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الأكثر مشاهدة





من قتل ناجي العلي؟


عودة عودة
31-08-2016 09:41 AM

بعد تسعة وعشرين عاماً من اغتيال الفنان الفلسطيني ناجي العلي نعيد السؤال من قتل ناجي العلي هل هو الموساد الإسرائيلي..وهل هي المخابرات الأمريكية والأوروبية والعربية.. وهل هم الفلسطينيون وهل هم آخرون....؟!

في ذكرى رحيل ناجي العلي (التاسعة والعشرين) ذكر أحد المتحدثين (د.عصام السعدي) أمس الأول في منتدى الفكر الديمقراطي عن حوار هاتفي جرى بين ناجي العلي ومحمود درويش نشرته مجلة الأزمنة العربية (عدد 170/1968/صفحة 14 ) وفيما يلي الحوار:

درويش: شو بشوفك مستلمنا هاليومين يا ناجي ..حاطط دبساتك على طحيناتنا..شو في..؟!

العلي: يا عمي ما تزعل مني..هاي الشغلة مش ضدك شخصياً..انا ما في بيني وبينك إلا كل خير ومحبة وأنت عارف...

درويش: لا...أنا زعلان بجد.. ليش كل اللي رسمته وكتبته ما بخليني أزعل..؟!

العلي: يا محمود أنت الك حق تزعل لو أني ما تعرضت إلك وأهملتك مثل ما بهمل دائماً الساقطين.. أنا انتقدتك لأنك مهم لشعبك وأنت لازم تفرح مش تزعل..!

درويش: (بغضب مكتوم) مش أنت اللي بصنفني مهم ولا لأ..

وبعد حوار تأرجح بين الغضب والنقد

قال العلي: يا عمي انتو بتقولوا بمد الجسور مع اليسار الإسرائيلي.. مدو زي ما بدكوا… بركي الجسور بتقيدكم مستقبلاً.. أما أنا وجماعتي فلا.. إحنا يا عمي إلنا جسورنا.. جسورنا إحنا مع الناس المشردة.. ممدودة بخط واحد ما في غيره.. من باب المخيم لباب الحرم.. مع أهلنا في الداخل.. هاي جسورنا وما بنعرف غيرها.. وإحنا بننتقد كل واحد بيحكي هالحكي..

درويش (مهددًا): آه.. بس انت مش قدي يا ناجي.

العلي (مستعبطًا): شو يعني .. مش فاهم.. الشغلة صارت شغلة قدود.. قدك وقد غيرك.. والله أنا لما برسم ما بحسب قد لحدا.. وأنت عارف يا محمود؟

ثم بعد وصلة حوار تهديد من درويش واستعباط من العلي

قال درويش: هلا مش وقت المزح.. بدي ياك تفهم يا ناجي منيح اليوم.. إني أنا محمود درويش.. إللي قادر يخرجك من لندن في أية لحظة.

العلي: (ساخرًا بمرارة وحزن):

أووف… والله هاي جديدة يا زلمة.. بالله عليك بتعملها يا محمود؟ وشو هالسلطات اللي صارت عندك.. والله أبو رسول (الاسم الحركي لمدير المخابرات الأردنية الأسبق محمد رسول الكيلاني) بزمانه ما قال هالحكي.. ولا صلاح نصر قبله (..) على كل حال انتو يا عمي السلطة.. انتو الدولة والشيلة (..) هاي مش أول مرة بتصير ولا آخر مرة.. مش عملتوها قبل سنتين في الكويت وخرجتوني؟ وقبلها قال الختيار (الاسم الذي يطلق على ياسر عرفات من قبل أنصاره) قائدك وصديقك في ثانوية عبد الله السالم في الكويت في الـ 75 أنو راح يحط أصابعي في الأسيد إن ما سكت.. بعدين هالشغلة صارت مش فارقة معي هالخد صار معود عاللطم.

الاحتفال بالذكرى لاغتيال ناجي العلي كان مميزا و كبيراًككل الاعوام.السابقة وفي نفس المكان.قدم فيه الفنان أبو خليل وفرقة بلدنا عدداً من أغانيه المناضلة لاقت إعجاب الحضور..كما استعرض أ.عبدالله حمودة مدير المنتدى مسيرة ناجي العلي وحتى استشهاده وعلى رصيف لندني ورغم مرور أكثر من 29 عاماً على رحيله لا كلية فنون ولا شارع ولا جائزة محترمة بإسم ناجي الغلي فقط لأنه لم يكن يعترف ب 242 ومن رسوماته الرائعة بعد كامب ديفيد...إسرائيل تنشئ جدارا حول القدس بالتعاون مع العرب... وكتاب ناجي المقدس هي فلسطين الكاملة ولذلك قتلوه..ومن رسوماته ايضاً اسأل مجرب ولا تسأل حكيم..!

لك الرحمة يا ناجي العلي لقد كانت رسوماتك قهوة صباحنا وبعدك نحن بلا قهوتك..!

Odeha_odeha@yahoo.com





  • 1 مواطنة 31-08-2016 | 12:52 PM

    شو بدنا بهالحكي الان يا اخ عودة عودة؟؟؟ اللي روح روح وما راحت غير بكيس اللي مات الله يرحمه

  • 2 رائد 01-09-2016 | 07:59 AM

    طيب احكي مين الي اغتاله .......

  • 3 مواطن 03-09-2016 | 11:56 PM

    الله يرحم ناجي العلي ...


تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :