"اليوم ضربوا عمر بكرة ممكن يقتلوا أو يغتصبوا"
02-03-2018 04:15 PM
عمون - رسالة مؤلمة بعثتها ام عمر والدة الطفل المعتدى عليه في مدرسة الشویفات في عمان، الى الناشطة ديما علم فراج.
ما تدعو اليه الوالدة المكلومة ان يتحول "عمر" رسالة لكل من يهمه الأمر بوقف الخروج عن القانون للمتنمرين في المدارس.
التسجيل الذي ظهر اعتداء ولدين على عمر وانتشر على مواقع التواصل الاجتماعي، كان إنذارا مبكرا بان على الجميع ان يتحرك لوقف ما يجري في المدارس وخاصة المدارس الخاصة.
وتاليا نص الرسالة:
صباح الخیر انا ام عمر بس حابة احكیلكم انه عمر بالمستشفى من امبارح وطلع عندو الضلع الثالث والرابع مكسورین ومن امبارح باللیل عندو استفراغ مع دم مو عارفین ليه ولغایة الان مو عارفین لسى سبب الاستفراغ، وفعلیاً عمر اللي بستحق الدعاء حالیاً مو اللي قاموا بالاعتداء الشدید عليه وذهابهم لمركز الشرطة هذا لیس عقاب ھذا شيء روتیني عندما یقوم اي شخص بالاعتداء على الاخر یتم اخدوا للشرطة لاخد افادتوا فمركز الشرطة ما رح یعتدوا عليه بالضرب رح یفوت سلیم ویطلع سلیم ولازم اي شخص معتدي یاخد عقابوا ولا كیف هذا الشخص رح یتأدب ویعرف انه في ناس تانیین عایشین معه في الحیاة یستحقو الاحترام وحالة التنمر ھذه عند الاولاد للاسف الشدید اكبر دافع الها سكوت الاھل عنها وعدم معاقبة المعتدي
واذا ما تمت المعاقبة كیف هدول الاولاد بدھم یوقفو الاعتداء على الاخرین وبتقولو هدول اولاد وحرام هيك كإنو عادي یعتدو على ولاد الناس زي ما بدھم هدول اولاد لو ما بنالو عقابهم الیوم ضربو عمر بس ھل عمر رح یطیب من الاذى النفسي والفيديو المنتشر بالعالم كله بسبب هدول الاولاد المتنمرین
اللي بعمل ھذا العمل كان قادر یقتل عمر وھو لا یعلم وانا متأكدة انه هدول الاولاد وامثالهم ازا لم یتم معاقبتهم سوف یستمرو بالتنمر تبعهم والمرة القادمة رح تكون یا جریمة قتل یا اغتصاب لانه اللي بضرب بهاسي الطریقة ممكن یقتل وھو مش حاسس یعني ضرب راسو لعمر بالارض كان ممكن یموت ولا لا ؟؟؟؟؟؟؟؟؟؟
او بتركو بعاهة والله اعلم حالیاً ضربات راسو شو سببتلو لسة مو مبین فموضوع التنمر لازم الجمیع یحطو ایدھم بإید بعض لنوقف موضوع التنمر مو بس بمدرستنا بل بجمیع المدارس صحیح ما رح نقدر ننھي موضوع التنمر نھائي ولكن رح نحد منھ قدر ھمتنا وقدر المستطاع والموضوع بشقین العمل على توقیف التنمر بالتوعیة الصحیحة والاولاد یعرفو انه في عقاب للتنمر والعمل على المدارس بوضع اسس صحیحة لانھاء موضوع التنمر في المدارس.
وھذا یطول شرحه والسبب في زیادة التنمر ھو انه دایماً المتنمرین ما بتم عقابھم ولا توعیتھم بالطریقة الصحیحة والمعتدى علیه یبقى ضحیة دون العلاج الصحیح وھذا ایضاً یطول شرحه فھنا توجد قضیة مھمة جداً وحساسة جداً تحتاج تكاتف المجتمع لحل ھذه القضیة والذي حدث ھیة جریمة بشعة.
فأرجو من الجمیع ان یقومو بتفھم موقفنا كأھل انا ووالد عمر اننا لا نقوم بذلك بدافع الانتقام ولكن لعدم تكرار ھذا الاعتداء لاولادنا واولاد الاخرین.
وندعو الله بان لا یتعرض اي احد منكم بما تعرضنا لھ ولا یشعر بشعورنا انھ اي حدا فیكم یشوف مقطع ڤیدیو لابنھ بتعرض للضرب بطریقة بشعة جداً لانھ المتنمرین فعلوا ھذا الفعل بدافع المتعة وحتى ینزلو المقطع ویجیبو علیھ اعلى لایكات وارجو من اي شخص یتعاطف مع المتنمرین یرجع یشوف المقطع كیف بیضربو الولد باستمتاع ونشوى فھدول الاشخاص بحاجة لعقاب وعلاج وندعو لھم ولابننا بالنجاة من ھذه المصیبة ...
بس عتبنا على الناس اللي خایفیین على المتنمرین انھم ینالو عقاب بحجة انھم اطفال بس حتى الاطفال یوجد لھم مركز احداث وانه بعض الاطفال موجودین بھذا المكان بسبب القتل وحتى وھم اطفال لا یعني انھ طفل مو لازم یتعاقب وارجو منكم انھ نحط ایدنا اید بعض لنطلع بنتیجة ترضي ربنا وترضي الجمیع على ان نحل مشاكل المتنمرین لانھا مشكلة خطیرة جداً وللاسف لحد ھلا ما حدا عم بحاول یعالج ھاي المشكلة وحالیاً ابني التاني بالمدرسة بس انا بضل خایفة لییجي لاني ما ضل عندي ثقة انھ ما رح یتعرضلو متنمر وارجو من ھاي اللحظة نحكي بحلول لمشكلة عامة ممكن انھا تحصل لاي حدا منكم وما عادت مشكلتنا ھاي مشكلة شخصیة مع حدا معین المشكلة عامة