عمون - ردت الناشطة ديما علم فراج على منشور النائب سعود ابو محفوظ حول انتخابات نقابة المهندسين الأردنيين بتويجه رسالة الى الحركة الاسلامية.

وقالت علم في منشور لها عبر صفحتها الشخصية في موقع التواصل الاجتماعي "نصيحة للحركة الاسلامية من اردنية عربية مسيحية، راجعو خطابكم، وراجعوا تنشئتكم لقواعدكم، حلوا خلافاتكم الداخلية اعملوا ربيع عربي داخل الحركة، واجهوا فيها تطورات المرحلة، اسقطوا القيادات الي ما تغيرت من عشرات السنوات ومنعت الشباب انهم يتقدموا في الحزب والجماعة .. وانتبهوا .. انه الي متل ابو محفوظ صار قيادي عندكم ... بدل اسحق الفرحان وعبداللطيف عربيات وغيرهم من القيادات."

وتاليا ما كتبته :

بالنسبة لمنشور ابو محفوظ ... اوجه كلامي للحركة الاسلامية الي جد حزنانة عليها وين وصلت فيها الامور .. وما بوجه كلامي له.

لمتى لغتكم برفض الآخر، وكل الي مش معكم اما "مثلي " واما لاديني وماسوني وحكومي وامني. الى متى؟
نقابة المعلمين، انتخابات نيابية وبلدية ، انقسامات داخلية .. كتلتكم تحت القبة لم تحدث اي فرق لليوم ...
كله " مؤامرة" كونية؟ ولا سلسلة اخطاء منكم ؟

نصيحة للحركة الاسلامية من اردنية عربية مسيحية، راجعو خطابكم، وراجعوا تنشئتكم لقواعدكم، حلوا خلافاتكم الداخلية اعملوا ربيع عربي داخل الحركة، واجهوا فيها تطورات المرحلة، اسقطوا القيادات الي ما تغيرت من عشرات السنوات ومنعت الشباب انهم يتقدموا في الحزب والجماعة .. وانتبهوا .. انه الي متل ابو محفوظ صار قيادي عندكم ... بدل اسحق الفرحان وعبداللطيف عربيات وغيرهم من القيادات.

والمضحك ان ابا محفوظ يتقبل الغير فقط عند الانتخابات هل تذكر يا ابا محفوظ لما دخلت على خمارة تطلب صوات؟ .. وطبعا بحب اذكرك انك اعترفت بهاي الحادثة ...

اما بالنسبة لمصطلح " ابناء الطوائف" بحب احكيلك انه كشف اسلوب تفكيرك وتفكير جماعتك ونظرتكم لنسبة كبيرة من الاردنيين، منهم ناس ترشحوا معكم بالانتخابات النيابية الاخيرة، ورسبوا كلهم لانه قواعدكم ما اقتنعت انه ممكن يصوتوا ل مسيحي في الانتخابات ..

سؤال : انتبهت الجماعة قبل ما تهاجم مؤسسات الدولة الاردنية، انه الاردن البلد الوحيدة في المنطقة الي ما حبستهم ولا اعتقلتهم ولا اعدمتهم بالشوارع ولا اعلنتهم تنظيم ارهابي على مواقفهم زمن الربيع العربي؟، بحبوا يتذكروا فرعنتهم بالربيع العربي؟ لما ما شافو البلد بعينهم؟ ترى نحن مش ناسيين حتى لو هم فقدوا الذاكرة

حزينة عالحركة الاسلامية ومش متشمتة .