يبه والشوق ببعادك نسى لا يغمض الأجفان
يبه والعمر من دونك يده للحزن مرهونه
يبه ما يقتل احساسي سوى تصويبة الخذلان
وانا بنتك خذلني واقعي واضحيت محزونه
تحملت التعب حتى لقيت ان التعب عنوان
على بوابة أيامي نقش اسمه ومضمونه
ورجلي كل ما قالوا تطيب وتفرح الأعيان
لقيت ان السما اقرب من اللي جو يقولونه
احاول اخفي دموعي عن عيون البشر والآن!
تعبت اخفي معاناتي واعيش الكذب وفنونه
صدق جرحي وصدّقني وعشنا رفقه وخلّان
وما زلنا وسط ليل الوجع ونعيش بركونه
يبه مالي سوى الذكرى إذا دروب الفرح نسيان
لعل الله يزينها بفرحٍ تسكب مزونه
واعيش أيامي الجايه أمل ما يعرف الحرمان
به الغي كل وسواس التعب واستبعد ظنونه
وإسمي لا سأل عنّي قريبٍ أو غريب اوطان
ليالي كل مازادت جراحي قلت ممنونه
يبه والشوق ببعادك نسى لا يغمض الأجفان
غدت كف العمر حرّه وقبل اليوم مرهونه
الشاعرة ليالي العموش
الرد على تعليق