أوّاه مـن هـجـرك ثـلاثــين أوّاه
أدميت قلبٍ أسكنك وسط الأعماق

هجرتنا من غير ذنب ارتكبناه
علمي بك انك من أصيلين الاعراق

يا شوق طاريك الفرح كيف ننساه
وحنا لشوفك يا هوى البال نشتاق

ودّك بوسط القلب حنّا حملناه
وصلتنا من هجرك لحال الارهاق

لو كان لك حقٍ علينا عطيناه
ونراعي المعروف في زين الاخلاق

اللي يبيع وصالنا ما شريناه
واللي شرانا مسكنه وسط الاحداق

أما إذا من غيرنا ما عرفناه
خطا الخلايق ما تسجّل بالاوراق

وان كان فيه اسباب ما قد دريناه
الله يعلم والي الكون خلّاق

تسلم ودم يا اللي ودادك حفظناه
ان هرجةٍ يركض بها كل مطفاق

اسمح فديتك يا هوى البال لله
يجزيك ربك يوم نشّاف الارياق