مكتوب عجبين الوطن
سعر الوفا قديش..
ومشْ كلْ منْ قال
الوفا دربي...
صَدَقْ يا عْلِيشْ ..
كثار الْ بَقُوا يتنافخوا
ببيوتهمْ ...
ولما الوطنْ نادى ،
طلعْ فُشيشْ
قديش ناس تحزمت
بالمرجلة ...
وطاحت عَلى
لبس العباه طيحة...
وردت على راس الخنا
عقال الوفا...
للجوخ مَسّيحة
يا عليش ضيعنا العمر
نُنْطُرْ عَدرْبْ العيشْ
لو ريحة..
ظَلينا نتعيَّشْ سَبَلْ
والغير عبَّا الخيشْ
مُرجيحة...
ورضينا بالهم الردي
وما قلنا مرة ليش
مَزْيّحة
يا عليش قدرك ترتوي
ذل الاسى مرات..
وتذوق من قهر الفقر
حسرات.. يا ويحه
ابوك من قَبْلَك مشىْ
بدري عدرب الجيش
وابنك وابن ابنك
ترى مستَقْبَله
شاويش
والجيش عز ومفخرة
وراية نصر يا عليش
مكتوب عجبينك قدر
واجمل قَدَرْ
ومنْه بتوكل عيش
واترك لباقي الطالبين
العيش ...
يتظللوا بأمنَكْ
وأمن الجيش
يا عليش بدِ اربط
على ثمي.. حَبِلْ
لحْسَنْ يقع
طُرْطِيش
آآخخ ...
شو بدي أسولِف
يا وطن..
واحتشي واسولف
ليش!! ؟؟