facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الأكثر مشاهدة




خبر اقامة عروسة بريطانيا المقبلة في الاردن يتصدر الصحف الاجنبية


08-03-2011 12:51 AM

عمون - بنان ملكاوي - تناقلت وسائل الإعلام الأجنبية بشغف السيرة الذاتية لـ "كيت ميدلتون" خطيبة الأمير وليام ابن ولي عهد المملكة المتحدة "بريطانيا" والتي ذكرت أن عروس العائلة المالكة البريطانية المقبلة أمضت سنوات طفولتها في العاصمة الأردنية عمان.

وكانت "ميدلتون" انتقلت الى عمان مع عائلتها في 1984 عندما كانت تبلغ من العمر سنتان وداومت في روضة أطفال في عمان قبل عودتها مع عائلتها الى بريطانيا.

وكان والد "ميدلتون" يعمل مديراً لشركة الخطوط الجوية البريطانية وعين في منصب في عمان وكانت والدتها في إجازة أمومة من عملها كمضيفة طيران لذات الشركة، وأشارت وسائل الإعلام البريطانية أن مكوث عائلتها في الأردن خلال الثمانينيات لم يكن معلناً من قبل.

وأشار تقرير صحيفة الـ "ديلي تلغراف" البريطانية الصادر يوم الاثنين انه "من بين الملايين من الكلمات التي كتبت عن الآنسة "ميدلتون" منذ أن بدأت بمصاحبة الأمير وليام قبل سبع سنوات، يبقى خبر مكوثها سنتان ونصف في عمان أفضل سر كتمته عائلتها."

وكانت "ميدلتون" التقت بعريسها المقبل الأمير وليام في جامعة "سينت أندروز" في اسكتلندا حيث تخرجت في 2005 بتخصص تاريخ الفن.

وكانت السيرة الذاتية لـ "ميدلتون" ذكرت أن هواياتها تتضمن المشي ورياضة التنس والسباحة والتصوير والفن. وتضمنت السيرة الذاتية عددا من الصور من طفولة "ميدلتون" والتي نشرت على الموقع الإلكتروني الخاص لزواج "ميدلتون" والأمير "وليام."

واستقطب الموقع الخاص للخطيبين أكثر من مليوني زائر منذ إنشائه الإسبوع الماضي.

وكان الأمير "وليام" تقدم لخطبة "ميدلتون" في تشرين الثاني / نوفمبر الماضي وتم تحديد موعد زفاف العروسين في التاسع والعشرين من شهر نيسان / إبريل القادم. وقدم الأمير "وليام" الى خطيبته خاتم زواج والدته الراحلة الاميرة ديانا الشهير ويذكر أن الخاتم من 18 قيراطا ذات حجر الياقوت الازرق تحيط بها 14 الماسة،


الصورة الرئيسية: "كيت ميدلتون" مع الامير وليام










  • 1 ما بهمنا 08-03-2011 | 01:04 AM

    شو هالخبر الفضيع الي جايبنه

  • 2 سلطي ببارك 08-03-2011 | 01:12 AM

    لا تقول نسيتك خي ياوليم لا تقول نسيتك اول ما طارتك وانت المبدي اول ما طارتك .

    ولفتحها بطورية دارك يا وليم لفتحها بطورية مركز للمغتربين السلطية يادار العز مركز للسلطية .

    طلع الزين من الحمام الله واسم الله عليه .

  • 3 شطناوي 08-03-2011 | 01:14 AM

    شو يعني انا قعدت في عمان و عادي ما حدا كتب عني إشي بالصحف

  • 4 اردني 08-03-2011 | 01:14 AM

    طلعنا قرليب

  • 5 فواحد 08-03-2011 | 01:15 AM

    في الغويرية على مااظن

  • 6 الى رقم1 08-03-2011 | 01:18 AM

    شو بتهذرم

  • 7 08-03-2011 | 01:21 AM

    يا هنيالنا

  • 8 سعيد شرار 08-03-2011 | 01:22 AM

    سنوات طفولتها في العاصمة الأردنية عمان كانت اشرف شيئ في حياتها وحياة كل الشعب البريطاني بأسره ومن كل العائلتين.فهل كان خبر مكوثها سنتان ونصف في عمان عار لتكتمته عائلتهاأفضل سر ."
    الأردن مصنع الرجال والنشميات ولا يعادله اي دوله اوربيهبالشرف والأخلاق والحضاره.

  • 9 08-03-2011 | 01:23 AM

    فيها ملمح عربي ;)

  • 10 المهندس عمرو 08-03-2011 | 01:24 AM

    يا لطيف

  • 11 حميدي 08-03-2011 | 01:27 AM

    الله لا يوجسلك يا سلطي، وربي فقعت من الضحك، يخرب شيطانك شو أذى. هههههههههههههههههههههههههههه

  • 12 كركي 08-03-2011 | 01:29 AM

    افتحولنا الباب الشمس احرقتنا ... لا تكون طماع بيي يا مدلتون .

  • 13 مشاكسس 08-03-2011 | 01:32 AM

    يا اخوان هاي النشمية انا شايفها بسقف السيل بسوق الطلياني سقاالله على ايام سوق الطلياني؟معقول يا ناس اخ الدنيا حظوظ .وطلع الزين من الحمام وطلع الزين من الحمام الله واسم الله عليه .

  • 14 08-03-2011 | 01:36 AM

    شو .............

  • 15 النشمي 08-03-2011 | 01:36 AM

    طيب شو يعني ؟ اقل من عادي ....شو بدو يفرق عندي انا

  • 16 النصيحة بجمل 08-03-2011 | 01:38 AM

    سبحان الله .. أول ما شفت الكشرة قلت أكيد عاشت في الأردن .. حتى شكلها ما شافت يوم فش فيه نكد .. من التجاعيد فوق عيونها ..
    أنا بنصحها ادق على الكمبيوتر قبل ما تيجي تتأكد ما عليها مخالفات سير أو ضرايب مش مدفوعة بعدين وليام بروح لحالوا ..

  • 17 اردني 08-03-2011 | 01:47 AM

    شو يعني اقامه في عمان؟ مش قد المقام؟ وكانها في ادغال افريقيا. عمان افضل من لندن

  • 18 08-03-2011 | 01:49 AM

    عمّانية حتى النخاع .. .. هيك العادات والتقاليد.. عموما ألف مبروك عالأمير وليم

  • 19 عبد الاله 08-03-2011 | 01:50 AM

    جيرة الله جيرة الله غداء الفارده عندنا في مضارب بني حسن يعني البنت الها حق علينا عاشت بالاردن طفولتها اكيد اكتشفوا انها عاشت طفولتها عندنا بعدما مسكوها تلعب بالتراب اشتاقت تلعب بالتراب مثل طفولتنا البريئه

  • 20 صديق الطفولة كيت كات 08-03-2011 | 02:06 AM

    و انا بقول وين شايفها .. كانت معنا بالروضة و بالعلامة كان شعرها لونو اشقر .. اتذكرتيمي يا كيت .. :)

  • 21 تالا 08-03-2011 | 02:08 AM

    الى رقم 2 والله ضحكتني كم قعدت في عمان ولا يهمك بكرى بنكتب عنك

  • 22 lمغترب ومنسي 08-03-2011 | 02:10 AM

    والله انا انولدت بعمان وعشت فيها 25 سنه وما حد بذكرني حتى على الحدود ..............خليها على الله يا جماعه سنتين بعمان وصارت اميره كيف لو طولت شوي شو بتصير ......

  • 23 جحا 08-03-2011 | 02:13 AM

    بتذكرها كانت معي في صف الفراشات في روضة السنافر اللي بآخر حارتنا بجانب دكان ام جوزيف

  • 24 معهر 08-03-2011 | 02:13 AM

    كنا بنفس الصف -وكانو جيران بجبل الجوفة -وكنا نلعب طاق طاق طاقية- بس كانت غشاشة

  • 25 أم أشرف 08-03-2011 | 02:15 AM

    ممكن تيجي وتعمل فرحها في البتراء!!!!!!!!!
    والا جرش ........!!
    والا إليزابث مش رح توافق ..

  • 26 ربداوي حر 08-03-2011 | 02:35 AM

    وسع الميدان خيي يا وليام وسع الميدان والفرحة للصبيان والعز لك يا وليام والفرحة للصبيان وافتحون الدرب وهيي يا أردنية وافتحون الدرب يشلعون القلب ويليام وكيت يشلعون القلب .. ودرج يا غزالي يا رزقي وحلالي ومال الناس ومالي وأنا شريت الغالي ويا ويليام اسم الله عليك وكيت الحلوة جبنالك وجبنالك ما جبنالك جبنالك من عـمـّان عروسة وشقرة كمان وشعرها حبل الجرار وكل شعره بألف ومية ويا بي يابي يابيي ويا كيت يا عينيي .. وشنقليلة شنقليلة الله .. واللي فرح لينا يجي ويهنينا واللي فرح لينا يجي عباب الدار وتسلملي يا وليام متحزم بالزنار .. ويا شجيرة التفاح وش حملك تفاح قلب ويليام ملتاع عم المناديلي .. وخيل اجتنا الواد الواد وخيل اجتنا عصرية ولاقوهم ربع الاجواد لو كانوا الف ومية .. ويخلف عليكوا كثر الله خيركوا وبين الخلايق ما ناسبنا غيركوا ..

  • 27 أردنية وافتخر 08-03-2011 | 02:38 AM

    في أي روضة كانت ؟ والا ما بكو تعملو دعاية !
    فكركو بتيجي شهر عسل على الأردن!

  • 28 محمد معمور 08-03-2011 | 02:47 AM

    يا لفخر الاردنيين .... سنتان ونصف ...عمون مشان الله مش لهدرجة

  • 29 كركي من الطرف الاغر 08-03-2011 | 03:01 AM

    ياهلا ابونسب

  • 30 جرشاوي اردني 08-03-2011 | 03:23 AM

    اهالي جرش يرحبو بالعروسين وجيرت الله الفارده من عنا بتطلع وزفة العريس من دار المختار
    وعقبال العزابية

  • 31 شوملي 08-03-2011 | 03:27 AM

    شطناوي دمك خفيف كثير

  • 32 08-03-2011 | 03:41 AM

    قلة هلا

  • 33 كون نسيب ولا تكون ابن عم - التميمي 08-03-2011 | 03:42 AM

    هظا الولد طلع نسيبنا واحنا مش داريين؟
    شو يا اخوان مين رايح على العرس والفارهه؟

  • 34 08-03-2011 | 03:45 AM

    أني سمعت ...

  • 35 والله زمان يا ميدلتون 08-03-2011 | 04:05 AM

    بحكي وين شايفها.....هسة تذكرت....في الروضة....ههههه

  • 36 ابو جاموس 08-03-2011 | 04:18 AM

    يا هنيالنا

  • 37 محمد نايف دقامسة 08-03-2011 | 04:40 AM

    والله مليون وردة بتنورررر الاردن كلها....

  • 38 08-03-2011 | 04:51 AM

    يعني اكلت فلافل بعمان

  • 39 الى رقم 1 08-03-2011 | 04:54 AM

    يا وليم حنا عزوتك جليبك ........ ههههههههههههههههه

  • 40 08-03-2011 | 05:12 AM

    ما فيه و لا كلمة بالفيديو عن انها كانت بالاردن. و شو يعني انها كانت بالاردن؟؟ و الله سوالف فارطة و ما الها قيمة، القرعا بتتباهى بجدايل بنت خالتها...
    تنشر و لا بكيفك

  • 41 مواطن من عمان 08-03-2011 | 05:37 AM

    مبروك .. بس اذا العروس عايشه بعمان سنتين لازم نطلب عباية الخال ..

  • 42 اردنية /قطر 08-03-2011 | 07:47 AM

    إلى تعليق 1 و الله إنك تحفة

  • 43 الى رقم 1 08-03-2011 | 08:11 AM

    لو ظليت ساكت احسن لك

  • 44 طرباشي الجيناتي 08-03-2011 | 08:15 AM

    عليّه الطرباش إنه عائلة ديانا فيها شروش عربية ّ!

  • 45 فــارس الشمال 08-03-2011 | 08:27 AM

    من عاش بين قوم 40 يوم صار منهم. لهذا السبب كانت الانسه "كيت ميدلتون" في قمة التواضع في محطات التلفزة العالمية.
    الله يتمم على خير.

  • 46 Lokman Elkayed/ United Nations 08-03-2011 | 08:49 AM

    اهلا وسهلا
    و طننا العزيز الأردن : بخير وسلام ,آمناً مستقراً

  • 47 مش أردني 08-03-2011 | 09:09 AM

    انا في الأردن من 2006 وهذا كان سر
    يللا انشروا

  • 48 ابو غيث الطوالبه 08-03-2011 | 09:15 AM

    فعلا يعني خبر بيرفع الراس ... والله تشرفنا ... والله وحلت سيرها ...

  • 49 مومني 08-03-2011 | 09:41 AM

    يا خالي الشطناوي خليك لابد عندك وبكرة بيجيك الدور ما تشيل هم يا قرابه

  • 50 مادباوي.. 08-03-2011 | 09:43 AM

    ههههههههههههههههه والله يا سلطي مزاجك رايق عالاخر

  • 51 ثغرة عصفور 08-03-2011 | 09:44 AM

    واضح بالصورة انه جرش كاينه حلوة بالثمانينات ، وبالمناسبة انا مرة قعدت على نفس الحجار إلي قاعد عليهم مايكل

  • 52 رجا الحمايدة 08-03-2011 | 09:48 AM

    لها الشرف ولكل من سكن عمان والاردن بشكل عام لان الاردن يغرس بمن سكنة الاصالة وسمو النفس

  • 53 توتو 08-03-2011 | 09:49 AM

    ياريت لو انا محلها

  • 54 بنت العقبة 08-03-2011 | 09:50 AM

    ... و الله فيكي خير

  • 55 عنكبوتة 08-03-2011 | 09:54 AM

    اول ما قرأت العنوان فكرت انو يعني بدها الاميرة تسكن بعمان......

  • 56 08-03-2011 | 09:54 AM

    شو هالخبر الغريب

  • 57 كركي 08-03-2011 | 10:01 AM

    عزومه العريس بالكرك وعليهم جيره ترا.3...

  • 58 سلطية 08-03-2011 | 10:01 AM

    ويا وليام يا ابو لعقال من وين صايد هالغزال يا وليام يا ابو حطة من وين صايد هالبطة

  • 59 عماني 08-03-2011 | 10:11 AM

    والله وتشرفنا؟؟؟

  • 60 08-03-2011 | 10:12 AM

    احلى ابو سلط

  • 61 نورس 08-03-2011 | 10:20 AM

    ماشالله عليه مولاقي من النجوم إلا سهيل

  • 62 غربة 08-03-2011 | 10:23 AM

    عمئول وين شايفه ...

  • 63 مربى عز 08-03-2011 | 10:34 AM

    دير بالك على بنتنا يا وليم

  • 64 أردني بدوي نشمي 08-03-2011 | 10:35 AM

    أهلا وسهلا بضيوف أهلا ووطئتم سهلا في بلدكم الثاني

  • 65 بشتاوي/ايطاليا 08-03-2011 | 10:41 AM

    العب دار دار زنقا زتقا بيت بيت الى الامام
    غنوا ارقصوا وافرحوا اصلا لولا ما كانت طفولتها بالاردن
    كان ما اخدها الامير

  • 66 بو عيسى 08-03-2011 | 10:41 AM

    كل الحب والاحترام لعروستنا الحبيبة. هذه بنتنا واخت رجال تربت على العز والكرامة في ربوع الاردنيين. احنا خوالها ودوم نحميها, وما نسمح لاحد يؤذيها وبالعيد نيجيها ونطيب خاطرها وان شا الله بالرفاه والبنين يا كيت

  • 67 شوفير تكسي 08-03-2011 | 10:48 AM

    خوف الله إنهم طلعوا معي في التكسي ووصلتهم لأم قيس وجرش وحتى الصغير أخوها جنني بالطريق مبروك عمي وعقبال الجميع

  • 68 سلطي 08-03-2011 | 10:49 AM

    يا سلام شو انبسطت

  • 69 الى سلطي يبارك 08-03-2011 | 10:51 AM

    حلوه تليق مرتب والله انك فرحتني وضحكتني من زمان والله اني ما ضحكت، والله انك شيخ .

  • 70 عمان زادت الاميرة شرف 08-03-2011 | 11:10 AM

    اهلين أبو نسب

  • 71 علا 08-03-2011 | 11:11 AM

    شو هالخبر الفظيع يا عمـــــــــون....يعني زي الي بنباهى بشعرات بنت خالتو
    مش مهم هالخبر

  • 72 حماده 08-03-2011 | 11:15 AM

    طيب عاشت بعمان وين المشكله اصلا شرف الها تعيش بعمان

  • 73 الزوايده ماهر 08-03-2011 | 11:16 AM

    والله الله يخلف عليهم فضلوا علينا انهم اقاموا بعمان ... شو يعني سكنوا بعمان واحنا مبسوطين وفرحانيين انهم يحكوا علينا ((( سر كتمته عائلتها )))

  • 74 حمزه القضاه 08-03-2011 | 11:19 AM

    ألفففففف مبرووووووك سلف ... وأهلا ً وسهلا ً فيكوا في الأردن ...

  • 75 جويعد 08-03-2011 | 11:21 AM

    وانا اشهد ...انا مرة شفتها في الهاشمي الشمالي قرب دكانة ابو العبد ...وبالامارة ..اشترت باكيت سيبس الابطال ...وابو العبد عصب عليها ....اييييه الايام ...الله يرحمك يابو العبد ...فعلا زنغا زنغا ..واله ياهلا ومرحبا بعروستنا الغالية ...الى الامام

  • 76 بدوي سائح 08-03-2011 | 11:26 AM

    الصورة صحيحةمية بالمية لان والدها لابس الزنوبة الاردنية ام اصبع والتي راج استخدامها في فترة الثمانينات وكان لايكاد يخلو اي بيت اردني منها.

  • 77 08-03-2011 | 11:35 AM

    كان والد "ميدلتون" يعمل مديراً لشركة الخطوط الجوية البريطانية وعين في منصب في عمان

  • 78 اردنية 08-03-2011 | 11:41 AM

    فس تعليه ولا لأ اهههههههههههههههههههه اكيد في مناسف وخليها تحجز عند اللوزيين من هسا لانه الصيف جاي

  • 79 الى سلطي ببارك 08-03-2011 | 11:56 AM

    يخرب فنك من اي عصر انت هههههههههههههههه بحكيلك عنهم الله يبارك فيك هههههههههههه

  • 80 فيها ملمح عربي ههههههه 08-03-2011 | 12:22 PM

    فيها ملمح عربي ههههههه..روعه هههههههههه بس نياله

  • 81 خلدون الزريقات 08-03-2011 | 12:31 PM

    انا مواليد الثمانينات بس ما حكولي انهم بعمان

  • 82 العدوان 08-03-2011 | 12:32 PM

    لا والله غير الغدا عنا في مضارب العدوان جيرة الله عليكم تتفضلو

  • 83 العبادي 08-03-2011 | 12:37 PM

    ايش يعني انها عاشت بعمان سنتين ونصف زيها زي ابناء الجاليات مش هالحدث العظيم يعني عنا قضايا اهم بكثير نهتم فيها

  • 84 محمد الزعبي 08-03-2011 | 12:38 PM

    أكيد بتعرف الرمثا !!!!!

  • 85 jaad 08-03-2011 | 12:39 PM

    ازا عيشتها بالاردن كانت اكبر سر مخبيتو كيف لكان لو حكيت للأمير وليام انها أكلت منسف بأديها

  • 86 jaad 08-03-2011 | 12:39 PM

    ازا عيشتها بالاردن كانت اكبر سر مخبيتو كيف لكان لو حكيت للأمير وليام انها أكلت منسف بأديها

  • 87 مواطن 08-03-2011 | 12:41 PM

    احنا اهل عمان وما كتبو عنا

  • 88 زهقان 08-03-2011 | 01:37 PM

    هلا والله ..

  • 89 زهقان 08-03-2011 | 01:37 PM

    هلا والله ....

  • 90 هلا عمي 08-03-2011 | 03:37 PM

    شو هالخبر يا عمون ... على كل حال ضيوف الاردن مرحب بهم .... بس بالاخر شو يعني هذا الامر ما بيهمنا ... بدنا النقابة .... وتتحسن امورنا الاقتصادية ... ... لا هي سائلة عنا ولا حنا سائلين.
    الشعب البسيط مثل حالتنا شو بتفرق معه ان كانت خطيبة الامير وليام او خطيبة زعل .
    انشر او لا تنشر كمان بطلت تفرق .

  • 91 رنا البطاينة 10-03-2011 | 01:27 PM

    الاخت الناىشرة للخبر
    ليس كل ما يكتب على موقع الانترنت صحيح لان الانسة ميدلتون لم تتربى في الاردن ابدا وانما زاىرتهااكثر من مرة بحكم عمل والدها في الخطوط البريطانية - واؤكد ان هناك خبراخر نشر في صحيفةالتلغراف تفنيدا للخبر المنشور ان مراسم الزفاف ستتم في نفس الكنيسة التي عقد فيها مراىسم الاميرة الراحلةديانا في حين ان حفلة الزفاىف ستتم في المملكة المتحدة وليس في الاردن كما تم نشره اما باقي التفاصيل المنشورة في الخبر فقد تناقلتها كافة مواقع الانترنت نقلا عن قصر بيكنجهام


تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :

لا مانع من الاقتباس واعادة النشر شريطة ذكر المصدر عمون.الآراء والتعليقات المنشورة تعبر عن رأي أصحابها فقط - اقرأ ميثاقية شرف عمون

برمجة واستضافة

الموقع يعمل على سيرفرات يونكس هوست