يلي بيسكت عن حقه لما بيسمع كلمة اسأه وما بيحط حد للمسيء وبيوقفه عند حده هاي رخصة بلطجة !!
يلي بيخلي اي حدا يوخذ حقه قدام عينه وما بيحارب بكل قوته ليدافع عن حقوقه هاي رخصة بلطجه!!!
يلي بيوخذ حقك وعلمك لما بيطّلع على ورقتك بالامتحان وبسرق سهر الليل رغم عن انفك وبتضلك ساكت كمان هاي رخصة بلطجة!!!
ويلي بيحترف البلطجة وبيقرر يتسلط على الموظف ومارق الطريق والمحترم ويلي بحالو، بس عشان الاتاوه هاذ هو البلطجي الهامل يلي ما في اي غطاء لبلطجيتو!!
يعني أنا بلطجي علني ومش خايف وما بلعب ورى الكواليس والحجة مهنة ورثها عن ابو واعطا صاحبو اصولها، وعلمو على فنونها !!
او متعاطي ومش سائل، والتعاطي هو الرخصة يلي بتخوف يلي حواليه
"لا تبلش فيه هاذ ما بصحى"!!!!
هذول همو الفئة الهمجية يلي لازم كل المجتمع يعرفهم بدولة القانون يلي تناسوها وقرروا انو بلطجيتهم بتخوف الكل منهم، يعني: " مجنون مجنون وراحت عليه مجنون "!!
الردع لازم يكون سريع لانو الضحية الو اهل والبلطجي في منو كثير …
بالقانون وبالردع وبالعقاب الصح : نار الاهل وغضبهم بينطفي والبلطجية ما وراء الكواليس ..بيعرفوا انو مصيرهم جهنم لانهم قرروا يقتدوا بابليس!!!
البلطجيه ما وراء الكواليس كثار بس البلطجي يلي ما عاد يفرق معو شي وأصبح يمارس بلطجيتوا بالعلن حلّو بايد المجتمع والقانون:
"انبذوهم وحقروهم واتاوه لا تعطوهم، واتركوا دولة القانون تداويهم".
الرد على تعليق