عمون - نشر الزميل عمر الزيود صورا من زيارته منزل رئيس الوزراء السابق الدكتور بشر الخصاونة، معبرا عن سعادته للقاء الذي جمعه به.

وقال الزيود في منشوره:

انا كثير مبسوط قد هالدنيا مبسوط ..
لاني صرت انا ودولة د. بشر الخصاونة أصحاب..
رحنا اليوم على بيت د. بشر وشربنا قهوة وعصير وكل شي ..
كان يحكيلي دولة د. بشر اشرب قهوة يا عمر اشرب عصير يا عمر .. كان يطمن على كل ضيوفه اللي كان عنده بالبيت ..
ويطلب منهم يوخذوا ضيافتهم..
كنت كثير مبسوط وهو بيحكي عن خطأ انا ارتكبته بحقه وهو بيحكي انا مسامحك .
بيته كان دافي كثير ... شفت بعيونه الأردن وشفت كمان ابوه اللي هو تعلم على يده .. وكمان شفت التعب اللي تعبه لما كان رئيس وزراء.
دولة د. بشر حنون وانسان وقلبه بيسع كل الناس .
بتمنى كل الناس يجلسوا مع دولة بشر عشان يعرفوا قلبه قديه حنون .
ولما بسته على وجه شميت عبق سنابل القمح والدحنون الأحمر اللي بيطلع بالربيع بايدون.

وبدي اشكر كل الموجودين بالجلسة الكريمة خالي الشيخ ضيف الله القلاب ومعالي توفيق كريشان وكمان بدي اشكر معالي ابراهيم الجازي والنائب حسين العموش.

وفيه كمان شي مهم جدا
شكرا لكل الناس اللي سألوا عني
من مواطن عادي إلى كل مسؤول سواء كان صغير على مستوى مسؤوليته او كبير .

حابب انصحكم نصيحة ما حدا يرتكب خطأ ويدخل السجن لانه رح يطلع صحته مش كويسة.

وكان أوقف الزميل الزيود، بموجب قانون الجرائم الالكترونية، على إثر شكوى تقدّم بها رئيس وزراء سابق بحقّ موقع إخباري، معتبرًا أن أحد التقارير التي نشرها الموقع غير دقيقة وتفتقر إلى الصحة.