facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الأكثر مشاهدة




تقرير : 1500 دولار متوسط الرواتب في الأردن


03-09-2011 02:52 PM

عمون - أظهرت تقارير استطلاعية أوردتها شركة «بيت دوت كوم» أكبر شركات التوظيف الإلكتروني في الشرق الأوسط ونشرتها صحيفة (الإمارات اليوم) تصدّر الإمارات قائمة دول الشرق الأوسط من حيث متوسط الرواتب التي يحصل عليها العاملون في مختلف الوظائف المتخصصة.

كما اظهرت الدراسة ان متوسط الرواتب في الاردن 1500 دولار أي حوالي 1050 دينار اردني ..

وبلغ متوسط الراتب الذي يحصل عليه الموظف في السعودية نحو 3.300 دولار وفي الإمارات نحو 4000 دولار و3.700 دولار في قطر و3.272 دولاراً في الكويت وأقل من 1000 دولار في كل من باكستان ومصر والهند.

وتضم هذه الوظائف المتخصصة: المبيعات وهندسة المشاريع والمحاسبة والتقنية والشؤون المالية والخدمات الإدارية والموارد البشرية وخدمة العملاء والتسويق والسكرتارية والتصميم والإبداع والمشتريات والخدمات اللوجستية والتحكم بالجودة والخدمات المساندة والتعليم والتدريب ومواصفات السلامة والطب والقانون والأبحاث والتطوير.







  • 1 ضحكتوني 03-09-2011 | 03:09 PM

    1500 دولار؟؟؟؟؟؟؟؟ ...مش عارف شو اعلق على هيك دراسه

  • 2 ؟؟؟ 03-09-2011 | 03:09 PM

    بالسنة ولا بالشهر؟؟؟

  • 3 طفران 03-09-2011 | 03:10 PM

    ما نص البلد وزراء واعيان ونواب متقاعدين

  • 4 سهيل السعيدين 03-09-2011 | 03:11 PM

    ما شاالله

  • 5 !!!!!!!!!!! 03-09-2011 | 03:11 PM

    !!!!!!!!!!!!!!!!!!!!!!!!!!!!!!!!!

  • 6 موظف طفران 03-09-2011 | 03:13 PM

    من وين جابو هذه البيانات انا موظف بخبرة 10 سنوات ولم اصل الى متوسط المتوسط الذي يتحدثون عنه
    والله انه متوسط الدخل فى الاردن لايتجاوز 350 دينار
    اي 494 دولار شهريا وااللي عنده كلام غير هذا يفهمني يمكن اكون عايش فى دولة اخرى

  • 7 مواطن 03-09-2011 | 03:16 PM

    عمون اكيد هاد عن الأردن التقرير ؟
    1050 متوسط دخل مين ؟؟؟
    متوسط دخل الفرد في الاردن500$ في احسان الأحوال

  • 8 عابر سبيل 03-09-2011 | 03:16 PM

    هذا التقرير لا يمت إلى الحقيقة بصلة

  • 9 الحميدي 03-09-2011 | 03:16 PM

    بس بلاش

  • 10 سلطان 03-09-2011 | 03:16 PM

    يعني في حد في الاردن بصدق هذا ... اذا راح اخذ رواتب مدراء البنوك التي تمتص دم الناس هذا شىء ثان

    اكبر موظف في الدولة راتبه ما بزيد عن 650 دينار تحياتي ...

  • 11 يا حسرتي بنقراء وما بنشوف 03-09-2011 | 03:18 PM

    مين عامل هالاحصائية يعني انا تحت تحت تحت خط الفقر بال 300 دينار وبعدين قديش في معلم في الاردن ان طار راتبة بوصل 400 دينار يبدو ان الدراسة معمولة في منطقة معينه في عمان ، واحنا بنطلب وظيفة على بيت كوم على امل انلاقي وظائف بهالرواتب العالية والله كذب

  • 12 03-09-2011 | 03:18 PM

    الدراسة غلط اتخن شنب بالاردن بالوضع العادي ما دوب يحصل 1000 دينار

  • 13 ابن اربد 03-09-2011 | 03:24 PM

    اذا هيك بدي اترك الغربه وارجع اشتغل بالاردن

    هههههههههه

  • 14 علي الزعبي 03-09-2011 | 03:25 PM

    على مين ... دراسة فاشلة

  • 15 03-09-2011 | 03:26 PM

    الاردن عام 2050

  • 16 كركي 03-09-2011 | 03:27 PM

    من وين بجيبوا هل الحكي .....

  • 17 محلل اقتصادي 03-09-2011 | 03:32 PM

    للتوضيح بالسنه وليس بالشهر المقصود .

  • 18 جمال 03-09-2011 | 03:33 PM

    اعتقد ان الدراسة اخذت من طلبات التوظيف التي يقدمها الاردنيون الى الامارات ودول الخليج والتي يفصح فيها طالب التوظيف ان راتبه الذي يتقاضاه في بلده هو الف دولار تقريبا لكي يصار الى احتساب راتب اعلى اذا ما قبل في وظيفة الخيج.

    اذا اخذنا اعلى راتب لمعلمي وزارة التربية والتعليم واخذنا عددهم ايضا فان متوسط الرواتب في الاردن اعتقد انه لا يتجاوز 750 دينار .

  • 19 ابن الاردن 03-09-2011 | 03:34 PM

    همه خربطوا قصدهم 15 دولار..

  • 20 العبادي 03-09-2011 | 03:35 PM

    اكيد اكيد بالاردن , طيب وين ؟
    شو هالدراسة....
    الا اذا كان بالسنة ساعتها صح

  • 21 من ما 03-09-2011 | 03:39 PM

    الدراسه صحيحه ولا عليها غبار .. لكن لم يقولوا بان 5% راتبه 100000 دينار أو أكثر بالشهر.... و5% راتبه 50000 دينار او أكثر
    و1% راتبه 20000دينار أو اكثر كله بالشهر ... و1% 10000 دينار أو اكثر بالشهر ..وحوالي 5% راتبه 1500- 3000 دينار بالشهر .

    وبقية الشعب راتبه دون 300 دينار اي حوالي 84% هيك الدراسه صحيحه 100% لاتنسوا ان هناك اقل من 05,% راتبه يتعدى المليون نعم 100000 دينار شهرايا .

    وشكرا

  • 22 me 03-09-2011 | 03:39 PM

    noway...impossible in jordan u can see the abject poverty

  • 23 نوفان 03-09-2011 | 03:40 PM

    هاد شكلهم مخربطين بين عُمان وعمان بالله يا عمون فهميهم غلطهم بلاش الحكومة تروح تصدق وترفع الضرائب

  • 24 المناصير 03-09-2011 | 03:43 PM

    عمون رجاء اما ان تضعي خبر اكيد يا اما لا تضعي الخبر نهائيا لانه دليل على عدم مصداقية الموقع وشكرا.........

  • 25 احمد فتحي 03-09-2011 | 03:46 PM

    هههه انا في السعودية راتبي 1300 دينار بعد خبرة عشر سنوات ويادوب قادر اعيش فيهم و اذا ارجعت عمان اذا لقيت شغل ب 300 بكون كويس الحكومة بتحب هيك اخبار اكيد هلا هذا الخبر وزعوه على كل المسؤولين علشان يحكوا شايفين وضع الناس ممتاز اعملوا ضرايب زياده

  • 26 تلميذ صالح العرموطي مادبا 03-09-2011 | 03:51 PM

    لما ابوي يطلع من القبر يتحسن راتب الموظفين ودنا عشرين بير بترول ما يلحقن على الفاسدين اعطو الي عمل الدراسه حبه خليه يصحا من وجع راسه٠

  • 27 اردني حر 03-09-2011 | 03:52 PM

    ... يريدون سرقة لقمة العيش من فم موظفي الهيئات المستقله التي لايتجاوز متوسط رواتب موظفيها ال250 دينار وكانهم هم سبب السرقات خافوا الله يا حكومه ولاتعتدوا على ارزاق الناس روحوا رجعوا اموال الاردن المنهوبة من الفاسدين واللصوص ولاتجعلوا المواطن البسيط يدفع الثمن

  • 28 دعاس 03-09-2011 | 03:52 PM

    سيبونا من الحكي الفاضي شو احنا هبايل لنصدق؟ هينا عايشين بالاردن وشايفين بدك 100 واسطة لتوخد ال300

  • 29 معن أبو النمر 03-09-2011 | 03:58 PM

    هههههههة حلوة بس لا تعيدها

  • 30 هذه الدراسه غير عادله 03-09-2011 | 04:00 PM

    هذه الدراسه ربما تكون صحيحة لكنها غير عادلة
    عندما يدمجوا الذي يتقاضى راتب 100000 مع الشخص الذي دخله 300 دينار تكون الدراسه غير عادله

  • 31 مجنون 03-09-2011 | 04:01 PM

    إسمع هالحكي
    ...

  • 32 محمود 03-09-2011 | 04:03 PM

    حسبي الله ونعم الوكيل

  • 33 رامي وافي 03-09-2011 | 04:04 PM

    الدراسة منطقية وصحيحة ولا غبار عليها لما يكون بعض الموظفين يتقاضا 100000 دينار والاخر 75000 والاخر 50000 والبعض 30000 والغالبية العظمى اقل من 350 دينار الدراسة صحيحة

  • 34 غير وبدل شهريا 03-09-2011 | 04:06 PM

    للبيع
    لادا سمارا
    موديل 1991
    بحالة جيدة جدا
    السعر المطلوب نصف راتب الشاري

  • 35 ههههههه لا صحيح 03-09-2011 | 04:06 PM

    أكيد مش بالأردن أكيد مخربطين بينا وبين اليابان ! !

  • 36 مهندس 03-09-2011 | 04:08 PM

    نتمنى من بيت دت كوم شرح الطريقة المتبعة للدراسة

    المهندس في الأردن الذي يعمل مع قطاع خاص،يبدأ ب 300 دينار علما أن الحد الأدني هو 450 من النقابة وتأتي زيادة سنوية بقيمة 70-100 دينار

    وقد رأينا في الشركات النصف حكومية كيف أن رواتب أولاد الذوات من 1500 دينار وطالع ، فاذا المعدل سليم

    أما الوجه الآخر،تجد أن غالبية مهندسي الاردن من شباب وكهول هم بالخليج ، ويوجد نقص الآن داخل الأردن،لماذا يا ترى؟

    لماذا؟لأن العطاءات تنهال بقدرة قادر على شركات بعينها،ومن ثم تفيح رائحة المشروع ....ولا من حسيب ولا من رقيب،لان الشركات المتهمة هي ملك لحيتان، والمهندس يعمل براتب بخس هنالك

    دول الخليج حماها الله لانها أنقذت مهندسي الاردن، مع العلم رواتب الخليج للمهندس هي من 1500 الى 2000 دينار لمتوسطي الخبرة،وهي راتب قليل بالخلبج، لكن أقلها:في شغل

  • 37 علي المدلل من اربد 03-09-2011 | 04:13 PM

    أنا بعرف إنه فيه كذبة نيسان بس
    أول مرة بعرف إنه في كمان كذبة أيلول

  • 38 خالد المصري 03-09-2011 | 04:13 PM

    الدراسة قريبة جداً من الواقع فمتوسط الراتب الشهري للوظائف موضوع الدراسة قد تزيد عن هذا الحد كثيرًا وخاصة في الشركات الكبيرة وبعض البنوك وبعض المؤسسات الحكومية المستقلة والوظائف التي شملتها الدراسة هي "المبيعات وهندسة المشاريع والمحاسبة والتقنية والشؤون المالية والخدمات الإدارية والموارد البشرية وخدمة العملاء والتسويق والسكرتارية والتصميم والإبداع والمشتريات والخدمات اللوجستية والتحكم بالجودة والخدمات المساندة والتعليم والتدريب ومواصفات السلامة والطب والقانون والأبحاث والتطوير".

  • 39 مهتم 03-09-2011 | 04:15 PM

    استغرب تماما هذه النتيجة التي توصلت لها الدراسة - مثل العديد من الدراسات التي لا تكون قريبة من الواقع ويتم اجراؤها دون اليات صحيحة- النتيجة خطا تماما ويجب ان يتم تصحيح المعلومات

  • 40 مكشرة ابصر ليش 03-09-2011 | 04:23 PM

    كخخخخخخخخخخخخخخخخخ ههههههههههههههه كخخخخخخخخخخخ ضحكتوني و انا مش جاي عبالي اضحك كخخخخخخخخ

  • 41 أحمد عمر ضمرة 03-09-2011 | 04:25 PM

    هذه الدراسة معيبة لأنها أستخفاف بعقول الأردنيين ,,لا أدري هل هذه الدراسة هي امنيات صاحب هذه الدراسة لمعدل رواتب الأردنيين لعام 3000 أم هي محاولة لوقف المساعدات الدولية و الاقليمية و العربية للأردن ,,فبمجرد أطلاع هذه الدول المانحة للمساعدات على هذه معدل الرواتب في الأردن التي تفوق الرواتب في بعض الدول الخليجية و الأوروبية ستقف هذه المعونات رأسآ,,فلنتق الله في انفسنا و في هذا الشعب يا صاحب الدراسة الموقر

  • 42 أحمد عمر ضمرة 03-09-2011 | 04:28 PM

    هذه الدراسة معيبة لأنها أستخفاف بعقول الأردنيين ,,لا أدري هل هذه الدراسة هي امنيات صاحب هذه الدراسة لمعدل رواتب الأردنيين لعام 3000 أم هي محاولة لوقف المساعدات الدولية و الاقليمية و العربية للأردن ,,فبمجرد أطلاع هذه الدول المانحة للمساعدات على هذه معدل الرواتب في الأردن التي تفوق الرواتب في بعض الدول الخليجية و الأوروبية ستقف هذه المعونات رأسآ,,فلنتق الله في انفسنا و في هذا الشعب يا صاحب الدراسة الموقر

  • 43 هههههه هههههه هههههه 03-09-2011 | 04:34 PM

    اذا كان هنالك 100 الف معلم رواتبهم 300 دينار
    فكيف قفز المتوسط الى ...........
    ..
    شـــــــــــــــــــــــــــــئ عجيب

  • 44 03-09-2011 | 04:35 PM

    ما في منه هالحكي شكلهم مش سالين ولا مواطن اردني من راتبه ...شكلهم سالين المصاروه وبالجنيه المصري

  • 45 طفيلي 03-09-2011 | 04:39 PM

    نعم نتيجة الدراسه 100% الشباب في المسيرات /الطفيله
    كل واحد على جنبه 2 خلوي وبجيبته باكيت دخان والثاني في ايده .... والفقراء يسكنون في بيوت ... ويتقاضون 180 دينار غير شغله الخاص ....والآن نسمي هذه الاسكانات .حي .......احمدوا ربكم واشكروه....

  • 46 مهند البيايضه 03-09-2011 | 04:48 PM

    يااخوان ليش هالكذب حرام زي كذبت المره الي فاتت كل الاردنين عندهم مصدر دخل ثاني شو هل دراسات هاي مش في الاردن

  • 47 ابن البلقاء 03-09-2011 | 04:48 PM

    انا الي موظف 5 سنوات وراتبي وبدل التنقلات 284 دينار لا غير واتمنى راتبي يصل 500 مش 1500 حسبي الله ونعم الوكيل

  • 48 حامد العبادي 03-09-2011 | 04:49 PM

    مجنون يحكي وعاقل يسمع!

  • 49 حامد العبادي 03-09-2011 | 04:49 PM

    مجنون يحكي وعاقل يسمع!

  • 50 ابن البلقاء 03-09-2011 | 04:52 PM

    انا الي موظف 5 سنوات وحاصل على بكالوريوس ادارة اعمال وراتبي وبدل التنقلات 284 دينار لا غير واتمنى راتبي يصل 500 مش 1500 حسبي الله ونعم الوكيل

  • 51 طفيلي منفعل 03-09-2011 | 04:53 PM

    فقط للتصحيح قصدهم 1500 دولار في السنة مش بالشهر نأسف عن هذا الخطأ.

  • 52 دانيه المجالي 03-09-2011 | 05:06 PM

    مجنون يحكي وعاقل يسمع :(
    واذا كان صحيح شكلو عاملينها الدراسه على النواب الوزراء ورجال الدوله ورجال العمال بس هيك تفسر

  • 53 مظلوم بالبنك 03-09-2011 | 05:07 PM

    ازا انا في بنك الي انا فيو راتب كل الدائرة لا يتجاوز 7000 دينار وعددنا 50 شخص ممممممممممممم احسن بنك طبعا اعرفتوا

  • 54 Salaries 03-09-2011 | 05:07 PM

    يجب عمل دراسة اكثر دقة من هذة الدراسة اعتقد انة لو اخذت عينة بشرائح لوجدت ان هذة النتيجة لن تكون بهذا الشكل مثلا 1000 مواطن رواتب عالية جدا قد يؤثروا على نتيجة الدراسة . سؤال هل يوجد في المملكة معلم يتقاضا راتب 1500 دولار شهريا

  • 55 مواطن 03-09-2011 | 05:08 PM

    نصيحة ل بيت دوت كوم تتعاون مع مركز الدراسات الاستراتيجية في الجامعة لانه هذا المركز مشهور بالاستطلاعات التي تأتي نتائجهاحسب مزاج ... لهذه الدراسات!!!!

  • 56 مروان 03-09-2011 | 05:10 PM

    اكيد في السنه مو بالشهر

  • 57 مروان 03-09-2011 | 05:10 PM

    اكيد في السنه مو بالشهر

  • 58 موظف سابق في بيت . كوم 03-09-2011 | 05:11 PM

    الى الجميع

    الموقع الذكور هو بيت . كوم و في خدمة استطلاع للرأي يعني انت لما تقدم لوظيفة ما في الموقع راح تظهر بيانات هذا الاستطلاع لصاحب العمل بس كلشي بحقوا , و لاننا شعب بنحب الفنجرة بنحط رواتبنا فوق يعني ابو ال500 بحط 1200 و هكذا

    من ناحية اخرى لا يوجد ضمانة لهذه الارقام لانها غير موثقة , و الدليل قارنوها مع الوضع القائم عنا

    و سلامتكم

  • 59 ح 03-09-2011 | 05:16 PM

    ..
    قاعدين بندور على وظيفه ب300دينار واحمل ماجستير ومش ملاقي

  • 60 ؟؟؟؟؟؟؟؟؟؟؟؟؟؟ 03-09-2011 | 05:21 PM

    بس حاب اسال مين المحترم الي بفهم الي عمل الاستطلاع هذا اكيد من موجود في الاردن او انه كتبه من راسه يا شيخ ارحم نفسك من الكذب والهبل
    الله يعين ...

  • 61 رياضيات 03-09-2011 | 05:22 PM

    للمشككين اعتقد ان هذه الدراسة صحيحة وذلك لارتفاع رواتب البعض (المميز.....!!!!) بشكل خرافي مع انخفاض رواتب الشعب وبذلك يكون المتوسط 1500 دينار.

    مثال :
    راتب موظف مميز 14000 دينار
    راتب موظفين عدد 9 (110 دينار لكل موظف)

    متوسط الراتب (14000+110*9)/10
    = 1500 دينار (تقريبا)

  • 62 حسنين 03-09-2011 | 05:28 PM

    هراء

  • 63 طفيلي 03-09-2011 | 05:29 PM

    لازم تكون حملت الماجستير وانت بتشتغل......فاذا جبتهن مع بعض معناته ...........من الهند .........

  • 64 انشري يا عمون 03-09-2011 | 05:31 PM

    طبعا و التقارير هاي بتطلع.. اكيد .... و الحال في الواقع غير الحال حسبي الله عليكو بس

  • 65 متوسط الرواتب و ليس معدل الرواتب 03-09-2011 | 05:44 PM

    بالفعل كلام صحيح. لأنهم يتكلموا عن متوسط الرواتب و ليس معدل الرواتب. هناك لا يقل عن 5% رواتبهم فوق ال 15000 دينار فى الشهر و هناك 5% فوق ال 10000 دينار فى الشهر و هناك 5% فوق ال 5000 دينار و هناك 5% فوق ال 2000 دينار. هذه ال 15% من أصحاب الدخول العاليه هم من السياسين و الاقتصادين و التجار و رؤساء و مدراء المؤسسات الحكوميه و الشركات الخاصه الكبيره و رؤساء أعضاء المجالس و أعضائها و شركات الاتصالات أمثال أورنج. لكن معدل الرواتب فستجد أن 50% أقل من 400 دينار و 20% من 400 إلى 800 دينار و 10% من 800 إلى 1200 دينار و 5% من 1200 إلى 2000 دينار. لذلك فإن معدل الرواتب التى أقل من 800 دينار هي 70% و هذا يعتبر فى علم الاقتصاد و باللغه البسيطه جدا جدا سرقه الشعب الاردنى عينى عينك

  • 66 نسيبه 03-09-2011 | 05:55 PM

    ‎[1500 ]
    رقم من أربع منازل !
    آحاد و عشرات و مئات و ألوف ، شكلهم أخدوا الألوف و تركولنا الباقي !

  • 67 عبدالله القضاه 03-09-2011 | 05:57 PM

    هذا معدل دخل الفرد في السنة يعني دخل الفرد في الشهر 125 دولار (89 دينار) . ومع ذلك هذا مش واقعي
    فلو قمنا بتقسيم الدخل علي عدد افراد الاسرة رح يكون بمعدل 50 دينار شهريا مع العلم ان هناك تفاوت كبير بالدخل بين الموظفين وغيرهم .

  • 68 دراسة ناقصة 03-09-2011 | 06:10 PM

    يمكن هذه الدراسة عملت على موظفي الهيئات ونسبوا باقي المواطنين

  • 69 Ibra 03-09-2011 | 06:12 PM

    يا عمي مزبوطه الحسبه ...هم جمعوا اللي بياخدج 15,000 $ واللي بياخد 300$ وطلع المتوسط 1500$ بس هاد بيل انه الرواتب يا اما فووووووووووق وبالعلالي لاصحاب الواسطات والمعارف او مسخوط للناس العاديين .....قال 1500$ هههههههههههه حاسس حالي مو بالبلد لعنة الله على هيك دراسه

  • 70 محمد المعاني 03-09-2011 | 06:14 PM

    لم نتعود ......لان غالبية الشعب الاردني ترزح تحت خط الفقر

  • 71 مزحة --صح؟؟؟ 03-09-2011 | 06:16 PM

    اكيد بمزحوا على تالي هالعيد, أي أني والحرمة والولد الكبير ما لحقناش 1000 نيرة, اي قول غيرها, يا حسرتي. لد لد شيف إنه شيف اخذ الفرحة منه---مع الإعتذار لولد العم متعب.......

  • 72 sameer 03-09-2011 | 06:18 PM

    ليش مستغربين ممكن الواحد يوصل هذا الدخل اذا باع مبادئه واسس الحياة الشريفة اهلين 1500 S;

  • 73 ؟؟!!؟؟ 03-09-2011 | 06:19 PM

    هههههههههههه هاد أكيد عندنا؟؟ أكيد بتمزحو؟؟؟ لالا جد دراسة ....

  • 74 احمد 03-09-2011 | 06:19 PM

    والكو اتقوا الله بهالشعب المسكين ... واتركوه بحاله.

  • 75 ؟؟!!؟؟ 03-09-2011 | 06:19 PM

    هههههههههههه هاد أكيد عندنا؟؟ أكيد بتمزحو؟؟؟ لالا جد دراسة فاشلة ......

  • 76 pl1 03-09-2011 | 06:20 PM

    هههههههههههه هاد أكيد عندنا؟؟ أكيد بتمزحو؟؟؟ لالا جد دراسة فاشلة

  • 77 Abu Rashed 03-09-2011 | 06:22 PM

    This study is 100% not acurate at all . It is far way from truth, the one who prepared this study is totlay ..

  • 78 طبيب 03-09-2011 | 06:25 PM

    شو هالمسخره هاي اذا راتب الطبيب لا يتجاوز ال 500 دولار بالشهر من وين جابو ال 1500 ما بعرف؟!!!!!!
    وصلت المرحله انه يكذبو علينا بوجوهنا ما بقول غير حسبي الله ونعم الوكيل

  • 79 Maher 03-09-2011 | 06:32 PM

    لو كلامكم صحيح كان ما تغربنا هاي اولا
    ثانيا لما بتعملو دراسه على متوسط الرواتب احسبوها على عامه الشعب مش يدخلو الناس الي رواتبهم 5000 - 10000 دولار شهري في الاحصايئة عشان يرفعو المتوسط تبع الرواتب
    سيبوكو من القصص هاي مشانووووووووا الله

  • 80 طايع 03-09-2011 | 06:38 PM

    دراسة .......

  • 81 اربداوي 03-09-2011 | 06:40 PM

    الدراسة اكيد غير صحيحه الا اذا اعتمدت رواتب المغتربيين الاردنيين في الخليج على انهم مقيميين في الاردن!

  • 82 فادي صيام 03-09-2011 | 06:40 PM

    انا محاسب بشركة وعندي 560 موظف ومتوسط الراتب الشهري 430.00 دينار والحد الادني للرواتب 240.00 دينار شهريا

    ممكن اعرف كيف صار 1500.00 دولار

  • 83 طلال 03-09-2011 | 06:41 PM

    الخبر اكيد بس الرواتب الخيليه اضاعت الحقيقه اللي بتخلي الواحد .....

  • 84 دراسه 03-09-2011 | 06:49 PM

    يا اخوان هاي الدراسه في السنه وليس في الشهر

  • 85 دراسه 03-09-2011 | 06:49 PM

    يا اخوان هاي الدراسه في السنه وليس في الشهر

  • 86 رجل مهم 03-09-2011 | 06:51 PM

    ... بالاحصائيه والي ... لانها بدعه على المواطن الاردني
    1- كم عامل بالقوات المسلحه والاجهزه الامنيه لا يتجاوز راتبه 350الى 400 دينار وكم معلم ومعلمه بنفس الوضع والراتب وكم عامل بلديه راتبه لا يتجاوز 300دينار وكم مؤسسه في القطاع الحكومي بنفس المعايير ونفس الرواتب تقريبا
    2-اذا كان متوسط حساب الدخل حوالي 1500 دولار فقد تم احتساب دخل منتفعوا التنميه الاجمتاعيه ودخل عمال المصانع الذي لايتجاوز دخله 150دولار علما بان بعض منتفعوا التنميه الذي ياخذ مبلغ 50و 40دينار شهريا بالاضافه الى احتساب رواتب الاعيان والوزراء والنواب وكبار المسؤلين في قطاعات الدوله
    3- حسبي الله ونعم الوكيل .........ناقصنا افلام على دخل المواطن

  • 87 نضره للمستقبل 03-09-2011 | 06:56 PM

    يا اخوان هذا الحكي صحيح 100% بس مش السنه سنه 2050

  • 88 abdelrazzaq 03-09-2011 | 06:57 PM

    انا معك قلبا و قالبا اخ ماهر ,,, لو هالحكي مزبوط ما تغربنا

  • 89 طفيلي 03-09-2011 | 06:58 PM

    نفسي اعرف على اي اساس عملوا الدراسة هاي

  • 90 انشري ياعموون 03-09-2011 | 07:01 PM

    يا اخوان هاي الدراسة صحيحه 100% والي بيقرأالخبر بحكي متوسط الرواتب هذا يعني جابو الناس المحترمة الي رواتبها بالشهر من 1000 - 4000 دينار مع الناس الي مش محترمة الي رواتبها اقل من 500 دينار بالشهر طلع المتوسط تبع الرواتب 1050 دينار بالشهر مزبوط
    بس الي بفهم الموضوع صح هاد الكلام بدل انو في ناس محترمة كثير رواتبها كمان محترمة

  • 91 فران 03-09-2011 | 07:02 PM

    مزبوط اذا بتقسم السرقات على الشعب هيك بطلع الراتب .. بس هم ناسيين يذكروا انو في 750 دينار بدل سرقة

  • 92 مواطنة 03-09-2011 | 07:02 PM

    السؤال المهم على مين اجريت الدراسة ؟انا مهندسة لي 15 سنة بشتغل راتبي 650 دينار ... الله اعلم شو في بعد هالدراسة ، يمكن لازم يخففوا الرواتب لانا بهذه الدراسة اصبحنا من اصحاب الدخل المرتفع

  • 93 03-09-2011 | 07:04 PM

    1500 دينار ولا بريزة .. هو الدينار بكم بريزة ؟

  • 94 مش حكي هاد 03-09-2011 | 07:09 PM

    عشان هيك انا قاعد بشتغل ف السعودية ب 700 دينار ومدير و في شركة كبيرة والله حرااااااااام

  • 95 brjas 03-09-2011 | 07:11 PM

    عمون بدي اسأل سؤال مهم ..
    هذه الدراسة او التقرير الى اي عام؟؟
    يعني ممكن انهم بتنبئوا او بنجموا انه بعام 2100 يمكن يصير متوسط دخل الفرد 1500 $
    الحمد الله على كل شئ

  • 96 اردني كح 03-09-2011 | 07:11 PM

    اجيت من العمره والله ...

  • 97 عبدالله 03-09-2011 | 07:14 PM

    إحنا فعلا شعب ما بقرأ.... ولكو كاتبين بشكل واضح انو: وتضم هذه الوظائف المتخصصة: المبيعات وهندسة المشاريع والمحاسبة والتقنية... الخ.... والحكي معنى انو المدرسيين والوظائف الحكومية كلها مش داخلة في الدراسة.... من شان الله انتبهوا للمكتوب قبل متبلشوا تتفلسفوا!!!

  • 98 عبدالله 03-09-2011 | 07:14 PM

    إحنا فعلا شعب ما بقرأ.... ولكو كاتبين بشكل واضح انو: وتضم هذه الوظائف المتخصصة: المبيعات وهندسة المشاريع والمحاسبة والتقنية... الخ.... والحكي معنى انو المدرسيين والوظائف الحكومية كلها مش داخلة في الدراسة.... من شان الله انتبهوا للمكتوب قبل متبلشوا تتفلسفوا!!!

  • 99 عفاري saleh 03-09-2011 | 07:23 PM

    ليش مستغربين
    100 وزيريساوي300000راتبهم+200مدير عام يساوي600000+5000موظف يساوي150000
    يعني53000يساوي10005000 وهيك تمام
    معادله سهله
    ......

  • 100 مطلع 03-09-2011 | 07:29 PM

    شكها الشركة الي عملت الدراسة مخربطه. شكلهم بدهم يوصلو ان الشعب شبعان. أنا بعرف دراسات كثيرة يقوم بها اصحابها وهم جالسون امام المبيوتر أو يعطون بعض المعطيات للأحصائي ويقوم الاحصائي بكل ما يريد. اذا بده 100 دولار بطلع واذا بده 1500 بطلع. شو بدي أقول هذه الدراسة كلها كذب في كذب.
    للعلم أنا دكتور في الجامعة اردنية مع خبر 10 سنوات. راتبي الشهري لا يتجاوز ال 1500 دولار المزعومة. اي شي غاد. قولت ابو عواد.

  • 101 مطلع 03-09-2011 | 07:29 PM

    شكها الشركة الي عملت الدراسة مخربطه. شكلهم بدهم يوصلو ان الشعب شبعان. أنا بعرف دراسات كثيرة يقوم بها اصحابها وهم جالسون امام المبيوتر أو يعطون بعض المعطيات للأحصائي ويقوم الاحصائي بكل ما يريد. اذا بده 100 دولار بطلع واذا بده 1500 بطلع. شو بدي أقول هذه الدراسة كلها كذب في كذب.
    للعلم أنا دكتور في الجامعة اردنية مع خبر 10 سنوات. راتبي الشهري لا يتجاوز ال 1500 دولار المزعومة. اي شي غاد. قولت ابو عواد.

  • 102 زرقاوي 03-09-2011 | 07:38 PM

    بجوز قصدهم العائلة المكونة من 5 شباب بتشتغلو ، وبعيشو بنفس البيت هذا اولا؟؟
    المتوسط الحسابي لهيك احصائيات غير صحيح ولا يعكس الواقع، يعني ممكن يكون شخص راتبه 30 الف دينار شهري وتسع اشخاص دخلهم 200 دينار يكون متوسط الرواتب تقريبا 3180 دينار

  • 103 هشام 03-09-2011 | 07:51 PM

    اكيد الدراسة بعد الاندماج الى مجلس التعاون الخليجي...

  • 104 شعبان تحت الصفر 03-09-2011 | 08:24 PM

    هو القرنان بيكدب ؟؟!!! مدام بيقولو 1500$ معناته 1500 دولار

    احنا حنفهم اكتر من الحكومة...

  • 105 هههههه 03-09-2011 | 08:33 PM

    مين....الي حكالكم

  • 106 الأمير خصيب 03-09-2011 | 08:40 PM

    عجيب! أنا موظف كبير (في قطاع الموظفين) ولا أدري كيف يمكن أن يصل المتوسط إلى هذا الرقمَ! إلا إذا كان يتكلمون عن كبار الموظفين الذين يحتكون يآلة صنع الدينار!، بالمناسبة أنا دخلي أكثر من هيك، بس أستاذ جامعي من أكثر من عشرين سنة.. لكني أعرف دخول الموظفين وأعرف احتيال الجهات المالية حتى على رواتبهم التي لا تصل إلى 450 دولاراً في أحسن احوالهم، ويادوبك عايشين، وروحوا شوفوا المعلمين كيف يركضون وراء لقمة الخبز من بيت لبيت، وغيره الله لا يسامح هيك دراسة، أظن الأمر يتعلق بدولة خليجية أو بعُمان مثلاً

  • 107 انا اول مرة بكتب تعليق لاني مو قادر اسكت 03-09-2011 | 08:57 PM

    انا ما بتوقع انه التقرير مزبوط

  • 108 عثمان الصمادي 03-09-2011 | 09:04 PM

    اكيد عملوا الدراسة على موظفي الديوان وموظفي مكاتب الوزراء الذين تتجاوز رواتبهم اضعاف هذا المبلغ ولا عجب في ذلك
    والله استهجن هذا التقرير الذي اغفل ان رواتب المؤسسات والهيئات المستقله وعددهم 31000 تفوق رواتبهم كل موظفي الدولة اكيد عملوا الدراسة عليهم .

  • 109 مادبي 03-09-2011 | 09:13 PM

    نفسي يصل راتبي للمتوسط

  • 110 متقاعد 03-09-2011 | 09:28 PM

    دراسة صحيحه بالنسبه للشريحه اللي ذكروها يعني الدراسه أستثني منها العسكريين والمعلمين والمتقاعدين العسكريين والمدنيين وموضفي المياومات والفئه الرابعه واللي على حساب المكافئات وعمال ورش الميكانيك وووو... وإللي نشكلوا أعلى نسبه ممن يتقاضون الدخول والرواتب ولا ننسى العاطلين عن العمل والطلاب على مقاعد الدراسه... يعني الدراسه طالت مانسبته 10-15% من المواطنين والذين معظمهم من اصحاب الدخول المرتفعه...

  • 111 03-09-2011 | 09:33 PM

    مساعدات وقروض غربية

  • 112 عشنا وشفنا 03-09-2011 | 09:59 PM

    ....... اللي عمل هالدراسة رحت ما اصدقه وارجع اشتغل بالاردن

  • 113 الى متى ......... 03-09-2011 | 09:59 PM

    ههههههههههههههههههههههههههه
    والله ضحكتني ؟؟؟؟؟؟؟؟؟؟
    مين حكالك هيك
    يا زلمة وحد الله

  • 114 Siramer1 03-09-2011 | 10:20 PM

    متوسط مين يا معلمين؟ شكلو هذا متوسط رواتب سكرتيرات المدراء التنفيذيين ... ذوات المؤهلات العلمية البارزة ..

  • 115 03-09-2011 | 10:28 PM

    دراســـــــــــــه
    على مين والناس نايمـــــــــــــــن

  • 116 مواطن اردني 03-09-2011 | 10:44 PM

    شو هالتقرير...هذا.......؟؟؟؟؟؟؟

    صارلنا عشر سنين بنشتغل وصل راتبنا 500 دينار

  • 117 اردني حر 03-09-2011 | 10:58 PM

    بلاش تحكو هالحكي حتى ما يصيبونا الناس بالعين؟؟؟؟؟؟؟
    واله الي عمل هالدراسه شكله عايش بالمريخ ؟؟؟؟؟ او انه ابن وزير او ابن حوت من الحيتان ؟؟؟ خايف يصير معنا جنان

  • 118 غريب 03-09-2011 | 11:03 PM

    ماشاء الله على.......

  • 119 03-09-2011 | 11:05 PM

    يا جماعة الخير لاتسيئوا الفهم قصدهم ببركتهم بساوو 1500 دولار والله اعلم

  • 120 وحيد الحصان 03-09-2011 | 11:13 PM

    اتمنى من كل من يعلق ان يكتب وظيفته وراتبه00000
    انا مدير مالي راتبي 650 دينار

  • 121 03-09-2011 | 11:13 PM

    اكيد في غلط
    500$ متوسط الرواتب وليس كما قلتم .

  • 122 مهندس مجدى 03-09-2011 | 11:14 PM

    هذه الدراسه من أجل الانضمام إلى مجلس التعاون الخليجى و هذه هي إحدى الشروط المطلوبه, أن تكون رواتبنا المتوسطه عاليه حتى لا يهاجر كل الشعب الاردنى إلى الخليج و تصبح الاردن خاليه.....

  • 123 الى 113 03-09-2011 | 11:20 PM

    راتبك 500 دينار ! غني بعبك ! انا بشتغل من 15 سنة وراتبي 350

  • 124 عباس 03-09-2011 | 11:33 PM

    انا محاسب وعندي خيرة اكثر من عشرين سنة راتبي لا يتجاوز 700 دينار

  • 125 مصدق 04-09-2011 | 12:04 AM

    صدقت وطحت عالصراف قلي الكمبيوتر انصرف من هون

  • 126 العربي المومني 04-09-2011 | 12:19 AM

    الحسبة صحيحة ، لما بتجيب واحد بوخذ راتب 40000 الف وبتجمعة مع عشرة باخذو كل واحد 100 دينار وبتقسم المجموع على 11 بطلع المعدل 1500 دولار.
    خافو الله في ناس بدور على الاكل بحاويات الزبالة

  • 127 ايمن الحنيطي 04-09-2011 | 12:25 AM

    دراسة غير موضوعية ابدا ،

  • 128 ايمن الحنيطي 04-09-2011 | 12:25 AM

    دراسة غير موضوعية ابدا ،

  • 129 اسامه 04-09-2011 | 01:23 AM

    مستحيل
    هذا الرقم غير منطقي ابداً

  • 130 04-09-2011 | 01:25 AM

    ما هي وحده من الثنتين.....يا اما هي مداعبه من الحكومه يا اما احنا بشهر نيسان....؟

  • 131 التعمري 04-09-2011 | 01:25 AM

    الدراسة خاطئة بكل تأكيد

    متوسط الرواتب بالأردن هو 1492 دولا وليس 1500 دولار شهريا ليش الافترا

    ..........

  • 132 محمد عربيات 04-09-2011 | 01:33 AM

    مره سئلوا مراسل كم راتبك اجاب انا والمدير العام 10200 دينار

  • 133 جابر 04-09-2011 | 01:39 AM

    ليش الافترا على الناس
    حسبي الله ونعم الوكيل

  • 134 واعجبي ؟؟ 04-09-2011 | 01:54 AM

    كيف يعني ؟؟؟؟؟؟؟؟؟؟؟؟؟؟؟؟؟؟
    الارقام في الدراسة تدل على الدقة !!!!!!

  • 135 كركي طفران 04-09-2011 | 02:27 AM

    ياناس ياعالم واحد يفهمني اللي بيحكوا عن الدخل المتوسط طبعا معهم واسطات.

    ليش ما بتحكوا عن دخل بقية الاردن يتراوح ما بين 200--350 دينار .والا كل يقيس على حاله.

  • 136 lost for ever 04-09-2011 | 02:52 AM

    الدراسة حقيقية لان راتب مديري 2750 دينار وراتبي 250 دينار فالمجموع 3000 دينار على 2 يساوي 1500 دينار متوسط راتبي وراتب مديري فهذا يعني انه جميع الدراسات التي تأخذ المتوسط الحسابى تصلح على القمر وليس على الارض

  • 137 خالدي 04-09-2011 | 09:24 AM

    ارحمونى والله لو راتبي بيوصل نصهم لروح من الغربه

  • 138 مواطن 04-09-2011 | 10:56 AM

    كيف زبطت معاكم اما دراسة من الأخر يعني الموظف ابن المسؤول راتبة 2500 دينار جمعتوه مع الموظف ابن التعبان 500 دينار وقسمتوهم على 2 هيك بيكون متوسط الرواتب 1500 دينار بسيطة جداً وشكراً ياحكومة

  • 139 فيعان 04-09-2011 | 11:29 AM

    يمكن قصدهم 1500 ريال هأوأو مرحبا دولارات
    صارلي من 76 بدور على شغل

  • 140 وبعدين ... 04-09-2011 | 12:14 PM

    الدراسه صحيحه 100 % لما يكون في رواتب في الاردن اكثر من 50000 دينار هذا الراتب راح يخلي معدل الدخل 1050 دينار ل 60 شخص يتقاضو 200 دينار

  • 141 يارب اصحى من النوم وهيك راتبي 04-09-2011 | 12:47 PM

    المشكلة ان الاكثرية في الاردن متعلمين ويعتبر الحاصل على البكالوريوس شيء اقل من عادي لان عدد الحاصلين على الدراسات العليا كبير نرجو من عمون عمل احصائية بين المعلقين عن دراستهم والراتب وطلعوا النتيجة

  • 142 متقاعد 04-09-2011 | 02:53 PM

    دراسة صحيحه بالنسبه للشريحه اللي ذكروها يعني الدراسه أستثني منها العسكريين والمعلمين والمتقاعدين العسكريين والمدنيين وموضفي المياومات والفئه الرابعه واللي على حساب المكافئات وعمال ورش الميكانيك وووو... وإللي نشكلوا أعلى نسبه ممن يتقاضون الدخول والرواتب ولا ننسى العاطلين عن العمل والطلاب على مقاعد الدراسه... يعني الدراسه طالت مانسبته 10-15% من المواطنين والذين معظمهم من اصحاب الدخول المرتفعه...

  • 143 متقاعد 04-09-2011 | 02:53 PM

    دراسة صحيحه بالنسبه للشريحه اللي ذكروها يعني الدراسه أستثني منها العسكريين والمعلمين والمتقاعدين العسكريين والمدنيين وموضفي المياومات والفئه الرابعه واللي على حساب المكافئات وعمال ورش الميكانيك وووو... وإللي نشكلوا أعلى نسبه ممن يتقاضون الدخول والرواتب ولا ننسى العاطلين عن العمل والطلاب على مقاعد الدراسه... يعني الدراسه طالت مانسبته 10-15% من المواطنين والذين معظمهم من اصحاب الدخول المرتفعه...

  • 144 منذر 04-09-2011 | 05:02 PM

    جت الحزينة تفرح ما لقت لط .... ها مطرح
    انا ورئيس الوزراء راتبنا اكثر من 5000 دينار
    هاهاهاهااهاهااهاهااها
    بخ

  • 145 مو مصدق معقول حلم ولا علم 04-09-2011 | 10:54 PM

    ما احنا معالي الشعب الاردني حتى يكون المتوسط رواتبنا 1000 دينار

  • 146 وائل 05-11-2013 | 03:18 AM

    احا احا لا تتنحى

  • 147 12-11-2016 | 08:25 PM

    انا عن نفسي صنايعي صاحب مهنه

    مفروض اكون انا باخظ هادا الدخل بس قسماااا بالله ما لحقت ثلاث ارباعه

    وين في جهات بتدفع هالرقم خلينا نروح انقدم للشغل


تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :

لا مانع من الاقتباس واعادة النشر شريطة ذكر المصدر عمون.الآراء والتعليقات المنشورة تعبر عن رأي أصحابها فقط - اقرأ ميثاقية شرف عمون

برمجة واستضافة

الموقع يعمل على سيرفرات يونكس هوست