facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الأكثر مشاهدة




اعتصام امام رئاسة الوزراء للمطالبة بعلاج زينة نصراوين ( شاهدوا الفيديو )


12-03-2011 04:46 PM

عمون – انس ضمرة – اعتصم ذوو الشابة زينة نصراوين وزميلاتها و مجموعة كبيرة من اعضاء الحراك الشبابي صباح الخميس امام مبنى رئاسة الوزراء لنصرة قضية "زينة" تحت شعار «لعيونك يا زينة» للنظر في قضية تمديد علاج زينة وصرف التأمين الصحي لها في المانيا.

ورفع المعتصمون يافطات تطح تساؤلات للحكومة هل يجب ان تكون زينة ابنة وزير لكي تحصل على حقها الكامل في التأمين الصحي ؟ "..

وأستذكر المعتصمون اقوال جلالة الملك في يافطاتهم حيث رفعوا يافطة تقول " من اقوال جلالة الملك : حقوق المواطن خط احمر ولن اتردد في حمايتها ، القانون يسود الجميع وكرامة المواطنن من كرامتي "...

وطالب ذوو زينة في اعتصامهم تدخل الحكومة لحل القضة وارجاع التأمين الصحي

وقال ذوو زينة ل عمون " نطالب بكرامة المواطن وعلاج زينة حالة وهناك الألاف يتعالجون بمثل زينة ونحن هنا نلفت انتباه رئاسة الوزراء للنظر بقضية زينة"، " نريد معرفة السبب الذي كان وراء الغاء العملية" ..

يشار الى ان زينة طالبة في الثانوية العامة 18 عام حصلت رغم اعاقتها الحركية باطرافها الاربعة على معدل 87 % في الفصل الاول وفق شقيقتها نسرين نصراوين..

وكانت لجنة المعالجة في الخارج والتي تضم ممثلين مستشارين من وزارة الصحة ومستشفى الجامعة والخدمات الطبية ونقابة الاطباء، قررت ارسال زينة الى المانيا لاجراء العملية لثلاث مرات واعطيت فترة علاج وتغطية تكاليف كاملة لمدة ثلاثة اسابيع .

الا ان ذات اللجنة قررت سحب كتاب التغطية المالية للعملية مع تاجيلها اكثر من مرة، حيث يعد قرارها قرار لجان عليا بارسالها للخارج للعلاج
.
شاهدوا فيديو الأعتصام ومقابلات مع ذوي زينة :







  • 1 وتستمر 12-03-2011 | 05:55 PM

    فعلا ....

  • 2 لا شماتة بس الامور زادة عن حدها 12-03-2011 | 05:58 PM

    كلهم طنطات شكلهم معتصمين عشان ارتفع سعر الجلكسي او الوكس

  • 3 عبد الله الخالد 12-03-2011 | 06:04 PM

    وما لها مستشفياتنا .. نحن نتعالج فيها ... ونشفى بإذن الله .

  • 4 يله ما هوه موديل نازل بالعالم 12-03-2011 | 06:05 PM

    انا معي صداع وكل ما اروح للصيدليه بلاقيها مسكره
    بكرا بدي اعمل اعتصام اذا ما لاقيت الصيدلية فاتحه

  • 5 احمد الطفيلي 12-03-2011 | 06:06 PM

    ان شاء الله بصير كل خير والله يشافيها ويعافيها يا رب

  • 6 أردنية 12-03-2011 | 06:14 PM

    عيب عليكم...البنت تعبانة كثير و مرضها نادر و شديد,ما بيتعالج في الأردن. الله يشفيها و يقوي أهلها.

  • 7 وانا شو ناقصني!!!!!!!!!!! 12-03-2011 | 06:17 PM

    بدي اعمل اعتصام بدنا بطيخ بلشتوية شو ناقصنا
    نريد بطيخ طول السنة
    حقوق المواطن خط احمر
    البطيخ من حق المواطن

  • 8 حجازين 12-03-2011 | 06:23 PM

    كل الدعم يا قرابة

  • 9 مواطن زهق من هيك شعب بطران 12-03-2011 | 06:29 PM

    الله وكيلكم صار الواحد اذا زعلت مرته منه بتروح مع عيلتها بيعملو اعتصام خلاص بقى استحو على حالكم
    والله يشفيها يا رب

  • 10 اردني مقهور 12-03-2011 | 06:31 PM

    حسبي الله ونعم الوكيل ...ويجب على الحكومة الحزم في مثل تلك الظروف ..كل واحد ودوا يسوي اعتصام على كيفوا>>>

  • 11 سما 12-03-2011 | 06:42 PM

    زينة زيها زي اي مواطن يتعالج على حساب التأمين الصحي وأكيد ما إلها علاج هون والا ما وافقوا بالبداية على علاجها خارج الأردن الله يشفيك يا زينة

  • 12 لا هيك زادت 12-03-2011 | 06:45 PM

    زودوتها والله صار أي حد بدو يحك اصبع رجلو يروح على رئاسة الوزراء ويتظاهر ويعتصم؟؟؟؟!!! يا حكومة وين ؟؟؟!!!

  • 13 مواطن 12-03-2011 | 06:48 PM

    الله إشافيكي يا رب

  • 14 اردني نشمي 12-03-2011 | 06:52 PM

    شكراً لمشاركتك اخ احمد ..... بينما الباقي مشاركاتكم ما الهم معنا لو الموضوع بخصكم ما بتحكو هيك

  • 15 كثير 12-03-2011 | 06:54 PM

    والله وكثير هيك
    كل ما طقع راح على الرابع
    والله اشي بيفلق

  • 16 psut 12-03-2011 | 06:56 PM

    أنا مع عدم معالجة زينة مثلها مثل باقي الناس
    ليش المانيا شو مافي طب في الاردن؟

  • 17 فتاه 12-03-2011 | 06:59 PM

    للرقم 1 و 2 لو انو ابنك او بنتك معها نفس مرض زينة لكان قومتو القيامة حرام عليكم الطب بالاردن مش متقدم متل برا للحالة الي متل زينة و الله التامين الصحي انعمل لهيك حالات مو للحالات الي ما بتستدعي اصلا السفر
    اتقوا الله و حسبي لله و نعم الوكيل فيكو

  • 18 sameer 12-03-2011 | 06:59 PM

    استحو على دمكو يا ناس .... لو بتقربلكو ما بتحكو هيك ....

  • 19 بنت الاردن 12-03-2011 | 07:04 PM

    يله ما هوه موديل نازل بالعالم

    انت نازال بتتفلسف و انت اصلن مش فاهم فخليك ساكت احسنلك

  • 20 ابن مادبا 12-03-2011 | 07:07 PM

    ليش مانشرتي ياعمون

  • 21 12-03-2011 | 07:26 PM

    لا يجب ان تكون ابنة وزير و لكن لها ان تأخذ حقها فقط و ليس حقها و حق غيرها ... العلاج الطبيعي موجود في الاردن و متوفر الخبراء ... يجب ان تعود بعد العملية لتحصل على العلاج الطبيعي في الاردن

  • 22 حدادين 12-03-2011 | 07:28 PM

    كل الدعم الي زينه واهلها وتستحق ان تعالج الملغ المطلوب يتم دفعه اضعاف بدل سكن لبعض المسؤولين من امثال رئيس اقليم العقبه وغيرهم

  • 23 اللوزي 12-03-2011 | 07:30 PM

    هذه بنت اردنيه رايحه تتعالج يطلعلها لانها ببتعالج مو رايحه تتسوق ويكفي انها اردنيه ابدى من كل شي الله يشافيها

  • 24 12-03-2011 | 07:34 PM

    والله انكم اللي علقتوا تعليقات سلبية كلكم نفسياتكم مريضة

  • 25 محمد فيضي 12-03-2011 | 07:38 PM

    سلمتها زينة و انشالله ترجعلنا من المانيا سالمة ...

  • 26 شفا بدران 12-03-2011 | 07:39 PM

    الله يشفيها بس في ناس اولى منها واحق منها

  • 27 DR AWH 12-03-2011 | 07:39 PM

    والله صارت كلها دكاترة و كلها تفهم

  • 28 12-03-2011 | 07:40 PM

    اللهم ارجعها الى اهلها بالسلامة

  • 29 منال 12-03-2011 | 07:40 PM

    الله يشفيها يارب

  • 30 منال 12-03-2011 | 07:40 PM

    الله يشفيها يارب

  • 31 الفيصل 12-03-2011 | 07:40 PM

    نتمنى ل زينه السلامه والشفاء العاجل .

    مئات الحالات التي تشبهه حالت زينه ولا تتلقى علاج في مستشفى البشير وليس في المانيا .

    المبلغ بعيش منه ثلاثة عائلات اردنيه 25 فرد وبنقلهم من تحت الارض الى عيشه كريمه ومستوره .

    على ذوي الاخت زينه التوجه الى أهل الخير وهم كثر .

  • 32 مواطن محايد 12-03-2011 | 07:42 PM

    والله يا جماعة ما بعرف شو بدي احكي بس طبعا اول شي الله يشفيكي يا زينة ثاني اشي عندي تعليق صغير هو كل واحد صارت عندو شغلة او مشكلة بدو يروح يعتصم والله هلحكومة مش عارف على شو بدها طوق ولا على شو ...والله هلبنت بالصورة لابسة لبس احسن مني وانتو يلي معتصمين ...

  • 33 اردني 12-03-2011 | 07:43 PM

    يجب على كل اردني الاعتصام والعلاج خارج الاردن

  • 34 جرشي 12-03-2011 | 07:44 PM

    على الاخت زينه التوجه الى أهل الخير ......

  • 35 مجرب... 12-03-2011 | 07:48 PM

    إذا طلع أن تقرير الدكتور الأردني خطاء فيجب محاسبته، الله يشفيها ويكون في عون أهلها ...

  • 36 هذا الفساد بعينه 12-03-2011 | 07:48 PM

    التعاطف بمقدرات الوطن فساد

  • 37 زينة 12-03-2011 | 08:18 PM

    سلامتك زينة اه لو تعرفي يا زينة قديش في ناس متلك شدي حيلك كلنا معك

  • 38 زعلان 12-03-2011 | 11:09 PM

    ...الله يشافي زينه لاهلها
    بس والله كثير زادت عن الحد

  • 39 واحد من الناس 12-03-2011 | 11:14 PM

    أنا مع الحق ان اي انسان في هذا الوطن يجب ان يحصل على العلاج وفق إمكانياتنا . ان العدالة في مفهومها الشامل هو عدم التمييز بين اي فرد من افراد هذه الارض حيث لا يمكن علاج انسان على حساب اخر ، ان تكلفة علاج زينة تكفي لتعليم عشرة اطباء في الخارج يعودون بعدها لعلاج الاف الحالات، انها تكفي لبناء مركز صحي كامل في المناطق المحرومة ، تكفي لتجهيز وتجديد وحدة متخصصة في اي مستشفى يعا لج عشرات الآلاف من المرضى ، انها تفوق بخمسة أضعاف ميزانية دائرة واحدة من اي مستشفى

  • 40 كركي 12-03-2011 | 11:28 PM

    تروحي وترجعي بالسلامة ...

  • 41 ابو احمد 13-03-2011 | 01:05 AM

    الله يشفيها ويرجعها الى اهلها بالسلامة وانشاللة الحكومة الاردنية وانا متاكد انه ما راح تتخلا عن علاجها.....

  • 42 الى رقم 2 13-03-2011 | 09:43 AM

    والله انك ما ...

  • 43 ابو دية 13-03-2011 | 09:45 AM

    خافوا ربكم يا بعض المعلقين ...تعليقات بعدين لازم كل مين بدو يعتصم لازم تكون ريحتة بتفطس ولابس ملابس ممزقة ووسخة ...؟؟؟؟؟؟؟؟؟سلامات يازينة

  • 44 امجد سلايطة 13-03-2011 | 10:18 AM

    زينة تعاني من مرض ليس من الصعب شفاؤه لو اتاحت لها الظروف المناسبةوالدعم المادي والمعنوي ولكن هنالك الكثير من الناس ويبدو ان من بينهم عدد من المعلقين يعانون من امراض تاريخية مزمنة ومن الصعب شفاؤها (العقل زينه)وسلامتك يا زينة

  • 45 الكرك 13-03-2011 | 10:32 AM

    في حالات كثير مثلها واكثر ولا يلتفت لهم احد لماذا التميز بين الناس

  • 46 معتز 13-03-2011 | 11:27 AM

    ....ابشري يا زينة ...

  • 47 كركي 13-03-2011 | 11:35 AM

    اللجنه العليا لا تلام لانها بدها توفر تكاليف ....

  • 48 bnt al ordon 13-03-2011 | 04:10 PM

    والله الي عندو تعليق غير انو تدعولها ...يخلي التعليق تيعو لحالو طيعا ما انتو يا دوب حاسين في حالكم م فاضين تفكرو في غيركم لو واحد منكم صار معو نفس الشي كان قومتو الدنيا و ما قعتوها
    -----------الله يشفيكي يا زينة كلنا معك و بنحبك و بندعيليك

  • 49 الزيادين 13-03-2011 | 04:13 PM

    الله يشفيكي يا رب

  • 50 الزيادين 13-03-2011 | 04:22 PM

    الله يشفيكي يا رب

  • 51 علا نصراوين 15-03-2011 | 01:29 PM

    انشالله ترجعي بالسلامة والاخوه أعلاه اللي مش عاجبهم بلاش يكتبوا تعليقات بايخة وعيب عيلهم , لان زينة مش رايحة زيارة ترفيهية
    ولو كان في الها علاج بالاردن ما اتحملت كل العذاب النفسي والجسدي

    سلامات يابنت العم

  • 52 ايمان نصراوين 19-03-2011 | 12:29 AM

    انشالله ترجعي بسلامه يا بنت عمي وترجعي زي اول واحسن واهلك يفرحوا فيكي يارب

  • 53 ايمان نصراوين 19-03-2011 | 12:29 AM

    انشالله ترجعي بسلامه يا بنت عمي وترجعي زي اول واحسن واهلك يفرحوا فيكي يارب

  • 54 اليا النصراوين 21-03-2011 | 01:47 PM

    لعيونك يا زينه


تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :

لا مانع من الاقتباس واعادة النشر شريطة ذكر المصدر عمون.الآراء والتعليقات المنشورة تعبر عن رأي أصحابها فقط - اقرأ ميثاقية شرف عمون

برمجة واستضافة

الموقع يعمل على سيرفرات يونكس هوست