facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الأكثر مشاهدة




شلل تام على الطريق الصحراوي جنوب عمّان .. (شاهدوا الصور)


12-10-2011 07:05 PM

عمون - اغلق مواطنون من بلدة ارينبة جنوبي العاصمة عمان الطريق الدولي في المسارين من والى العاصمة عمان، مما ادى الى شلل تام في الحركة المرورية على الطريق الدولي وتعطل المركبات الخاصة والشاحنات وحافلات نقل الركاب والسياح حيث جثمت على الطريق فيما اختار سائقون العودة الى اماكن سكناهم او الوصول الى مبتغاهم عبر طرق بديلة .

"عمون" تواجدت في المكان حيث الطريق مغلق بالكامل بعد اشعال الاطارات على امتداده وتجمهر عدد كبير من ابناء المنطقة مطالبين بضم منطقتهم التي يبلغ عدد ساكنيها اكثر من 7 آلاف نسمة تضم 7 قرى هي :الناصرية والمبروكة وزينب والشهباء والباسلية وارينبة الشرقية وارينبة الغربية وحي تجمع العرفى الى البلديات المستحدثة التي اعلن عنها الثلاثاء للظلم الواقع عليها ب ان كانت تتبع لامانة عمان ليتم فصلها عن الامانة وضمها الى بلدية الجيزة بحسب قولهم .

وأكد المتواجدون في المكان بأنهم ماضون باغلاق الطريق الدولي حتى يتم تحقيق المطالب الكاملة ، وكان المحتجون اعتصموا الاسبوع الفائت امام المتصرفية لمدة 6 ساعات قبل ان يأتيهم المتصرف الذي وعدهم بايجاد حلول لمطالبهم الا انهم لم يجدوا اي استجابة حقيقية مما اجبرهم على الخروج الى الشارع لأن الدولة حسب وصفهم لا تحقق المطالب الا بالاعتصامات ، كم هددوا باحراق البلدية والقيام باضراب شامل يشمل تعطيل المدارس والمراكز الصحية .

وخلى مكان الاعتصام من اي تواجد أمني سوى دورية واحدة تواجدت بالقرب لارجاع المواطنين واعلامهم بان الطريق مغلق .

هنالك قطع طريق من قبل محتجين اخرين بالقرب من منطقة الدامخي والزميلة .

  • 1 شاهد عيان بالامس 12-10-2011 | 07:56 PM

    بالامس شي محزن للغاية بلدنا وما نقدر نمشي فيها زي ما بدنا بسبب غياب الحكومة فكيف يتم اغلاق طريق دولي دولي دولي ولاي سبب كان ؟ فاين الهيبة

  • 2 عاشق الاردن 12-10-2011 | 07:59 PM

    حرام نخرب بلدنا. اتقوا الله يا اخوان

  • 3 حي شبرا بالقاهرة 12-10-2011 | 08:01 PM

    عدد سكانه في 2010 اكثر من ستة و سبعين الف و يديره امين شرطة و انتوا بدكم لكل مئة او مئتين تعملوا بلدية اي بيكفي مسخرة و مهازل

  • 4 الاردني 12-10-2011 | 08:07 PM

    مش ممكن هيك هذا تخريب

  • 5 عوكل 12-10-2011 | 08:07 PM

    وين البلطجية عنهم

  • 6 طريقي من الصحراوي 12-10-2011 | 08:09 PM

    ان شاء اللة تكون الامور منتهية حتى نهاية الاسبوع لان الي رح يمنعني امر من الطريق الصحراوي بعد امة ما جابتة والساتر اللة مش العبد

  • 7 ابن العقبة 12-10-2011 | 08:11 PM

    سبحان الله يا حكومة لو غيرهم سخطوهم سخ بس لانهم .......

  • 8 عالمكشوف /منذر العلاونة 12-10-2011 | 08:11 PM

    يا عمي ضموها .هو في احسن من الضم .انسيتوا الاغنيه اللي كانت تقول (ضميتها ضم على صدري شوية ..والله ما في احسن من الضم والعوده الى القدر الطيب الواحد كما كان عليه الشعب الاردني الطيب

  • 9 الدواهده ...... 12-10-2011 | 08:15 PM

    هذا طريق عام لكل أبناء الوطن ولا يحق لكائن من كان اغلاقه أو تخريبه ... وين الدرك عنهم يكسروا روسهم وروس اهاليهم معهم ...

  • 10 هواش 12-10-2011 | 08:18 PM

    صار الواحد لما يزعل من ابوه يروح يسكر باب المطبخ

  • 11 لا 12-10-2011 | 08:19 PM

    اتقو الله

  • 12 اردني 12-10-2011 | 08:28 PM

    اين بلطجية .....

  • 13 رمثاوي خالد الفاخري 12-10-2011 | 08:30 PM

    ارحموا الاردن يا شباب فالاردن للجميع

  • 14 حق الموطن 12-10-2011 | 08:30 PM

    حق الموطن برقبة الحكومة الي ما تضرب بيد من حديد لاهيك اشكال تعطلت مصالح الناس مشان شويت ......

  • 15 علي 12-10-2011 | 08:45 PM

    هذا هو التخلف بعينة. يتغنون للوطن من جهة ويحرقون ويغلقون شوارع من جهة أخرى وهذا هو قمة النفاق.

  • 16 ابن عمان 12-10-2011 | 08:48 PM

    ما هذة الجرئة التى تؤدى لاغلاق الشارع لاغلاق طريق دولى اين رجال الامن عنهم هذا تخريب للبلد اتقوا اللة

  • 17 مواطن 12-10-2011 | 08:52 PM

    اين هيبة الدولة!!!

  • 18 طفيلي وافتخر 12-10-2011 | 08:55 PM

    شكرا لطاقم الدوريه المتواجد للارشاد فقط وين النشاما المنظرين ......

  • 19 الصويتي 12-10-2011 | 09:00 PM

    اكبر قرار خاطيء وغير مدروس في تاريخ الاردن الحديث هو قرار تفكيك البلديات

  • 20 mahmoud 12-10-2011 | 09:01 PM

    هنا وبكل وضوح تظهر سياسة الكيل بمكيالين من الحكومه ! يمهل ولا يهمل .. !! اراد الله ان تظهر الحكومه عاريه امام الجميع .. والقادم الظاهر انه اعظم .. الله يحمي الاردن واهل الاردن

  • 21 azizof 12-10-2011 | 09:09 PM

    لازم الدوله تضرب بيد من حديد كل من تسول له نفسه للعبث بأمن البلد والبلد مش لناس وناس معينين والباقي لا حول لهم ولا قوه.

  • 22 فخر المعايطة 12-10-2011 | 09:12 PM

    ارحموا هالوطن والله ملينا

  • 23 شاب جامعي متعلم 12-10-2011 | 09:24 PM

    وين الدرك الأبطال هلأ؟؟؟ولا بس على الشباب الجامعي المتعلم وأهل عمان أيام 24 آذار وغيرها من المناسبات؟؟

  • 24 عصام 12-10-2011 | 09:27 PM

    البلد كل مالها بترجع لورا لا ادري الى متى

  • 25 زيا دالجراح 12-10-2011 | 09:28 PM

    الامور زادت عن حدها عيب اتقوا اللة

  • 26 حسن 12-10-2011 | 09:43 PM

    مش معقول, اين الحكومة؟ اين القانون؟ اين الخلق الاردني؟ هل فقدناه؟ الحكومة ماشية على سياسة الطبطبة وقضب الخواطر مما قد يؤدي الى خراب البلاد وهلاك العباد. اللهم احمي الاردن!!!!!!!وارحه من الحكومة والنواب!!!!!

  • 27 حركه شباب الحاره 12-10-2011 | 09:56 PM

    أعلن مقاطعه الانتخابات البلديه بدنا بلديه لجيرانا و الحاره البحدناسوف نقوم بأغلاق الطريق المؤدي الى دكانه ابوالعبد وفرن ابو اسماعيل حتى يتم تحقيق مطلبنا

  • 28 فرسان الخير 12-10-2011 | 09:57 PM

    أين هم قوات الدرك عن الذين يغلقون الطرقات الرئيسيه , والا شكلو لناس وناس !!!!

  • 29 شمتان 12-10-2011 | 10:02 PM

    ولعت

  • 30 حطي 12-10-2011 | 10:04 PM

    ولا بس انشاطرتوا على مظاليم السلفية هذه خطبتهم أطلقوا سراحهم لأنهم اولياء الله الصالحين

  • 31 اذا عندكو حرية رأي انشروا 12-10-2011 | 10:12 PM

    موقع عمون هو الموقع الوحيد الذي يقتصر نشر التعليقات لاشخاص محددين، كل يوم بكتب تعليق ولا مره تم نشره و اليكم ما اود قوله

    البلد صارت كلها مسلحه و اللي ما بوخذ حقه بايده بضيع حقه، لانه النهاية رح اتكون فنجان قهوه،ما خرب هالبلد غير العشائرية و القومية الحديثة و ليست العشائرية القديمة التي كان لها هيبتها ووقارها و كلمة شيخ العشيرة هي الاقوى، لكن بوقتنا الحالي لا كلمة و لا الاب يستطيع ان يفرض كلمته على ابنه،بلد طعه و قايمه بغياب القانون، فعلا الغرب يتقدم علينا بملايين السنوات بفضل غياب القومية و العنصرية و الجهوية و فرض سلطة القانون على الجميع بدون استثناء

  • 32 متابع 12-10-2011 | 10:13 PM

    وين الامن العام عنهم ولا لانهم معهم كلاشنات

  • 33 اردني ايده على قلبه 12-10-2011 | 10:24 PM

    هذا خطأ ناتج عن سوء اتخاذ القرار من قبل وزير البلديات واللجنة المشكلة بهالخصوص لأنه كان المقصد ارضاء الناخبين لرفع نسبة المسجلين للانتخاب نتج عنه اللي بسير واللي راح اسير كمان
    الله يسترنا من أخرتها

  • 34 ابن حي الطفايلة 12-10-2011 | 10:50 PM

    والله عيب هذا اللي بصير ،، اذا هيك بدهم اصلاح وهيك بيعملوا عيب والله عيب ، كل... صاروا بدهم يطالبوا بشغلة على كيفهم ، الله يجيرنا من هيك مطالبين ، الحكومة أوعى من انه تدخل معهم بدم ، سياسة أكيد ،،،،،،،،، فكونا عاد ، بلدنا وعارفين اللي فيها

  • 35 اردنـــــــــ سحاب ــــــــــــي 12-10-2011 | 11:10 PM

    ول يا بخيت روح على دارك وفكنا من مشاكلك خلينا نشوف واحد راسه كبير يكون قادر على مسك زمام الامور بهالبلد ويمشي امورها على الصراط المستقيم ......

  • 36 علي حسن 12-10-2011 | 11:12 PM

    وين أبطال الدرك الأشاوس؟؟؟
    ولا بس شاطرين عالمسيرات يوم الجمعة؟؟
    إشي بخزي

  • 37 طراونه 12-10-2011 | 11:23 PM

    اصبح لكل عشيرة بلدية وكما يقول عصام الشوالي العبرة بخواتيمها

  • 38 ثناء الدبوبي 12-10-2011 | 11:23 PM

    يا للعار ....هذا لا يليق بالشعب الاردني انها اعمال تخريب وزعرنة وبلطجة يا ويحكم

  • 39 قيسي 12-10-2011 | 11:28 PM

    وين نشامى الدرك

  • 40 مادبا 12-10-2011 | 11:39 PM

    تخخخخخخخخخخخخخخخخخخخخخخخخخخخخلف

  • 41 مادبا 12-10-2011 | 11:43 PM

    و بعدين مع هالقرف ايش هاد والله حرام هيك يصير في بلدنا مبارح مادبا و اليوم ما بعرف وين و بكرة الله يستر اففففففففففففف

  • 42 هاله 13-10-2011 | 12:03 AM

    اخ لو اني ريئسه حكومه الا اخلي البلديات تعين وكل الاردن 3 بلديات شمال وجنوب ووسط وكل من تسول له نفسه بهذا الخراب اعدام وين الحكومه متلم الاسلحه من الشعب

  • 43 محمد 13-10-2011 | 12:05 AM

    شيء غريب كيف يسمح لهم بذلك - اين الامن -اين الجيش -اين سيادة الدوله - من يتجرأ على تعطيل مصالح العباد -لماذا هذه الجرأه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

  • 44 sameh 13-10-2011 | 12:19 AM

    والله يا جماعة اليوم ع طريق ام العمد مسكرين الطريق ووالله معهم اسلحة زي الرشاشات وما في ولا شرطي وحكيت ع 911 اشكي فراحوا دلوني ع طريق بديل تخيلوا يرعاكم الله.

  • 45 حمزة 13-10-2011 | 12:30 AM

    بطل في كتل زي زمان ........ بس

  • 46 وقفوهم عند حدهم 13-10-2011 | 12:57 AM

    هؤلاء ......وهاي العشائر دائما خارجة عن القانون

  • 47 شيئ لا يعقل!!!!!!!!!!!!! 13-10-2011 | 01:14 AM

    والله هولاء الناس اعدامهم حلال!!!!بلا اعتصامات بلا حكي فاضي...وين هيبه الدوله والضرب بيد من حديد....

  • 48 عماد الزغول 13-10-2011 | 01:15 AM

    وين الحكومه الرشيدة عن هيك تخريب هاد هيك و القصه قصة بلديه كيف لو القصه اكبر من هيك ..........و الله عيب

  • 49 الى مادبا 13-10-2011 | 01:26 AM

    مسوي حالك.....

  • 50 التعمري 13-10-2011 | 01:26 AM

    بكرة بسكروا دوار الداخلية عشان يفصلوا خط سرفيس جبل الحسين عن العبدلي

  • 51 متابع 13-10-2011 | 01:29 AM

    ما نمر به ما هو ألا اخفاقات المسؤلين كل واحد فيهم لابس بدله ومش عارف راسو من اجريه يا ريت يلبس حطه عشان يميز ويلبس بدلة فوتيك وينزل عالشارع الله يرحم ترابك يا وصفي التل ويا هزاع المجالي .

  • 52 اردني 13-10-2011 | 01:37 AM

    هذا هو بلد الامن والامان .............

  • 53 صخري حر 13-10-2011 | 01:37 AM

    عفيا يا رجال دائمأ خربو بلديه الازمه

  • 54 معهم حق 13-10-2011 | 01:40 AM

    هؤلاء الناس معهم حق فلا يسرقون ولكنهم يطالبون بما يجب على الدوله ان تفعله وليش انتم مستغربون
    ولو كان هناك عدل ماكانو يحتجون

    ولمعرفه المشكله للي غايب فيله حدثت عندما دمجت البلديات ولما رجع قرار فصلها فصل بعضها وترك الاخر وهنا نسال لماذا اذن الحل سهل وهو اعاده الحال على ماكان عليه فقط

  • 55 الدهامشه 13-10-2011 | 01:41 AM

    ابشرو في البلديه بس خلكم على...

  • 56 ابن البلد 13-10-2011 | 01:44 AM

    الى ابن العقبه شو قصدك بالزبط اذا زلمه احكي

  • 57 وراء مجهر 13-10-2011 | 01:45 AM

    ابن العقبة >>>>>>بني صخر عز وفخر ,,,,,....

  • 58 الاحكام العرفية 13-10-2011 | 01:47 AM

    الناس لن يهدؤوا الا بفرض الاحكام العرفية لأنه واضه ان الديمقراطية لاتنفع معهمويجب الحكومة ان تتحرك وتضرب بيد من حديد

  • 59 علاء المعاني 13-10-2011 | 01:54 AM

    هالأمر هذا ورائه مخربين وانا على يقين بانهم الوصوليين والمتسلقين على ظهور الجاهلين ..............

  • 60 حزين 13-10-2011 | 01:59 AM

    عاجبكوا الوضع هذا كل قريه بدها بلديه مسخره

  • 61 حزين 13-10-2011 | 01:59 AM

    عاجبكوا الوضع هذا كل قريه بدها بلديه مسخره

  • 62 عبادي 13-10-2011 | 01:59 AM

    مش بدكو ديمقراطية وحرية تعبير هاي هي النتيجة

  • 63 حزين 13-10-2011 | 01:59 AM

    عاجبكوا الوضع هذا كل قريه بدها بلديه مسخره

  • 64 حزين 13-10-2011 | 01:59 AM

    عاجبكوا الوضع هذا كل قريه بدها بلديه مسخره

  • 65 الهوى جنوبي 13-10-2011 | 02:06 AM

    انا من سكان المناطق الي صار فيها الاعتصامات ومن ابناء العشيره الي عملت الاعتصامات وصدقوني ما ارضى باللي يصير لانه انتمائي لوطني اولا قبل عشيرتي حرام اسكر شوارع حرام اخرب ممتلكات بلدي لانه انا المستفيد منها ...............

  • 66 الجهل نور! 13-10-2011 | 02:48 AM

    يا عمي اعطوهم بلديات و فكونا من هل القصه , مهي هاي اذني وهاي اذني و اشي ما رح يتغير

  • 67 طالبة طب من جامعة مؤتة 13-10-2011 | 02:58 AM

    اليوم كنا على الطريق الصحراوي
    زكان الوضع مأساوي
    السيارات صارت تمشي على الطرق الرملية مما أدى الى أعطال فيها أو انها علقت بالتراب
    وفي سيارات علقت بين الشاحنات فلن تتحرك الى نهاية الاعنصام

    ولكن المتضرر الأكبر من هذه الاعتصامات هم :
    طلاب جامعة مؤتة وانا واحدة منهم
    بدنا نروح على أهالينا بكره يا جماعة
    أرجو من الأمن التدخل السريع لفك الاعتصام

  • 68 اردنى حر 13-10-2011 | 12:00 PM

    الاشخاص يلى عملو هذا العمل اكيد ...........

  • 69 ابن مادبا 13-10-2011 | 12:02 PM

    إن ما يحدث من مظاهر احتجاج أو اعتصام لا يليق بكل أردني شريف
    فالاردني الشريف لا يخرب ولا يسرق ممتلكات الدولة وما ذنب المواطنين المارين على الطرق .. طرقنا التي تحمل المرضى والموتى والموظفين والاطفال والطلاب ... وغيرهم فلماذا التخريب اذا كان هنالك انتماء
    أم أن كل واحد يفصل الانتماء على هواه اتقوا الله على نعمة الامن والامان والمحبة والاحترام

  • 70 واحد مستغرب 13-10-2011 | 12:11 PM

    ..... قمة في الوطنية وتحقيق للديمقراطية التي يطالب بها الشارع "المثقف"

  • 71 مواطن خاف عقله 13-10-2011 | 12:16 PM

    هذول .....الاصلاح ، هذا الاصلاح المطالب ؟ هذه افعال مرتزقة باسم الاصلاح

  • 72 قرية ام قصيرلواء الجيزه 13-10-2011 | 12:23 PM

    لا.....الانضمام الى من هم يدعون الوطنيه وهم بعيدين عنها كل البعد عجب والله عجب على هيك ناس مش عارفين !!!!!!!!!!!!!!!!!!!

  • 73 مسخرة 13-10-2011 | 12:31 PM

    شو .....!! وين الأمن عنهم او وين البلطجية عنهم!!

  • 74 عبدالرحمن الخلايلة - ابو ليث 13-10-2011 | 12:58 PM

    عندما نتعلم كيف نقف ونصطف على الدور في مواقف السيارات والمؤسسات دون الاعتداء على حق غيرنا...
    عندما نتعلم كيف نحقق اهدافنا دون سلبطه ....
    عندما نعرف ان نميز بين الصحيح والخطاء والغث والسمين....
    عندما نعرف كيف نخاطب ونستمع ....
    عندما نغلب العام على الخاص وننبذ الانا والوجاهه .... ونعرف موازنة بلدية نطالب بانفصالها لن تكفي لمصاريف بكب الوجاههة واكياس جمع القمامة .... وندماجها او الابقاء عليها مع موازنة بلديات اخرى سيكون افضل لتوزيع الخدمات وتحقيقها...
    و....و....
    عندها فقط يجب نطالب الاخرين بالاصلاح ومحاربة الفساد... فلنصلح انفسنا ولنحارب الفساد الساكن في نفوسنا اولاً......

  • 75 المعايطة 13-10-2011 | 01:01 PM

    دخل شخص الى احد الافران لشراء (خبز )
    وقال للفران السلام عليكم. وقال لة الفران قف وصف على الدور.
    ولم يكن غيرة من الزبائن موجود فى الفرن.
    التفت الزبون ولم يرى غيرة فى الفرن وهجس فى نفسة ان الفران مختل من تاثير حرارة الفرن وبيت النار.
    فقام وضرب الفرات بيدة ( كف )على رقبتة. فهاج الفران وصرخ من شدة الضربة وصاح من اللى ضربنى؟؟؟
    فقال الرجل ليس انا؟
    ....
    هذا ما يحصل حاليا

  • 76 وحداتي 13-10-2011 | 01:24 PM

    لو صار ربع اللي صار بالوحدات , كان الدرك ....انتو عارفين.

  • 77 الى شاهد عيان 1 13-10-2011 | 01:39 PM

    ليش يا حبيبي هوا الي مسكر الطريق جايك من برا مهو من ....

  • 78 مواطن 13-10-2011 | 01:44 PM

    حكومة ذكية الناس بلشت ببعضها

  • 79 الصقر من بني صخر 13-10-2011 | 03:19 PM

    الناس زادوها بدهم شد شوي والكم البلديه شو بدها تسويلكم راكضيلي عليها ماتروحو تصلو وتستغفرو ربكم احسنلكم من هالحكي الفاضي ومصيبتك الشيوخ الي راكضين بالشوارع والله انه اخر الزمان

  • 80 ابو عمر 13-10-2011 | 04:15 PM

    والله ان الاردن مابستاهل منكو هذة الاعمال ياناس اتقوا الله وقدروا تعب ابوحسين اطال الله عمره حرام والله حرام عليكم كم مريض بالامس واهله دعى عليكو لانه بعض الحالات المرضيه تحتاج لكل دقيقه وتذكروا قول الله تعالى(من قتل نفس بغير نفس او افساد في الارض فكأنما قتل الناس جميعا) خراب الشواع واحراق الاطارات عليها مهو من نفقات البلديات التي تطالبون بها حقكم في المطالبات مشروع ولكن بالطرق والتصرفات المشروعه والمقبوله

  • 81 متابع 13-10-2011 | 04:18 PM

    لقد نجحت الحكومة "الخفية" مجددا بالهاء الاردنيين عن مطالب الاصلاح و خلقت لهم قصة ينشغلوا بها.

  • 82 صخري 09-04-2013 | 04:54 AM

    لو في عدل داخل البلد ماحدا أعتصم ووأغلق الشوارع بعدين اهالي القريه بلغو بمطالبهم قبل أغلاق الشارع بس ماحدا رد عليهم من المسؤلين فهيك صار


تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :

لا مانع من الاقتباس واعادة النشر شريطة ذكر المصدر عمون.الآراء والتعليقات المنشورة تعبر عن رأي أصحابها فقط - اقرأ ميثاقية شرف عمون

برمجة واستضافة

الموقع يعمل على سيرفرات يونكس هوست