facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الأكثر مشاهدة




موفنمبك البحر الميت "ومن جوا يعلم الله" ..


09-03-2012 01:15 PM

امضيت ليلة ليلكية في فندق ال"موفنبيك" البحر الميت ... ليس مهما ال 410 دنانير سعر الغرفة "سويت" ما تبعها من 150 دينار عشاء لشخصين ونرجيلة وخلافة .. وليس مهما ان اتحدث عن "لحاف" واحد صغير لشخصين ولا عن مكان بارد ليلا والتدفئة المعطلة والانترنت المقطوع المقطوع يا ولدي مقابل خمسة دنانير لم اتمتع مقابلها .. المهم ان المكان اشبه بساحل سلطنة عمان لكن مع فارق جمال البقعة والخدمة المتميزة ..

تلك الليلة كان المطعم البعيد جميل لكن الخدمة سيئة جداً فالطلب يتأخر بحجة الازمة والاكل ليس لذيذا ولا يعجبك اطلاقاً ويبدو ان خلاف ادارات المطاعم انعكس على الزبائن..

بوفيه الافطار جيد لكن بحثنا عن جرة الفول فوجدناها خالية وبحثنا عن الزيتون فقالوا لنا "خالص" وعن الجبنة البيضاء فقالوا "مافيش" ..فقلت لهم "لويش فاتحين الفندق يا احبائي وتقولوا للاردنيين تعالوا على سياحتكوا الداخلية"...

(محمود .... الاسم والعنوان لدى المحرر).

  • 1 اسامة 09-03-2012 | 01:20 PM

    انت واحد ب...

  • 2 نادر 09-03-2012 | 01:33 PM

    ما تخاف ربك يا رجل 410 دينار مالوا مطعم هاشم اي عبق التاريخ بجنن حسبي الله ونعمة الوكيل بس خرجك الله لا يقيمك

  • 3 مواطن اردني مجرب السياحه الداخليه 09-03-2012 | 01:42 PM

    الحق مش عليهم ، الحق عالي دفع 400 دينار يعني 560 دولا بتروح فيهم احلى رحله مع مبيت اكثر من يوم في دوله متل تركيا او لبنان وازا انزلت على الشرم بكفوك اسبوع .
    للاسف السياحه اللي عنا هدفها مادي فقط !!!!!!

  • 4 عبدالله 09-03-2012 | 01:42 PM

    تعليق بسيط: الظاهر انك يا نصير السياحة لم تزر ساحل سلطنة عمان

  • 5 اتقوا الله يا عالم 09-03-2012 | 04:29 PM

    يا رجل اتقي الله ... دافع 600 دينار من شان ليله بالموفيبيك
    مهما كان مقدار رزقتك و لو كنت من اصحاب الملايين فهذا سرف و بذخ ستحاسب عليه يوم القيامه
    في عائلات مكونه من 5 او 6 افراد بتعيش ب 200 دينار بالشهر يعني ال 600 دينار تبعتك بتعيشهم 3 شهور
    اتقي الله... اتقوا الله يا عالم
    و جاي تقول الخدمه سيئه ... هاد اللي هامك ... يا خوف قلبي لو قلنالك تبرع بالهال 600 دينار للفقرا تقول منا بتبرع
    و تطلع بتتبرع ب10 دنانير بالسنه
    إنا لله و إنا اليه راجعون .... حسبنا الله و نعم الوكيل

  • 6 عاشق السفر 09-03-2012 | 05:26 PM

    عاشقت السفر من غدر البشر احسن من وجع الراس براه بترتاح وخدمتك بفلوسك بتيجي لعندك

  • 7 للعائلات فقط قال 10-03-2012 | 12:04 AM

    لسا و بطردوك من على باب الفندق علشان الفندق للعائلات فقط

  • 8 معقول 10-03-2012 | 02:45 AM

    انا كتير بحبو هالفندق خاصه بالعقبه كتير واو ومرة او مرتين نزلنا فيو بالبحر الميت برضو واو غريب ليش هيك صار معك مابعرف شو بدي اقولك غريب

  • 9 محب الأردن 10-03-2012 | 11:26 AM

    انا ضد السياحة في الأردن لأنني احب الأردن ولا احب لسائح ان يرى عجائب الدنيا السبع في سياحتنا يا للخسارة

  • 10 محب الأردن 10-03-2012 | 11:29 AM

    انا ضد السياحة في الأردن لأنني احب الأردن ولا احب لسائح ان يرى عجائب الدنيا السبع في سياحتنا يا للخسارة وهل يوجد عندنا سياحة روحوا شوفوا السياحة في دبي والنظافة والنظام والتطور

  • 11 طفيلي بالبحر العايش 10-03-2012 | 05:55 PM

    واللة لخلي السياح يجو يسيحو عندنا

  • 12 مواطن مطلع 10-03-2012 | 09:01 PM

    كلامك غير صحيح الرقم مبالغ فيه يحرم كانك عمرك دخلته

  • 13 خارج التغطية 11-03-2012 | 06:51 PM

    اصلا هذا اشي طبيعي لانه السياحة بالاردن مبرمجة حتى تكون السياحة عندنا من عجائب الدنيا السبع وهذا هو الذكاء

  • 14 sos 12-03-2012 | 08:11 AM

    زي اللي بنفخ بقربه مقطوعه الحق على وزارة السياحه اللي انا مو عارفه ايش وظفيتها بالزبط بس شاطرين يقولوا السياحه مضرره والسياح ما بيجوا طب شوفو اسعارنا شوفوا خدمتنا شوفوا استقبالنا . عن جد شكله ما في امل نفسي حدا يجي يستلم القطاع السياحي بعقليه جديده متفتحه نيره نفسي قطاع الفندقه ينعطاله دورات صحييحه جديه .! بس ما في لا حياه لمن تنادي

  • 15 طراد 12-03-2012 | 04:01 PM

    لو انك سافرت على صرم الشيخ كان وفرت كتير مصاري ...

  • 16 فقير 13-03-2012 | 03:28 PM

    .... في ناس مش لاقية مكان تنام فيه

  • 17 musleh 13-03-2012 | 04:30 PM

    على فكرة سعر السويت 220 دينار، وانا نزلت في غرفة عادية بسعر 110 دنانير شاملة الافطار ، وكانت الخدمة والوضع بحنن وفاتورة العشاء كانت خمس وثلاثون دينار في المطعم الايطالي ، وانا جربت الخدمة في تركيا اللي فنادق الخمس نجوم فيها أقل من الثلاث نجوم في الاردن ، وبكفي غلاء الاسعار في تركيا مقابل لاخدمة بس الموضوع بده شوية ادارة

  • 18 الى 5 15-03-2012 | 05:04 PM

    طول بالك عالزلمة شوي
    طول بالك لا يطقلك عرق

  • 19 السلط 16-03-2012 | 02:09 AM

    معقول انا بعد اسبوع نازل

  • 20 سائح مش عارف وين رائح 16-03-2012 | 03:55 PM

    وزارة السياحة تحتاج الى وزارة سياحة لانعاشها وطرح مشاريع لها وزارة السياحة الاردنية تعمل في كل شيء الا السياحة فهي ابعد ما يمكن عن مسماها انقذو السياحة في الاردن وذلك بشطب وزارة السياحة وترك القطاع الخاص يعمل وبس

  • 21 محمد الكركي 06-04-2012 | 04:45 PM

    بلاش عرط.....ليس مهم.......يرحم جدك.......بس سؤال المحرر شو بدو يعملك مثلا

  • 22 طوق الياسمين 10-04-2012 | 04:37 PM

    اذا كنت تحكي عن 410 وبيتبعهم 150 ع ليله فانت اخي واحد مسرف وليش ما تنورت قبل ما تروح لو حكيت المبلغ في العقبة ممكن تستفيد بجمال المنظر اقل ما فيها ولا في وادي رم
    البحر الميت شو فيه دخلك بلاش لو طلعت لتركيا كنت ريحت راسك
    اما الخدمات اللي حكيت عنهم ممكن بتصير بأحسن الفنادق :)


تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :

لا مانع من الاقتباس واعادة النشر شريطة ذكر المصدر عمون.الآراء والتعليقات المنشورة تعبر عن رأي أصحابها فقط - اقرأ ميثاقية شرف عمون

برمجة واستضافة

الموقع يعمل على سيرفرات يونكس هوست