حبكاوي

لا تتعبوا حالكو يا عمون والله لوتقعدوا العمر كله تصيحوا ما حد سمعكوا وبعدين خلي ارشيدات يهدد على راحته ...

موظف محكمه

ياحيف على محامين ............

تصحيح

المحرر: شكراً على الملاحظه

الله يقويكي يا عمون

اذا المحامين هيك !! الاردن عليها السلام !!

قلنا محامي .... اوكي اما يوقع مع اثنين ..... هاي مصيبة!!
مصيبة البلد لما يجي الدكتور ويحكيلك ( زميلي ) الدكتور ما غلط .
و المحامي يجي يقلك ( زميلي ) المحامي ما غلط . وقس على ذلك , كلهم زملاء ومش رايحه الا عالمساكين اللي زينا !!

عكسوا صورة جداً سيئة عن البلد, لم اتابع ملف القضية منذ البدايه في عمون ولكن لك الشكر يا عمون على هذا المجهود الطيب , اذا قمنا بتشجيع الاستثمار في الاردن فقد نصبح يوماً ما دولة شبيهه بالامارات , علماً أن دبي ليس لها او موارد سوى الدعم من العاصمة ابوظبي + الاستثمار + السياحة فقط .

شعب جوعان

بتحكو عن الحكومة ..، فعلاً شعب لا بحلل ولا بحرم....

اصرار شديد مني

انا اكثر من مرة صرحت للعامة انو زمان كانت الناس تتحالى انو في حارتهم محامي او دكتور لكن للأسف اليوم العكس المحاماة و الطب صارو مثال النصب و الاحتيال و التلاعب في القوانين و رشيتات الدواء .. بدكو تحاربو فساد السياسيين؟ حاربو فساد انفسكم و جيرانكم و اولادكم اللي بنصبو عالناس

مواطن غيور

كل القصة 17 الف دولار وين الخمسة مليون حطهم بعدين بنحكي يا نمروفسكي جاي يستاجر شقة وبقاك مستثمر واللة لو في خمسة مليون لاستقبلو وزير التجارة

الكرك 1

ان الله يزع في السلطان ما لا يزع في القران لو كا عندنا قوانين رادعه لما تجاسر مثل هؤلا على ضيوفنا او المستثمرين

محامي متدرب ترك المهنه

نقيب المحامين كان انتخابه مقلب لكل المحامين اللي نادمين حالياً على انتخابه

عصام

عنا فساد يا ناس افهمو الاردن ما رح يصلح وضعها الا اذا تم اعدام الفاسدين مثل ما عمل صدام حسين عشان الكل يمشي زي الساعة .. بس عنا سلامتك الي بدو يعمل فساد الابواب مفتوحة ولا يوجد عقوبات صارمة بشكل يمنع الفساد او تكرارة

////////

محامي في غرب عمان سرق المستثمر في 60 الف دينار والان يجلس على قضايا تزوير .......واذا لم يدفع الى المحامي الحرامي مليون ونصف دينار سوف يدخل ويخرج من قضية الى قضية ,,,,,,,,,,,,

مراقب

بعد يومين بعطيكو قصة خرافية تكشف الابيع بعض المحامين

محمد خليفه

بلد عليها السلام
والتقابه اكبر جهه تطبطب على المحامين ال................

شخص محايد

اول شي تحياتي الخاصة جدا لموقع عمون وللاخ المستثمر الروسي واتمنى فعلا انه يأخذ حقه في بلدنا الحبيب حتى لو كان دينار واحد

اما ما يخص الموضوع المنشور يعني بدي اكرر هنا باني فعلا اتمنى ان يعود للاخ المستثمر الروسي كل حقه سواء كان بسيط او كثير حتى لو دينار واحد ومشكورين فعلا على مشاعر الاخ الروسي وحبه واعجابه في بلدنا ولازم نشكره على هيك كلام وان يفهم بانه هذه التصرفات الفرديه في كثير من الاحيان اكيد بانها لا تعكس حقيقه شخصية الاردنيين كلهم وانا شخصيا عشت معظم عمري في روسيا ولا زلت اعمل في موسكو وفعلا بحب روسيا والشعب الروسي على الرغم بانه حصل انه انتصب علي في روسيا بمئات الالوف من الدولارات وعلى الرغم من انه ابسط مسؤول في روسيا مو الرئيس بوتين ولا حتى اي مساعد في مكتبه مو مستعد يسمع منك كلمه لا ولا حتى انا بقدر او بستفيد اراجع حد او اكتب لحد رساله بهيك موضوع في روسيا مو اني اقد اكتب رساله لملك عشان 17 الف ليره والفين للمحامي وانشر موضوع طويل عريض قد يمس بشكل او باخر سمعه الاستثمار الاجنبي في بلد باكمله و على موقع اخباري روسي ذو شعبيه ، يعني خلينا منطقيين يا اخ يفجيني ، هل بتقدر تعمل هالشي في روسيا انت ياريت انك تكون صريح مع نفسك اولا ؟

وكمان يا اخ يفجيني انت بتعرف بشكل ممتاز بانك لو غلطت اي غلطه قانونية في روسيا في اي موضوع وحتى مرات بدون ما تغلط فكثير من شركات الوساطه العقاريه وغيرها هناك ممكن تاكل عليك مو بس 17 الف دينار بل اكثر بكثير ومو الفين دينار للمحامي بل مجرد مقابله مع المحامي هناك ممكن تكلفك اكتر من الفين دينار

المهم مو هادا موضوعي ، موضوعي هوانه ياريت هالاخ ايفجيني يفهم انه احنا مو اغبياء وباللغه العامية "يعني مافي داعي نسرح في بعض" ، يعني باختصار مش كل من اجانا وقال انا مستثمر وبدي احط 5 ولا 10 ولا 100 مليون معناها حط وكل من قال بدي اجيب مستثمرين معناها رح يجيب يعني ياريت لو انه يحكي الشغله على قدها وزي ما صارت ، خلص يقول كان بدي اشتري شقه شقتين وارجع ابيعهم اربح فيهم وبعدين افكر اشتري غيرهم وتفاجئت انه الامور ما مشيت متل ما بدي او الي هو ، يعني المهم انه يحكي الشغله على قدها يعني وكمان ما لفت نظرك يا اخ يفجيني انه لمن انت تقول مستثمر بملايين الدولارات وبدك تجيب مستثمرين بملايين الدولارات وفي نفس الوقت قومت الدنيا وقعدتها حسب المقاله وضيعت من عمرك 3 سنين وانت تراكض على 17 الف ليره وموافقة امنيه ب 500 ليره ومحامي اخد منك الفين ليره وجابلك حكم على الشركة مو على صاحبها ، طيب يعني احنا مو هنود كمان ، طيب ما انت عارف يا يفجيني العزيز انه في روسيا لمن تدفع لشركة ( شخصيت اعتباريه) زي ما انتوا بتسموها في روسيا ولمن تاخد الحكم رح تاخده على الشخصيه الاعتباريه الى دفعتلها و رفعت دعوى عليها مو على مالكها ومليون شركة في روسيا نصبت بهاي الطريقه على الروس وغير الروس بعدين المحامي جابلك الحكم على الشركة الي انت بتقول انك دفعت الها ، وعلى شو بدك تدخل ملك البلاد في قصه كل يوم بصير منها مليون في كل دول العالم ، ولا احنا شفت منا طيبه زياده يعني وحسيت انك في بلدنا فيك تحكي شو مابدك ولمين ما بدك ، والله كل هدفي من هالكلام اني ما بحب المبالغه في الامور وانا نعطيها طابع شمولي يمس بلدنا ، بلاش ... انت كمان عارف كويس اكيد كم الف روسي في دبي في موضوع العقارات انتصب عليهم ياسيد يفجيني بعد الازمة الماليه العالميه وانت عارف كويس هالكلام ، مين منهم اعطى او قدر يعطي الموضوع طابع سياسي متل هيك كلام

خليك منطقي يا اخ يفجيني هل يعقل انه رجل اعمال مستثمر روسي بحمل ملايين متل حضرتك يضيع ويعطل شغله 3 سنين على هيك مبلغ في الوقت الي دخل اي رجل اعمال روسي في موسكو في الشهر لا يمكن ان يقل اذا كان من الدرجه المتوسطه عن 25 - 50 الف دولار باقل تقدير وهادا حجم اقل من المتوسط كمان

اقلك اسمحلي في هالكلمه ، تعال يا ريت بس عشان الواقعيه والمصداقية تورجينا شهادة ملاءه بنكيه من بنك اردني انك حولت على الاردن مو 5 ملايين لا انك حولت نص مليون وانهم موجودات في حسابك انت في بنك اردني و باسمك مو باسم حد تاني.

بلاش خلينا نروح ابعد من هيك تعال هاي ايميلي صار عند الاخوان في عمون ، هات مشروعك الي ب 5 مليون وانك جاهز فعلا تعمل مشروع هسه ب 5 مليون ومعاك الخمسه مليون تستثمرهم فيه وخود مني فورا و انا والله عند كلامي خود 25 الف دينار مساهمه مني في مشروعك ابو 5 مليون وتنازلي عن هالقضيه الي صارلك بتراكض وراها 3 سنين.

والله يا اخوان ما هي حلوه المغالطات هاي في حق بلدنا يا سيد يفجيني مع كل احترامي الك و صح احنا الشعب الاردني طيب وبسيط لكن مو شعب غبي احنا صاحيين كتير ويمكن اكتر من اللزوم مرات وبنحب الكلام يكون مطابق للواقع يعني بدون بهارات ومو سهله حد يسرح فينا ، وبتمنى انه لو فعلا حصل وانه موقع عمون نشر تعلقي لانه كمان اكيد انك انت هلا يا سيد يفجيني مهتم تشوف التعليقات الي رح تيجي على قصتك فبتمنى فعلا انه حد يترجملك تعليقي , وبكون فعلا شاكر للاخوان في موقع عمون لو نشروا التعليق باللحياديه الي هي اساس عمل الموقع حسب ما نتمنى منهم دوما كاردنيين وفعلا هالمره رح اضل اتابع بس عشان اشوف فعلا رح ينشر موقع عمون تعليقي ولا لا ... تنشوف ,شكرا مقدما للجيمع

والله يوفقك يا سيد يفجيني انك تسترد حقك بالكامل.

علي المعادله

بسيطه محامي على ابناء الوطن باربعمائة الف ومطلوب بعدة قضايا الاانه فار وداخل البلاد وتم ابلاغ نقيب المحامين وتم تسطير من قبل نقيب الى مدعي عام الزرقاء للاستفسار عن القضايا المسجله على هذا المحامي مواطن ثقه بالمحامين كونه لايوجد عقوبات رادعه من قبل النقابه خليها على الله على فكره انا احد ضحايا هذا المحامي مع كل الاحترام والتقدير لكل محامي نظيف وشريف واناشدكم ان تدافعوا عن سمعتكم ايها الاشراف وسمعة مهنتكم

نقيب المحامين !!!!!!!!!!!!!!!!!!!!1

هذا النقيب له العديد من المناقب , فمن الاساءة للقضاء , الى الاساءة للنبي صلى الله عليه وسلم , الى الاساءة للجسم الصحفي , والله بعلم شو تاليها .

نقيب المحامين !!!!!!!!!!!!!!!!!!!!1

هذا النقيب له العديد من المناقب , فمن الاساءة للقضاء , الى الاساءة للنبي صلى الله عليه وسلم , الى الاساءة للجسم الصحفي , والله بعلم شو تاليها .

محامي

اسألو رئيس احد المحاكم عن التجاوزات التي تم كشفها من قبل بعض المحامين من تزوير وغيره وتم احالتهم للمدعي العام, وللاسف نقيب المحامين بدأبالدفاع عن هؤلاء المزورين اللذين اساءو للمهنة فهاجم النيابة العامة على اعتبار ان المحامي ضرب من ضروب الملائكة , بدل من ان يتخذ بحقهم اجراء وفصلهم من النقابة كونهم اساءوا للمهنة !!!!!!

الى رقم 6

بلا فلسفة وحكي فاضي , ما انت بتعرف الصحيح وانو سبب الممطالة في القضايا وتأخيرها هم المحامين لمش ملاقين من يقول لهم وين رايحين .

معلق

لا تضيعوا الموضوع بتركيز على المحامي

بل هنالك جانب أهم: ضبابيه القوانين ومزاجيه الموظفين وتوهان المواطن

المواطن الاردني ومسلح بأربعين واسطه لا يقدر انجاز معامله بسيطه الا اذا ارتفع ضغطه وتدخل الرايح والجاي

يجب إقاله جميع موظفي الحكومه الخدماتيه والتعلم من دبي فن الادارة وقهر البيروقراطيه

ذبحتونا يا موظفي الدوله الصغار المتحجرين ، روح وتعال وإرجع بكره وقوانين من خاطره ولا معنى لها ومزاجيه

الضريبه أكبر مثال وهلم جر

القانون والمحامي والشرطه والمبلغين

من يحتاج أن يرفع قضيه لا بد له من رؤية نجوم الظهر
, وسلامتكم اجمعين.

للعلم.اورويا

جميع الاسماء التي تنتهي ب "سكي" هي يهودية. و شكرا

نصاب ابن ناس

حمل الامانة وخانها، حلف بالايمان وحنث بيمينه. المحامي، الطبيب، المهندس، المفتش، الشرطي...وغيرهم اكثرهم من خيرةالناس لكن المشكلة الضرر من واحد منهم عن 100 واحد غيرهم

مالك

انا بقترح انه نلم لمه لتتروفسكي المستثمر الروسي و لمه ثانية لعمون الي تغاضت عن مشاكل البلد و اعتبرت ان مشكله ب ١٧٠٠٠ دينار امر سوف يؤثر على مستقبل البلد الاقتصادي .. نطلب من التي أجرت اللقاء ان تلتقي بالمحامين الموكلين لنعرف أبعاد إلقضيه لانه كثير قدموا مستثمرين للأردن الا انهم استثمروا و عملوا على ظهر البلد ملايين و هربوا مطلوبين بمبالغ .. للحياد و الانصاف نطلب التوسع في نشر الموضوع .. و التحقيق به و ليس الحصرية مع السيد تتروفسكي

مواطن

اشد على ايديكم في اثارة موضوع يخص الوطن لكن عدم توضيح من نقيب المحامين والسكوت على المحامين فهي في نظري جريمه هل هذه تصرف اعوان القضاه هذه امانه بين ايديكم لقول الحقيقه ولو علقم

شخص محايد الى صاحب تعليق رقم 18 للعلم اوروبا

كل الشكر لموقع عمون على نشر تعليقي فعلا الواحد صار اله نفس يشارك معكم وانشاء الله دايما نشوف هالحياديه الرائعه منكم

الاخ العزيز صاحب تعليق رقم 18 باسم للعلم اوروبا ، كلامك صحيح بانه كل اسم عائله ينتهي بـ "سكي" فهو في 99% من الحالات من اصل يهودي ولكن نرجع لموضوع الموضوعيه ووحقوق الناس وخاصه الاجانب

في رايي نحن لا يجب ان نحكم على الناس بسبب ديانتهم نحن نختلف مع الكثيرين من مواطنين دولة الاحتلال الاسرائيلي ليس بسبب دينهم ولكن بسبب مواقفهم وسياسه دولتهم ولكن لا علاقه للدين بذلك حتى لو مهما قلنا بان اليهود لا يحبونا ويكنوا لنا العداء ولكن نحن نتحدث ليس عنهم بل عن انفسنا ولا يجب في رايي ان نكن العداء لمواطن يحمل الجنسيه الروسيه لان اصل ديانته يهوديه وعلى فكره كثير من يهود روسيا من الذين لم يهاجروا الى اسرائيل وعائلاتهم تحمل "سكي" كثيرين منهم منذ زمن بعيد جدا يحملون الديانه المسيحيه ولم يتبقى ما يربطهم اي شيء لا باسرائيل ولا حتى بالديانه اليهوديه التي ليس من المفترض ان تكون عدونا كديانه

اعود واكرر رجائي للاخوان جميعا بالتحلي بالموضوعية في نقاش اي موضوع وشكرا للجميع

أحمد عريقات

بدل التهديد والوعيد بـ"مقاضاة" موقع إخباري كشف الحقيقة .. عليك بالاستقالة أيها النقيب

سؤال يفرض نفسه ؟؟

ليش دائما في قصص وحكايات لما يباع او يشترى عقار ؟؟
ليش ما تتنظم الامور وتتوضح ؟؟

جرشاوي

هاي النقابات بس همها تدافع عن دافعيين الضرائب لها بالحق او بالباطل

SURA

رجاءا رجاءا يا عمون ابحثوا في عمّان عن هذا المستثمر الهندي

وإسمعوا منه قصته وأنشـروها فلن تصدقوا ( بل أعجب من ذاك )..

yyyyyyyyyyyyyyyyy

الي بدو يضيع حقة يعين محامي

اردني

من اهم واكبر مشاكل الاردن هو ....

اردني

الى رقم 13 ,,,, اشكرك على اهتمامك وشرحك لكثير من الامور,,, سيدي ببساطة لاتعتبروا مستثمر , شخص اجنبي اراد شراء بيت وضحكوا علية,,, شو نحكيلهم برافوا عليكوا,,,, جماعة ... , لو صار الحكي مع واحد منا , مش منقيم الدنيا وما منقعدها

الحقيقه ...

اولا انا مبسوط على رقم 13 كيف لقيت كل هالوقت تكتب هالمجلد ...

شو أخبار البورصة يا مستقطبي الإستثمارات؟

بس يحلوا قضايا البورصة بتنحل قضيتك يا نفروفيسكي

مواطن

غالبية المحامين ....، لكن في المقابل هناك من المحامين من يمتازوا بالاخلاق الرفيعة لكن عددهم لا يتجاوز 1% من اجمالي المحامين، واخيرا الله يسهل على القضاءويقوم في عونه.

خائف على سمعة الوطن

بارك الله بك ياعمون ونتمنى أن تحل مشكلة المستثمر الروسي على يدكم فقد تم إتفاق الشركة الوسيطة مع محامي المستثمر في عيابه لإتمام عمليه الإحتيال وهذا شيء مخذي من سيثق بالسوق الأردنية إذكان محامي المجني عليه متواطئ ضده نتمنى أن تصل رسالتكم للملك نفسه لمحاسبة هؤلاءالمفسدين الذين لطخوا أسم بلدنا بالوحل بسبب أعمالهم ..

طلال الخطاطبه

سؤالي لحضرة النقيب: هل الساده المحامون معصومون عن الخطأ؟ و إذا أخطأوا فمن يحاسبهم. أنا لي قضية عند أحد المحامين بتمطمط من سنة 1997 الى الآن و ليس لها حل مع أنه قضية حادث سير ومش بحاجة لفلسفة يعني. بهذا الصيف ان شاء الله سأشكفها بمقال كهذا اذا لم يكن هناك حل منطقي مأك بتواريخ. لجأت للنقابة ممثلة بالسيد فلان الفلاني و اتصل بالمحامي المذكور الذي اتصل في و قال يا استاذ طلال ,,,,,,,, و اتاقفنا انه على خير. طيب أنا لا أريد أن اشتكي على المحامي لنقابة المحامين ( لأننها سنسمع مقولة يعني بتعرف بظل زميل) أنا أريد أن اشتكي للقضاء، اليس القضاء للكل؟

اعرفته عالدم

شكله من ..... !!!!!!

مشكلة وبدها حل عاجل

المشكلة ان المواطن الاردني لا يستطيع اللجوء الى القضاء إلا عن طريق محامي حتى لو كان دارس القانون ، ومع ان توكيل المحامي حق في جميع الدول إلا انه في الاردن اصبح واجب وهذا يخالف الدستور الاردني ، ولا بد من تعديل جميع النصوص القانونية التي تحرم المواطن من اللجوء الى القضاء بدون محامي

المحامي محمد ابورمان

احيي الشخص المحايدوانا معه واثني على كلامه وياريت قبل ما نجرح بعضنا ننظر لمهنتنا واضن ان الكاتب صحفي على ما اعتقد ومالك عمون صحفي وانا احييهم ...

غشيم

شكلو اصولو ...

د.علي سليمان

ياعمون والله جيبت مستثمر روسي من سنة 2007 قدمنا الاوراق مشان نستاجر ارض من منطقة العقبة الاقتصادية الشاطيء الجنوبي زي باقي المستثمرين وماخلينا حدا الا ودخلناه حتى مع ابو ... حاكيناه من روسيا لما كنت هناك بزيارة وحكولنا اعملو سكجات للمشرع وعملنا كل المطلوب و لحد الان طبل عند اطرم والله

الزعــــبي

نعتذر

مطلع

هذا مستثمر ............. ما خلى حهه فى الاردن الا وزجها بالموضوع مشكلته مع وكيله الذى فوضه لشراء الشقه ما هى علاقه الاخرين بالموضوع انه يشوه صوره الاردن والاردنين وليس كما يدعى

مستثمريين اخر زمن

يا اخوان قبل ما تعلقوا على الفاضي والمليان اقرأوا هو شو كتب على عمون الانجليزية اكثر من 8 صفحات بتاريخ 13-6 في رسالة موجهة للملك !!!!!!... !!!؟؟؟؟ الموضوع ببساطة زي ما هو كتب انو في بداية 2008 اشترى شقة مع الفورة زي كل هالناس ودفع عربون بلكي يربحلوا شي قرش ، بس بعدين للاسف صار النزول وهو الي بطل يشتري زي ما هو بحكي مش البايعين ، وراح للمحكمة واخذ حكم قضائي على الشركة الي اشترى منها عشان يرجعولوا العربون لان الاتفاق خارج دائرة الاراضي باطل ، وشكلوا لما نفذ الحكم طلعت الشركة مع نكسة العقار منتكسة ومفلسة ( هو بحكي انو قيمتها =0 ) خسرانة مثل كل هالناس الي خسرت في العقار ، وما قدرت الشركة ترجعلوا العربون، بس نقطة وسطر جديد!!!!!!
هاد كل الموضوع، شو دخل الحكومة في الطابق وين الفساد؟؟؟ كلهم قطاع خاص بقطاع خاص ، بعدين في مستثمر في الدنيا بصرف 100000 دينار عشان يرجع 17000 دينار زي ما هو كاتب في الرسالة الانجليزية للملك !!!!! غباء هاد ولا سذاجة ولا بتخوث علينا وصارلوا 4 سنوات بالبلد " بخطط " يستثمر فيها !!!! وراح واجا اكثر من 70 مرة !!!!! يعني بالشهر مرتين !!!! شكلوا لما يقبض راتبو في موسكو بيجي عالعقبة بصرفلوا الفين او ثلاث الاف دولار في ... ارخصلوا من موسكو الي فنجان القهوة فيها ب 100 دولار ، بعدين في رسالتو مو مخلي حدا مش عامل معوا مشكلة ومشتكي على المحاميين والشركة وشركة الوساطة ونقيب المحاميين ورايح لسميح بينو مدير مكافحة الفساد ، ولوزير العدل يشتكي على رئيس المحكمة في العقبة ورايح لمدير مخابرات العقبةوكمان راح مقابل السيد عصام روابدة مستشار الملك الي حاكيلوا بالحرف " كل هاي المشاكل صارت معك بالاردن ؟؟؟ مش يمكن المشكلة فيك مش في الناس " والله انا معك يا عصام بيك شكلوا واحد مشكلجي وجاي يعرط علينا انو مستثمر وبدو ايانا نفرشلوا سجاد احمر ونضربلوا تعظيم سلام لانو " بخطط " يستثمر في الاردن وموضوعو همالة مو اكثر ، وشكلو كل ما حدا يشوف مشكلتو بلاقيها تخويث في تخويث ، شكلوا بدور على المشاكل مشان يقابل المسؤولين ويصيرلو مقعد ، يعني عن جد مجنون يحكي وعاقل يسمع ، موضوعو اكثر من عادي وصاير مع كثير اردنيين مش "المستثمريين" ، ولا في فساد ولا ما يحزنون ، معو حكم قضائي ومو عاجبوا

س

ياسلام