ابو كرك

عن اي اردن بتحكي عنه هذا الا اذا قصدك اردن عمان الغربية فقط قال 70% لن يتأثروا اللي راتبه الف وعنده دار وما بدفع اجرة مش قادر يعيش بالظروف الحالية اقلك اللي عنده ولدين بالجامعة لو شو ما كان راتبه فهو شحاد بالظروف الحالية عن اي اردن بتحكي انت ؟؟ يا رجل انزل الشارع وشوف الناس بدها توكل بعض من الجوع حاور زي ما بدك الناس ما معها تدفع واللي بتحاورهم ما بمونوا على الناس حاور وجرب ارفع تانشوف وانشر لو سمحت

معلق

بضحك عمين يا رئيس الوزراء

وبعدين

كل الدنيا بدها تولع وهذا بقلك 70% من الشعب لن يتأثر!! فلم هندي

اقتصادي

اوقفو مخصصات ...

عامر حجازي

كانه عبدالله النسور عايش في مالطه مش بالاردن

طفيلي

والله مو صادق عن 70% بس عنك وعن الوزراء والاثرياء فقط لايؤثر على15% حسبي الله ونعم الوكيل

موسى البداينه

فاسدين امنا بالله .. امنا بالله اما توصل انو يحكي 70 %لن يتاثرو هاذا .....

ابن عمان الغربية

يا عمي انا سكان عمان الغربية ولا نحنا بنقدر نغطي بلاوي ومتطلبات الحكومة ثم شو ال70% الي بيحكي عنها من وين بيجيب افكاره من الخيال والله ليشوف الشعب على وجه اخر من اول اجراء بتتخذه الحكومة

خنفر

معنى هاد الكلام ولنفرض انو صحيح انو في 2 مليون مواطن راح يتسخمطو وبالنسبه لدولة الرئيس هدول فراطه

ابوصقر

عيدت يا نسور

محمد

روح شوف الكازيات ما حدا راضي يبيع ديزل

ناوي اصير سلفي

ارفع وبدي اشتري دشداش قصير واربي اللحية واقلب سلفي .. جايين تجسوا النبض بهيك خبر شو بتتوقعوا نصفقلكم ..

أتمنى صدور قرار مجلس وزراء سريع بتحديد حد أعلى لل

أتمنى صدور قرار مجلس وزراء سريع بتحديد حد أعلى للأجور , لأن هناك بعض المستشارين والمدراء والموظفين بعقود في مؤسسات الدولة والمؤسسات المستقلة يتقاضون مكافأت ورواتب شهرية تتجاوز خمسة وستة الالآف دينار في الشهر وهذا ظلم وينافي العدالة لأن أقرانهم من الموظفين يحملون نفس الشهادات والمؤهلات يتقاضون 400 او 500 دينار في الشهر , يجب تحديد حد اعلى للأجور بحيث لا يتجاوز مثلا ألف دينار في الشهر , وهذا سيوفر الملايين على الخزينة .

طالب فاشل درسة دولة ابو زهير حساب قبل 50 سنه

خابر دولتك استاذ رياضيات شاطر... شو صار لدولتك نسيت الحساب وصرت زي اللي قبلك ما بعرفوا حساب. ما كل المواد والمنتجات راح ترتفع. ومين جبت 70% و70 دينار ... كله حكي تخدير.
احسن اشي انهم ايدوا... جابين محافظين قدام رئيس الوزراء ووزير الداخلية وبدهم يقولوا لا....عجبي!!!!!!!!

سلطي

دولة الرئيس الافخم اذا كانت حسبتكم بان اصحاب الدولة والمعالي والعطوفة يمثلوا 70% من الشعب الاردني فحسبتكم 100% صحيحة. ولكن ارجو عطوفتكم الترويج لفكرتكم مع الطبقة الدنيا بالمجتمع واصحاب الافكار البسيطة التي يهمها قوت يومها فقط ، والابتعاد عن ترويج الفكرة للمسؤولين واصحاب النفوذ فهذا الاتجاه لن يجدي نفعا ولن يقف بوجه ثورة الجياع ، فهناك يا سيدي اكثر من 50 مقترح للحكومة بتحصيل اموال الدعم بطرق كثيرة ولن تمس الطبقة الوسطى او الفقيرة فعلا لا قولا وانا اتحدى بذلك ، وباسمي كموظف حكومة خذوا من راتبنا

كفاه الله

لا اقول الا حسبنا االله ونعم الوكيل ولاحوله ولا قوة الا بالله ولا اله الا الله واستغفر االله الحي القيوم لله الامر من قبل ومن بعد وانا لله وانا اليه لرجعون وين بدكو الشعب يروح بس احكولي لووووووووووووووووين بس لوين

ابو زيد

من شان الله الكازيات مش راضين يبيعوا ديزل

ما باليد حيلة

ما هو الحق مش عليك ،،، الحق على شعبك اللي بعده ساكت

سلطي

دولة الرئيس الافخم باسمي كموظف حكومة وباسم غالبية زملائي خذوا من رواتبنا وخلينا على ما احنا عليه افضل بكثير ما تضغطوا علينا بكرا نلجأ للتسول في الشوارع عشان ناكل

عايش بكندا الزلمة

يا خوان دولته بحكي مزبوط بس انتو ما بتفهمو عليه 70 % من الاردنين المغتربين (عايشين برة الاردن ) ما بتاثرو بالزيادة و الله ظالمينو .

الي فيها مكفيها يا ابن الحلال

روح شوف الناس الي معو الف ليره صار يحولهم دولار بعد هالتصريح الناري هيه ناقصه تخبيص وحيص بيص هذه كلام ؟

سلطي

دولة الرئيس الافخم كل الاردنيين يعرفوا بان هذا الاجراء من متطلبات البنك الدولي الصهيوني ... يا سيدي الشعب الاردني طيب ولو فتحت باب التبرعات والله لتلموا ضعف الاموال التي ستتوفر من رفع الدعم ، فيا سيدي لا تضحك على نفسك وتنفذ سياسات انت في الماضي كنت ضدها ، فلا تحرق حالك واستقيل افضل لبياض الوجه

ارفع خلنا نتفاهم على الاصول

ارفعووووووووووووواهالمرة جد ارفعوووووووووووووا والله .....

بكفي قهر

يا رجل مجتمع مع وزراء ومحافظين شو رايك يقولوا لالالالالا في غير حاضر سيدي حلوها بعيد عن جيب المواطن نصيحه والنصيحه كانت بجمل

مزبوط

كلام دولته مزبوط لأنه 70% ما راح يقدرو يسوقو سيارات ولا يولعو صوبات وراح يصيرو يطبخو على الحطب، بس دير بالك على الشجرات بعجلون لأنهم راح يتقطعوا كلهم

مواطن

اذا رفع الدعم عيب علي بظل بالدار سنخرج للشوارع يوالجمعه

اردني

مطالبين برفع الدعم عن الخبز وكل ما تدعمه الحكومة لان السائح والوافد وغيرهم يستفيدون من الدعم الحكومي
--------------------
والله السائح بطل يفكر يجي عندكم صار يهرب على شرم الشيخ ودبي صارت ارخص اما الوافد بسيطة برفع اجرته ويوميته وبتطلع من جلد المواطن بالنهاية كل شئ سيدفعه الفقير لانه الغني يرفع اسعاره ليعوض خسائره فالمتضرر هو الموظف ابو دخل محدود اين الفاسدين اين المنهوبات اين اموال الشعب والله لو تصلكم مليارات من السماء ستزداد المديونية ..

سحيج

احنا شعب دلوع وشاطرين بالمسبات والحكي الفاضي
اؤيد قرار دولة النسور 1000%
ارفع يا نسور وحنا معاك

اردني حر

عليه العوض ومنهالعوض

اردني حر

عليه العوض ومنهالعوض

اردني حر

عليه العوض ومنهالعوض

لك الله يا بلد

افتحولنا باب الهجره لسيرلانكا ما اسمهم الا بينا وبينهم عيش وملح بالك بثمر فيهم؟؟؟؟؟؟؟؟؟؟؟؟؟؟؟؟

منغول

!! كيف لن تؤثر على 70% !!!! يا رجل ستؤثر على الجميع 100% غني و فقير دون استثناء , كلفة الطاقة ان ارتفعت ستزيد معها كلفة الانتاج و كلفة الانتاج ان زادت ستزيد معها سعر المنتوج بالاضافة الى اجور النقل !! يعني اضرب باثنين !!!! فكيف لن تؤثر!!! و الا مكيف على الدعم الذي لا يغطي 10 % من الدخل المسهتلك جراء رفع الاسعار المتوقع و الذي هو اصلاً مسهتلك !!!........خافو الله

بركان غضب

حذار من الرفع في هذا الوقت المرعب من بركان غضب

وصلت حدها

لا تلوموا الا انفسكم بعد0000 الرفع

بالعربي

انت بتلعب بالنار يا نسور لحد هون وقف وعيد حساباتك قبل فوات الاوان

حاجب الثقات

يا حاجب الثقات ...... اتدرك ما تقول ام تعتقد ان الشعب مغفل واهبل

ثائر المترقب

بلغ السيل الزبى00 تسقط حكومة النسور

ابو الزيك

المعادلة خاطئة 100% يا دولة الرئيس يا دكتور ... اذا الحكومة تريد ان تصرف دعم نقدي فيجب عليها ان تدفعه لكل من يحمل رقم وطني ،،، او ان تقوم بدراسة الوضع المالي لكل عائلة على حدا ،،، لانه لا يعقل ان يصرف الدعم لعائلة مكونة من 3 افراد وتملك بيتا ودخل رب الاسرة فيها 950 دينار،،، بينما تحرم من الدعم عائلة مكونة من 5 افراد ولا تملك بيتا لان دخل رب الاسرة 1100 دينار يذهب 25% منه ايجار بيت.....

نعم لتحديد حد أعلى للأجور

أؤيد التعليق رقم 12 يجب تحديد حد أعلى للرواتب والمكأفأت والعقود والتقاعد .

ثائر الساكت

يقول تعالى ( اذا وقعت الواقعه . ليس لوقعتها كاذبة )

مومنى

على مين بتضحك ...

بنت القطاونة / المزار الجنوبي

شكلك ناوي على الاردن ولله ما بعرف من وين جابوك النا
حسبي الله ونعم الوكيل اذا 70% يمكن بتحكي عن اشكالك اما باقي الشعب وين يروح يلي هما 99% ما معهم ياكلو وعليهم ديووون ليووم الديووون
خاف الله بالشعب بس
احنا ما النا الا سيدنا هو يلي رح ينقضنا ..
حسبي الله ونعم الوكيل بس

محام

كل يوم تصـــريح....!!!!!!! موتتنا يارجـــــــــل!!!!!!!!

...

يكفي استخفاف بعقول الاردنيين . وحذار من غضب الاردني لانه زعله خام

سلطي

اتهموه ...

اضحكو على هالمساكين

نيالكو على هيك مواطنين

رائد الخطيب

يا اخوان لماذا السلبية. اقراوا كل المقال. وركزوا عل الايجابيات ان الحكومة ستقلص النفقات وتقلل الزيارات والوفود ودمج الهيئات الادارية. وان الدعم الحالي يستفيد منه من هو غير اردني من مقيم وزائر. هذه كلها امور طيبة يجب التركيز عليها.

amneh

يجب ان يسموا المشروع مشروع دعم الموازنة العامة وليس مشروع رفع الدعم عن المشتقات النفطية فالمشتقات النفطية اصبحت الرافد الاكبر لتمويل الموازنة فسعر اوكتان 95 سعرة اعلى من السعر العالمي والغاز المصري يمر باراضي الاردن الى الدول اخرى مثل سوريا وتركيا الا اذا كانت الاردن لا تتقاضى اي مبلغ لمرور الغاز عبر اراضيها الا متى ستذل الطاقة هي العبء وعي فعلا ليست العبء الا ان اصحاب القرار يجعلونها شمعة ليعلقوا اخطاءهم عليها بعدم معرفة كيفية ادارة الطاقة في الاردن وسامحونى

عدى النهار

انا بكره من الصبح رايح عند متصرف ماركا الشمالية علشان يشرحلي ليش رفع الاسعار وانا متاكد اني رايح احاول ان اقتنع؟!! بس ان شاء الله يكون هو مقتنع واذا ما اقتنعت راح اشوف رئيس بلدية الرصيفه

الى النسور

حابب اقلك انك رئيس وزراء الاردن مش قطر شكلك مخربط لما قلت 70%

المسمار والخشبه

الله سبحان وتعالى يقول في كتابه العزيز خذمن اموالهم حق معلوم صدقالله العضيم....وهذه المخاطبه لم تكون لاصحاب الجيوب الخاويه يا دولة الرئيس هذه المخاطبه لامثالكم ابتعدو عن جيوب الفقراء كل ما يجي دوله يضرب عتى هذا الوتر اتقو الله كثر الضغط مو كويس المسمار فايت كامل بالخشبه ليش تضرب عليه..........

القرص

يا دولة الرئيس واللة التاريخ لايرحم .الحسبه اللي حسبتوها خسرانه لانه كل واحد يدير النار على قرصه وسلامتك

مغترب

حسبي الله و نعم الوكيل . دولة الرئيس افعالك مش مثل أقوالك السابقة يا ريت بقية الصورة السابقة ما تغيرت

المحامي محمد احمد الروسان الحركة الشعبية الأردنية

يا دولة ابو زهير المحترم -ليدفع الغنياء في الأردن مزيد ومزيد من الضرائب لخفض عجز الموازنة -انظر أوباما يدعو الى وضع تشريع خاص ليدفع الأغنياء مزيد ومزيد من الضرائب --في الأردن طبقتين طبقة تزداد غنى وطبقة تزداد فقر لا طبقة وسطى لدينا مشان اللله افهموا علينا لا طبقة وسطى في الردن

المحامي محمد احمد الروسان الحركة الشعبية الأردنية

يا دولة ابو زهير المحترم -ليدفع الغنياء في الأردن مزيد ومزيد من الضرائب لخفض عجز الموازنة -انظر أوباما يدعو الى وضع تشريع خاص ليدفع الأغنياء مزيد ومزيد من الضرائب --في الأردن طبقتين طبقة تزداد غنى وطبقة تزداد فقر لا طبقة وسطى لدينا مشان اللله افهموا علينا لا طبقة وسطى في الردن

حي الطفايلة الثائر

هالمرة ما النا الي نسكر الشوارع حتى تنجبر الحكومة على تخفيض الاسعار مش رفعها وارفع وشوف شو الي بدو يسير

رجعوا ضريبة البنوك 35%

رجعوا ضريبة البنوك زي ما كانت 35%
رجعوا ضريبة البنوك زي ما كانت 35%
رجعوا ضريبة البنوك زي ما كانت 35%
رجعوا ضريبة البنوك زي ما كانت 35%
رجعوا ضريبة البنوك زي ما كانت 35%

رشدان

مش صادق بديش احكي اشي ثاني

سلطي بن سلطيا

لن نقف على باب اي وزاره لنشحد ولو متنا من الجوع ولكن اجروا ثوره الجباه

قرفان من البلد

ياقوم لا تتكلموا ...إن الكلام محرم ... ناموا ولا تستيقظوا ... ما فاز الا النوّم ...

علاء

تضحك علينا دولتك سمعنا من هالحكي كثير من كل اللي قبلك
ثم انه مهمة حكومتك تهيئة الظروف للانتخابات وليش مش قادر تستنى شهرين حتى تتشكل حكومة جديدة وهي تحل مشاكله اسعار المحروقات.

الدخل المتوسط

اذا قيس أصحاب الدخل المتوسط بدخولهم حسب مااعتبر هو 1000 دينار فهذا غير كافي لعائلة قد يكون لديها طلاب جامعات على نفقتهم وقد يكون رب الأسرة يدفع للبنك سداد قرض قد يصل الى 500 دينار في الشهر ولذلك يجب معرفة الضروف المادية لكل أسرة قبل اتخاذ القرار الصعب ؟؟؟؟؟؟؟؟؟؟؟

دواوين

طيب ... من ضمن ال 70% ؟؟؟

جرشي . ..

نحن لا نريد قرارات تؤثر على مستقبلنا . ونحن ايضا نحب اعز انسان النا . ونريد ان نحافظ عليه بكل ما اوتينا

حراااام ع هالحكومة

.. رئيس الوزراء؟؟؟؟؟هذا القرار راح يجيب ... واجل كل الشعب مش بس ٣٠٪!!!!! ارحموووووووووونا يا خوفي عالايام الجاية راح ناكل بعض من الغلا!!!!

٧٠ مين والناس نايمين؟؟؟!!!!

عم بتلعبوا بالنار يا حكومة ...اذا اخذتوا هذا القرار والله الشعب ..انه ما ضل في اشي يخسره!!!! بدال ما تصرفوا على السيارات .. الرجاء دعم الموازنة...وكمان حساباتك كتيييييير خاطئة.... ٧٠ مين والناس نايميين!!!!!!!!!!!!

ســلطي

ليـش ما بتنـزل من رواتب الوزراءوالنواب والاعيان السابقونون واللاحقون فقط 300 دينار والشعب بخير .

ســلطي

ما تعلمنا ..

من وراء افكاركم حلو عنا

شـحاذ

شــو رائيك اطلق المرة واواديها لاهلها عشان قرراتكم

احمد العجارمة

اوصيك خيرا بهذا البلد يا دولة الرئيس.... اقراء التعليقات بشكل جدي و متأني الليلة قبل النوم .... الامر جدا خطير عندما يصبح الموضوع حياة او موت بالنسبة للمواطن....

كركي

رح تتحول النسور الى .. بحال صار زيادة اسعار

هنــدي انــا

معادلة بسيطة للحكومة تركتوا الدنياوالقرارات ووقفت عند النفط

مصانع السيارات بالعالم يصنعوا السيارات وبصدروها وتصل البلد 5-7
دولار مع ربحهم وتشتري من السوق المحلي 20الف يدينار تحت مسمى جمرك

الحياة قرضة ودين

ام محمد

المهم ما ترفعوا الدعم عن الحراميه لأانهم حرام مش لاقيين يسرقوا مش مكفيتهم الملايين السنوية حرام!!!!!!!!!!!

عبادي

الله يستر من اخرتها شكله النسور من جماعه ولعها ولعها؟؟؟؟؟؟؟؟؟؟؟؟؟؟؟؟

ام محمد

الله يرحم أيام :" إن أرسلتموني إلى عمان .... " سقا الله لما كان الواحد فيهم يحلم بفوت مجلس النواب ,بس لما تخرج منه اختلف الوضع...!!!

شحادين من هلقيت

الى ( 18 ) من مين بدك تشحد يا مسكين م كلها راح تكون شحادين ومساكين ؟؟؟؟؟ النا الله وبس ( حسبي الله ونعم الوكيل ) .

علي

يا رجل اكيد الدكتور صار له شي مو معقول هذا الدكتور عبدالله النسور اما انه معمول له عمل او مسحور مش ممكن يكون هذا كلامه .. لا تكن سببا في دمار الوطن ابحث عن بديل للرفع

من عجلون

ههههههههههه ههههههههههه 70 اكيد

زياد

أوكد ان كلام النسور غير صحيح واقول له
خرجت علينا الحكومهالسابقه ولاكثر من مره بان
ايرادات الجمارك خلال ال 8 شهور الاولى من السنه الحاليه
بلغت مليار ، وان ايرادات ضريبة الدخل
والمبيعات كذلك بلغت مليار
وهناك مليار تقديري عن باقي السنههذا فقط 3 مليار
اضافه الى المليار من السعوديه وتم اقالة فارس شرف على اثره كما اودعت الكويت قبل شهر في البنك المركزي 300 مليون وهناك500 مليون من امريكا و300 مليون من اوروبا
السؤال: وين راحت المصاري / دور عليها يا ابوزهير قبل قرار الرفع
والا،،،،

مواطن مقهور

طبعا 70% من الشعب لن يتاثر.. ﻻن ال 70% تحت خط الفقر و مش ﻻقيين يوكلو. فﻻ يضير الشاة سلخها بعد ذبحها الناس ميته من زمان. حسبي الله و نعم الوكيل. الله يحمي الاردن من كل مكروه

بني سلامة

يا زلمة ما إنتوا طحنتوا 99% من الشعب الأردني، وكل قراراتكم طاحنة للشعب ومنعشة للفاسدين، ما أكثر فلسفتك يا معالي الوزير...

اردني

دقة ساعة العمل دقة ساعة الزحف

غاضب

والله لا نقلبها دندره
بدنا ناكل خبز يا عالم
والله الا انحاكم الللصوص بانفسنا
وبطريقتنا ، ونعيد اموالنا المسروقه بايدينا
ونوري الحكومه انو بنعرف انعيد افلوسنا ام لا

محمد علي الرفوع

متى يفهم المسؤولين اكلتوا أموالنا , وبدكو تحافظوا على المديونية
من جيوب الفقراء والله لن نسكت , لماذا لا يتم استرداد اموال الشعب من الكبير ثم الذي يليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طفيلي + كركي +معاني ع رصيف الميناء

دوله ابو زهير : كل الاحترام وبعد , اننا نعيش وسط الناس ونرى رأي الشارع وبصراحه اذا اقدمت على هيك خطوه راح تولع الامور ,,وستتراجع عن قرارك بسرعه البرق ,مع ترويحه ع البيت , ولكم بما حصل عام 1989 في الجنوب خير مثال ,,وأتفضل ارفع زي ما بدك ..................

احمد المومني

كل اردني ومعوا رقم وطني راح يستفيد من هاذ الدعم لانوا راح تسوء الامور اكثر بعدين

مواطن كركي

مش ملاحظ دولة الرئيس انه الجريمه منتشره و السطو المسلح صار شيء عادي و ضرب الشرطه في الشارع اصبح امر متكرر و سرقة السيارات حدث ولا حرج ... عن مين بتحكي 30% دولتك ؟
عن سكان دابوق ولا عن سكان عبدون ولا ضواحي عمان الغربيه ؟؟
تعال يا دولة الرئيس شوف الفقر و الجوع و الحرمان في بلدك الأردن عن كثب في قرى الكرك بلاش قرى الكرك،
مدينة الكرك نفسها بعد فيها ناس عايشين في بيوت قديمه و مفسخه
ارفعو اللي بدكو اياه بس مش رح تضمنوا النتائج ابدا
الله يحمي بلدنا من العابثين و اللصوص و يدلك عالخير يا بو زهير

ramada

هههههههههه .. ربك كيف هي طلعت معك

عبده علي القضاه

مشان الله خلونا في حالنا لانه حاله...الايام التي نعيشها احسن من احوالنا يكفي استهتار في قوتنا وحياتنا

ابن وطن

ليش ترفع الدعم معاليك طيب اجمع الاجانب كلهم وخد عليهم ضريبة عن الدعم اللي بتدفعوا الحكومة وهما مستفيدين منو وعن كل يوم موجودين فيه في البلد بستفيدوا من دعم حكومتنا!

الصعلوك

سيد نسور انني ادرك جيدا بانك لاتقدر ان ترفع
 بدون تنفيذ السياسا ت المجبر تنفيذها
وادرك ايضا بان الامر ليس بيدك
 والاهم مدركا به بانك تتمنى لو
 انك لم تبتلى بالوزاره 
 لكنت نمت نوما هادئا
....

مواطن ضمان

يا سيادة الرئيس اولا شوف شو رواتب الضمان و خصوصا مع القانون الجديد الذي دمرنا و شحدنا الملح من وراءه .. معدل الرواتب لا يزيد عن 200 دينار فكيف تتوقع من هؤلاء العيش الكريم .. انا شخصيا تضررت بالقانون الجديد و افرق معي على الاقل 100 دينار اليس انا احق بهذا الفرق مشان ترضوا الطبقة الغنية اصلا .. خافوا الله يا جماعة و الله يستر و يحمي بلدنا .. الظلم ظلمات يوم القيامة

مواطن شريف

انا مواطن اعمل ودخلي انا وزوجتي الف دينار ولكن عليه قسط بيت 400 دينار وقسط مدارس مع العلم انني اعمل من الساعه السابعه الى الساعه الثامنه مساء ولا يكفي الراتب حتى عشره الشهر والله حرام

غايب فيله

و 50% رح يندعموا وانت ما بتدري عنهم ، يا .... حبيبي

اكيد

ومن المؤكد ان قرارك المقبل سوف يضم ال 30% الى ال 70% ، فيصبح شعب الاردن كله فقراء

المناصير

جبتك يا عبد المعين تا تعين اتاريك يا عبد المعيين بدك ....

شحاد مش لاقي يوكل

انزل عا السلط وشوف الاسعار وقارن وجهة نضر الشارع مع وجهة البطانه ....مش الصالحه

كركي

وقرار رفع الدعم عن المشتقات النفطية لن يمس 70 بالمئة من المواطنين.
كلام عاري عن الصحه يمكن النسبه مقلوبه
70 بالمئه هم من لا يشملهم الدعم باين دولته عايش في بلاد مش بلادنا يا دولت الرئيس المعارض قبل ايام
والله نا وين على خرابها
....
الله ينتقم من الي باكل ثروات الوطن وبضلم المواطن
حسبنا الله ونعم الوكيل
.......

لم يبق دخل

16.5% ضمان اجتماعي غير ا جتماعي
16% ضريبة مبيعات على كل دينار تقبضه
30% نسبة الغلاء المرتقب بسبب رفع الأسعار
-------------------------------------
62.5% المجموع

الباقي عندكم وسلامتكم

سحيج

عن اي رفع بتحكو
انا خايف آخرتها رفع رجلين!!!!!!!!!!

أردني الولاء

ارفع يا نسورارفع بس رح تندم يا جميل

مواطن عادي

يعني متل ما بحكوا انهم بدهم يعوضوا كل فرد 70 دينار ؟؟ لو انا حسبتها احنا 5 افراد يعني 350 دينار سنوي ...... بنستهلك 4 اسطوانات غاز بالشهر يعني لو تم تحرر الغاز وصارت 10 دنانير للاسطوانه يعني 40 دينار شهري ب10 اشهر 400 دينار ..... هالدعم ما كفاني 10 اشهر هذا بس غاز كيف لو بدي احسب ما يترتب من رفع الدعم عن السلع الاخرى يعني هيك قرار يجب ان يكون مدروس اكثر من هيك

حقيقة مره

مع احترامي للجميع ؟ راح يتم رفع الاسعار ، وراح يقبل المواطن فيها واحنا الاردنيه مش شاطرين الا بالحكي !

الشمالي

حسب كلام الرئيس المخضرم الواهم رفع الدعم سيشمل 30% من الاردنيين هذا يعني سيشمل حوالي مليونى مواطن هل في الاردن هذا الكم اغنياء كلام ليس صحيح ولماذا المواطن يدفع ثمن سوء الاداره وفساد الحكومات والمجالس المتعدده والمتنفذين والتقصير بالواجب والاهمال وبيع الاوطان يجب عليهم هم دفع هذه الفاتوره ولا اعتقد ان الامر سيمر بسهوله المواطن اصبح فقير و جوعان ومعتدى عليه و لن يفيد ابر مخدره مؤقته كما اسأل ماذا سترفعوا السنه القادمه ؟؟؟؟؟

...هيك مجلس وزراء

على شو شادد حيلك عالفاسدين ؟؟؟؟؟؟؟؟؟
...

حلو عنا, والله لو ترفعو فلس واحد الا ننزل عالشارع وخربت لاعمرت , علينا وعليكم

كرك

يانسور لا تعملها نحن الكركيه نستشعر ان رفع الاسعار له تاثيرات سلبيه علي الوطن الي اهم منك ومني ومن البزنس في عمان -

كرك

يانسور لا تعملها نحن الكركيه نستشعر ان رفع الاسعار له تاثيرات سلبيه علي الوطن الي اهم منك ومني ومن البزنس في عمان -

الى الاخوة المعلقين

يا اخوان احنا لازم نشعر مع وطنا بتعرفوا انو عنا 2 مليون مغترب سواء سوري او عراقي وجنسيات اخرى بتستفيد من اسعار المشتقات النفطية مثلها مثل المواطن الاردني احنا من الثمانينات ونحن نتعامل بنظام الكوبونات يعني مش اشي جديد الي بحب الاردن لازم يخاف على الاردن ويوقف جنب الاردن .

عيدت

شكلنا رح نبني مخيمات في سوريا ... يمكن بتكون عيشه احسن
بدهم يرفعوا الدعم عن المحروقات و ناسين انو كل امر مرتبط بالمحروقات ... يعني لا اكل ولا شرب ولا لبس ولا دفا من الان فصاعد
حسبي الله ونعم الوكيل

اردني

الى رئيس الوزراء:
ليس المطلوب زج الفاسدين في السجون بل استرداد ما سرقوه ارجو ان تعي ذلك وكفاك الاستهتار بعقول الشعب الاردني

عبدالرحيم الطويل

لا حل لا حل لا حل إلا بــــفـــــــرض الزكاة الزكاة الزكــــــــاة

عبدالرحيم الطويل

الـــــــــزكــــــــــــاة هــي الـــحــل الــمــثــالــــــي

عبدالرحيم الطويل

أطـــالـــب كل من يغار على هذا البلد بفرض الــــــزكــــــــاة

رجاء حار إلى عمون

رجاء حار جداً إلى عمون أرجوكم يا عمون متابعة هذه القضية بالنسبة للموظفين المعينين على حساب مؤسسة المتقاعدين العسكريين وخاصة الموجودين في وظيفة أمن وحراس لقد تم رفع الحد الادني للأجور ولم يتم رفع أجورنا وما زلنا نتقاضى 150 دينار منهم 10 دنانير ضمان والباقي 140 دينار انتم ادرى شو بعملوا هضول ولي راتبه التقاعد معلولية وراتب تقاعد ضئيل شو بسووله اطلب من عمون المتابعة لما تحكي ألى المؤسسة التي تعمل بها بحكولك احكوا لمؤسسة المتقاعدين لانها هيه ابتوخذ الضعف منهم على الفرد

اقتراح

المواطن جرب كل انواع الرفع وعليه أقترح تجريب...

اردني تلفان

بصراحة يا رئيس الوزراء البقرة الحلوب (الشعب ) نشفت وان الاجراء القادم هو القطع من الجلد والعظم لانة ما فية لحم اصلاً ..... بصراحة اكثر الشعب لم يعد باستطاعتة الصرف على الحكومة

ليث العتوم

وماذا بالنسبة للعائلة التي بها ابناء موظفين غير متزوجين هل يتم حسابهم كدخل للعائلة و هم مقدمين على زواج و فتح بيت زوجية آخر ؟

هل عليهم بعد الزواج التقدم بطلب لتلقي الدعم على نفس الشروط ؟

النسور

يوم ما انتخب بالنيابة قال لأهل السلط لما كان وزير تعليم هيني وظفتلكوا بالشمال (اربد) 350 واحد ............ شو بدو يطلع منو ؟؟؟! ..

عصمت المومني

دولة الرئيس تحية طيبه وبعد راح يكون الشارع بينا اما حياة كريمة او موت والسلام على من رحم المواطن الاردني

موسى المناصير

بسم الله الرحمن الرحيم ان قراءة التعليق كامل 99% رافضين التعديل وانا كمان بس بدنا حلول مثلا وين الفط الردني معقول جميع الدول المجاورة تمتلك الفط وحنا دايرين نشحد

بنت الاردن

حسبنا الله ونعم الوكيل فقط اوقفوا سيارات المسؤولين

مواطن غلبان

رأيت فقيراً يبكي فقلت ما الخبر ؟
قال:الأسهم تلاشت وليس لها أثر

وطلبت من الصراف سلفة فاعتذر
وكل شئ زاد سعره إلا البشر

الأغنام والجِمال والدجاج والبقر
والألبان والأجبان والفواكه والخُضر

وابن آدم لايزال ذليلاً ومحتقر

وازداد الفقر بين العوائل والأسر
والراتب ينتهي قبل نصف الشهر
والدنيا تسير من جرفٍ لمنحدر

فقلت له :إذا ابتليت بالهم والكدر
قم وصلِ لله ركعتين قبل السَحَر
فهو يرزق من دعاه بجناتٍ ونهر

للأمانة: منقول

علي الحميدات

اذا كانت العائلة مؤلفة من 6 افراد منها 2 يعملون براتب 300 دينار للواحد وهم بسن الزواج بانتظار تحويشة العمر من اجل الزواج ورب الاسرة راتبه 500 دينار منها 200 دينار اجرة بيت واحد الابناء طالب والاخر طالب جامعة خاصة فهل من العدل ان يحرم هذا من الدعم يا دولة الرئيس ؟ اليس هذا من العائلات المستورة ؟ هل هذا يقارن بشخص راتيه 900 دينا ر ويملك بيت واسرته زوجة وابن ؟ ارحونا لعل الله سبحانه وتعالى ان يرحمنا ويزيل عنا هذه الغمة غمة الغلاء والبلاء وقلة الموارد

70 + 30 = 100

ممكن يا دوله الرئيس تعطينا المعادلة يللي على اساسها حكمت انه نسبة المتأثرين بالرفع هم 30% ... وليش يتأثروا أصلا ؟؟؟
لازم تغير معادلتك وتزبطها على اساس تكون نسبة تأثيرها على الشعب 0% لانه حتى ال 30% ما الهم ذنب بديون الدولة وضعف ادارتها حتى يتحملوا سدها وترقيعها

مهستر

سجل موقف تاريخي يا رئيس الوزراء قدم استقالتك وزارتك عمرها قصير الاردن بلدك وبلد ابناء الحراثين لا تنسى زمنك وزمن ابوك زمن البسطاء والفقراء

البقمي

رفع الاسعار يعني حرق البلد هذا ما عندي

ابو رمان

انا مدعوم ومش مأمن ..انا مدعوم وبالجوع متفنن ...انا مدعوم والفلافل بجنن ...انا مدعوم وما تسولفوني عن اللحم المتعفن