صباح الخير يا اصدقائي
قبل شهر كنت ارعى بغنمات صديقتي الختياره ام سليمان.. وأنا مروح من رعي الغنمات,حكيت لصديقتي الختياره ام سليمان,انه العنزه البيضا مريضه ويمكن تكون ممغوصه أو زعلانه من ارتفاع الاسعار...ضحكت أم سليمان وهي مستحيه,وحكتلي العنزه البيضا مش مريضه ,هاي عقبال عند مرتك بدها تولد,انبسطت لانه غنمات الاردنيين زادو واحد .. ودخلت على بيت صديقتي الختياره ام سليمان عشان اتعشى .. وانا بتعشى نادت علي ام سليمان وحكتلي ابشرك يا عمر العنز البيضا ولدت وجابت( ولد)قصدي جدي, وحكتلي أم سليمان انها بدها تسميه عموره.. وحكتلي شوه رأيك يا عمربهذا الاسم؟!, جاوبتها وحكيتلها سميه زي ما بدك ,هو فيه فرق بين الانسان والحيوان هاي الايام

ومن شهر أم سليمان وهي بدلع الجدي عموره.. لدرجة أنه أنا صرت أغار منه .ومبارح فقدنا عموره.. ودوخنا واحنا بنبحث عنه , وتوقعت أن السيد السيد عموره يكون عند الجيران,لأنه الجيران عندهم سخله حلوه كثير كثير كثير... وبعد ساعتيين واحنا بندور على السيد عموره شفناه فوق سطوح الجيران بده ينتحر. وسألناه ليش بدك تنتحر يا عموره؟؟.. حكى انه الناس ما بيخلوه يمعي على كيفه ويحكي على كيفه.. وحكالنا أنه دايما محشور بالحضيره وما بيخلوه يطلع , وحكالنا كمان انه الكبش بده يخليه ينظم النسل مع صديقته العنزه غصب عنه, وكمان الأسعار نار
وبعد مفاوضات استمرت لنص الليل مع السيد عموره.. حكيلنا لعموره انزل و أي شي بدك ياه رح يصير..وصار يغني الجدي أغنيه مطلعها يقول ( ما بنزل ما بنزل يا دادا ما بنزل ألا بخاتم الماس).
ورمى عموره حاله من فوق العماره وانتحر, وبعد فتره انتحرت سخلة الجيران لأنه كان يربطها علاقة حب وعشق

عموره من مات فداء للمحبوب والوطن , فقد مات شهيدا يا عموره