الاردني

الحكومة قالت سابقا
لا تغيير على وضع السيارات الهجينة

جاسم

هيك ما حدا بشتريها لانه فرق الجمرك بتحطه بعد سنتين ثمن بطاريتها اللي بالالوف غير انه تأمينها وترخيصها غالي وما حدا بالبلد بفهملها اللي كان مشجع الناس الاعفاء وهيه طار

اردني

حكومه .......... والضرائب

الكرك

اصبح الموضوع جباية فقط .....

متناقضة

صهيب الخزعلي - الامارات

عفية النشمي

اردني حر

حرام يا حكومة ....

ابو يزن

خطأ ضريبي حكومي آخر

ابو عيون

ايها المواطن الاردني عمرك لا تفكر ان الحكومة تفرحك وكل شي بنكد عليك ابشر فيه منها وطارت الهايبيرد واحتفالا بهذه المناسبة قررت احرق عجلين كاوتشوك تضامنا مع بيئة الحكومة

الله ايديم الحكومه ولايحرمنا من بركاتها

ابراهيم

يعني شو نعمل بخلونا نشتري السيارات وبعدين بطلعولنا مليون شغلة ليش الحكومة عند اصدار قرارها بعدم فرض ضريبة على السيارات الهجينه ما في قانون والا بس مسؤول طلع وحكى انه مافي ضرائب بدون قيود الله

مغترب

حيث كلما زادت سعة المحرك قلت فعالية السيارة في المحافظة على البيئة.

الي بتشوفه الحكومه هو الصح. ألعالم المتقدم كله بقول انها صديقه البيئة الا الاردن بتقول كانت وبطلت. يعني بين قوسين ورطونا فيها ورجعوا بكلامهم

مواطن مستهجن

الخير بقول وغير والحكومة قالت بالاول ما في ضريبة وغيرت حكيها
ههههههههههههه

مغترب

الموضوع (الاعفاء) كله من اساسه غلط. الي ستفاد هو السيارات من البلد. الدول بس تلاقي توكل وتشرب ويصير عندها اقتصاد قوي بعدين بتفكر بالبيئه احنا كل همنا البيئه!

اردني - الرياض

يالله يا شعب اول الغيث قطره... مديونية الدوله ارتفعت وزاد ..من وين ؟ ضرائب اضافيه ... الواحد كل ما فكر يرجع عالبلد برجع يكتشف انه ....انشري يا عمون

ATR kUWAIT

....اذا كانت السعات الكبيرة للسيارات هي المشكلة ونريد ان يبقا الوضع على حاله كما يدعي التاجر الذكي
فسهلة بنعمل ضريبة على السيارات الهجينة كبيرة السعة مش طعا وقايمة على الكل
؟!!! ممكن .....

ابو ليث

مشان الله حطوا ضريبه على الهوا وهاي لحيتي اذا حدا بقول ليش

ibrahim

الحكومة عايشة على الضرائب.الله يعين الناس

بدو الشمال

عمرها الحكومه مابتطلع خسرانه لسى الترخيص والتامين

صالح الحموري

يحرم الفقراء من أقتناء سيارات صديقة للبيئة، كان المفروض ان تكون الجمارك مرتفعة على السيارات الكبيرة وعدم وضع جمارك على السيارات الصغيرة الصديقة للبيئة وقليلة انبعاث الغازات الدفئية، الغريب ان الاردن وقع على الاتفاقيات الدولية ويرفع شعار المحافظة على البيئة وهذا القرار عكس ما تقول.

مظروب

ظريييييبة!

قرفان

بداء مسلسل التضييق على الشغب... الله يستر من القادم

هشام

يعني كيف بدنا تدعم الحكومة ونخفف العجز ... لازم الشعب يتحمل والا شو يا عمي

هشام

يعني كيف بدنا تدعم الحكومة ونخفف العجز ... لازم الشعب يتحمل والا شو يا عمي

من لب السلط

الله يرحمك ياجدي ... على ايامكو كانت الحمير هايبرد....

مصدوم

هيك يعني اذا الحكومة نفت اشي معناته رح يصير

خبير

اولا البطاريه ما ابتتغير كلها صفائح ثلاث اذا خربت واحده ثمنها 16 دينار فقط والبطارية عمرها 15 سنة وترخيصها عادي زي السيارات العادية وانا املك سيارة ابتمشي معي اكثر من 500 كم بالصفيحة الواحدة والي بقول غير هيك بسمع سمعة ولا يعرف الحقيقة وبعدين للحقيقة تصليحها كل من يملك كراج فحص عالكمبيوتر بلاقي برنامجها وبسهولة بعرف الخلل ثم يرسله للمكانيكي علما بان هذه السيارات نادرة الخراب الا اذا استعملها صاحبها استعمال خاطىء جدا واهمل بها وأسألوا اهل الخبرة مش اي واحد بدون علم.

مواطن كوكب اخر

بالفعل كل اشي بتنفيه الحكومة بصيير ما قبل شهر نفت الحكومة الموضوع شو جد عبالكو ؟

السلط

حسبي الله ونعم والوكيل بس بتصور ما رح يأخذ

مشررت

واخيرا لقولها طريقة..كانت مسألة وقت لا اكثر.. عاجلا ام اجلا كانت هذة النعمة ستزول..

مواطن

انا مع رقم 1 وهذا يبين عم مصداقية الحكومه بشكل قاطع

مواطن

ليش مايكون قرار ستبدال سيارات القديمه لطفرانين معفي من الجمارك مقابل شطب بكون في حرص على سلامه والبيئه يوجد سيارات عفى عليه دهر وتعمل وتسبب حوادث كثيره بكون في تشجيع للمواطنين على تخلص منها

ابن عمان

الم يكن من الافضل بدل فرض هذه الضرائب على السيارات الهجينة ان يتم الزام مستوردينها بتحديد سعة المحرك المسموح به لاستيرادها وذلك لضمان تقليل استخدام الوقود وحماية البيئة من التلوث وهو الحل الافضل لتحقيق هذا الهدف الذي تحرص الحكومة عليه. .

مواطن ادني

ارجو من الحكومه العمل على شطب سيارات الصغيره القديمه مثل ما عملو على شطب الباصات وشاحنات القديمه من اجل العمل على خفض نسبة الحوادث والمحافظه على البيئه بكون المنظر حظاري اكثر بدون الخرده الموجوده في اشارع مع العمل على عطئهم عفى جمركي تشجيع لهم على ستبدال سيارتهم

سؤال ؟؟؟؟؟؟؟؟

متى سيسمح للمقيم الاردني الذي يعمل بالخارج احضار سيارة معفاة من الجمارك بعد عودته النهائية للاردن .... علما بان هذا معمول به بالكثير من الدول العربية وممكن ان تقوم الجهات المعنية بعمل دراسة عن ذلك..... وهذا اقل ما يقدم من تسهيلات للمغتربين الذين يساهمون بتمثيل بلدهم الاردن في الخارج وبما يقومون به من مساهمة في ازدهار بلدهم وتطوره من خلال تحويلاتهم واستثماراتهم المالية في اردنناالحبيب.

ياحبيبي

ليش ما سمعنا انه فيه اعفاء للسيارات القديمه"وبين الوزير ان تعديل نظام ضريبة المبيعات الخاصة تضمن إعفاء المركبة المهجنة التي تستبدل بدلا من السيارة القديمة التي يتم شطبها بذات سعة المحرك أو اقل بإعفاء من ضريبة المبيعات الخاصة بنسبة تزيد عن 50 بالمئة من قيمة ضريبة المبيعات الخاصة بحيث تخضع لضريبة مبيعات خاصة بنسبة 40 بالمئة بدلا من 81 بالمئة وهذا سوف يساهم في شطب السيارات القديمة واستبدالها بمركبات جديدة تحافظ على البيئة والتقليل من حوادث الطرق وتحديث المركبات العاملة في المملكة" والله ةماعرفت الا هلا وانا بقراء بالخبر.

عقاب

تعليق 2 الاخ جاسم تحليك في مكانه

عقاب

تعليق 2 الاخ جاسم تحليك في مكانه

ابو عباد

وقع في سلة تين

هلا والله

بليز شو يعني سيارات هجينه بليز حدا يبعث تعليق شو يعني سيارات هجينه اموت واعرف شو يعني

محمد

يا عالم مامعنى السيارات المهجنه

عاشق الهواء الطلق

لاحظوا يا اخوان الالفاظ...ان اقرار الضريبة معالجة التشوهات التي احدثتها السيارات بالسوق....مش قرشين زيادة....بعدين هم قالوا انوا مافي تغيير عالاعفاء قبل شهر...شو غير رايهم....او انهم مستخفين في عقول البشر...يعني بالمشرمحي راح تظلكوا تركبوا كوري باحسن حالاتكوا يا شعب او تستعملوا النقل العام.....ولي بركبوا السيارات الفارهة لا تتفرجوا عليهم عشان ما تتحسروا

لا حول ولا قوة الا بالله بعدين

د.

اهلا تشوهات ؟؟؟

اربداوي

بعد ما اشترى سياراتهم بدون جمرك فرضوا الجمرك على باقي الرعية

ابو الهيجاء المعاني

على الحكومة رفع نسبة الضرائب على الهجن واغاني الهجينة وذلك للتعويض عن النقص الحاصل في الموازنة لهذا العام

عبود

اذا الشعب بفهم ما حدا بشتري هاي السيارات وخلي اميركا قطعها فيها لانه ما في قطع صيانه للسيارات هاي هون

Amani / Milano

Its not correct . Look to Japan and Usa and EU

تلولحي يا دالية

في كل دول العالم الحكومات تقدم تسهيلات مالية لمن يحافظ على البيئة...بس عندنا لازم انت كمواطن تقدم اموالك للحكومة لأنك عايش بالهبيئة...انا قررت ان اصبح من الان فصاعدا عدوا للبيئة...ما راح اخلي كيس بلاستيك او كوتشوك الا واحرقوا...وما راح اخلي مادة كيماوية الا وازتها بالتربة الزراعية...وبدي استعمل السبراي الي بخزق طبقة الاوزون لعل الوضع بتحسن مع بيئة من هيك

عرقوب الهواء

اها هيك الوضع الطبيعي احنا قلنا من قبل الوضع غريب كيف هالحكومة تعفي شغلة من ضرايب هو بطلع منهم

عامر

والله الحكومة الاردنية محتارة كيف تلم مصاري من الشعب يعني حرام على هالشعب يركب سيارات بتوفر عليه شوية بنزين ياخي ضعوا ضريبة على المركبات ذات المحركات الكبيرة
اذا انهم فعلا سائلين في موضوع المحافظة على البيئة

كما تكونوا

على حالهم ول عالناس

....مثل الشعب

مع القرار

بالنسبه الى ترخيص وتأمين السيارات الهجينه هو نفس قيمة السيارات العاديه التي تعمل على البنزين باستثناء 10 دنانير زياده سنوياً على التأمين. أما بالنسبة الى صيانة السيارات الهجينه فهي تتساوى مع السيارات العادية ومراكز الصيانه منتشرة، والتاس الي خايفين من البطاريه بحب احكيلهم انه العمر الافتراضي للبطاريه هو 10 سنوات بالنسبة لسيارات التويوتا واللكزس، سعر البطاريه الجديده يتراوح من 2000 الى 5000 دولار! السيارات الهجينه فيها تقنية تكنولوجيه عالية جداً واضافات فارهة وتعد أفضل من سيارات البنزين وسعرها بجميع انحاء الدول الغربية أغلى من السيارات العادية. انشالله لما يتحسن وضع موازنه الحكومه تعفي جميع السيارات، بغض النظر عن وقودها.

وهكذا تم انهاء حياة السيارات الهجينه قبل ان تبدأ

لا اعلم لماذا اشم رائحة

عامر- حسبنا الله ونعم الوكيل

انا مستغرب يا معالي الوزير ما دام في ازمة مالية في البلد وديون زادت ل 12 مليار مين الي اتخذ قرار ازالة ضريبة المغادرة في الحدود وهذا القرار في كل الموازين لا يعتبر لمصلحة الأردن لأنة الأن الناس قاعدين بسافروا خارج الأردن مجرد وبدون هدف الا اخراج فلوسنا خارج بلدنا

يوسف العبيدي

القرار , وراح يندموا لانهم بشوية ليرات مع ان منظمة تابعة للامم المتحدة تدفع الضريبة الجمركية عن هذه السيارات.هلا عمي

تاجر سيارات

نتمنى من الحكومة الكريمة ان تفرض ضريبة على موديل السيارة فلا يعقل ان يدفع شخص موديل سيارته 1970 ضريبة مثل اخر موديل سيارته 2010 لذلك كلما زاد سنة الموديل المفروض يدفع صاحب السيارة ضريبة اكثر وكلما كانت ماركة السيارة اشهر كلما كان المفروض يدفع اكثر ليتحقق العدل لانه ليس من العدل تفرضوا ضرائب على الفقراء بسياراتهم التالفة وتتركوا الاثرياء ياحكومة مشان الله تركزوا على الاغنياء وتتركوا الغلابى بحالهم

مواطن

يعني البلد اتعبت سيارات وبعدين بطلع قرار استيفاء جمارك الله يكون بعون الحكومه التي بقراراتها لو بدكم صحيح تدعموا الموازنه فلتخفف الحكومه من مخصصات الوزرات والوزراء
مثل السيارات الفارهه ومصاريف السفر درجه اولى وفنادق 5 نجوم ناهيكم عن العلاوات وبدل السفر الى غير ذلك اي يجب عليها ان تتقشف حسب الوضع الراهن ولنرى حجم التوفير

مالك

لا حول ولا قوة الا بالله

مش فاهمة الخبر، يعني قديش قيمة الضريبة؟

ماجد حسين

اصلا يجب ان تعرفوا بانه لا يوجد تخفيض كما يقولون انه لا يوجد جمارك حيث انك تدفع الترخيص سنويا بقيمة اعلى من السيارات العاديه بكثير حيث انك تدفع الجمارك ولكن بالتقسيط حيث انه يصل ترخيص بعض هذه السيارات حتى ولو كانت سعة المحرك صغيرة الى 400 دينار سنويا
هذا كله

ناس !!!

مراقب عن كثب

الانسان , الله يطول عمر الانسان 150 سنة و اكثر للذكور و 120 سنة و اكثر للاناث .

محامي

هاي جبايه ممنهجه وعيب الي بصير

ابو فهمي

الحمد لله الي نزلوا القرار و أقرّوه لانه كان الشغل الشاغل للحكومة والحكومة ما كانت عارفة تنام من ورا سيارات الهايبرد ,, المهم ما بدهم يشوفونا عايشين ولا راكبين سيارات زي العالم والناس.

رهيف

والله لو الناس تركب ليدفعوهم عليها جمارك وضريبة

كركي

الله يقويكو

كفركيفيا@الاردن@شجرات ال10

نحن شعب حبانا الله بميزه تختلف عن شعوب الارض ميزة دفع الضرائب هذا قدرنا فلماذا كثرة التعليق والكلام الزايد كل ضريبه لها مبرراتها والحكومه دايما بتعمل لمصلحة البلد اما ما قالته الحكومه بانه لايوجد تغيير على وضع الهجين صحيح ماغيرو اشي بعدها بتمشي على اربع عجلات وبتشتغل على كهربا وبنزين ما اتغير عليها اشي هاضضضضض قصد الحكومه

كفركيفيا@الاردن@شجرات ال10

نحن شعب حبانا الله بميزه تختلف عن شعوب الارض ميزة دفع الضرائب هذا قدرنا فلماذا كثرة التعليق والكلام الزايد كل ضريبه لها مبرراتها والحكومه دايما بتعمل لمصلحة البلد اما ما قالته الحكومه بانه لايوجد تغيير على وضع الهجين صحيح ماغيرو اشي بعدها بتمشي على اربع عجلات وبتشتغل على كهربا وبنزين ما اتغير عليها اشي هاضضضضض قصد الحكومه

هههههههههههههههه يعني بعد ما سيارات قرروا

ههههههه والله اشي بضحك وببكي بنفس الوقت

ابو سند

يلا بتمونو حتى على فرحتنا

يا جماعة

زي ما حكوماتنا الرشيدة قضت على آمال الاردنيين بشراء و لو شقة صغيرة ، الآن تكمل المشوار بالقضاء على حلم السيارة و هكذا حتى تصبح الاحلام نفسها "حلما" ، و نشكر الحكومة على كل ما تقدمه لنا و الى مزيد......

صابر صبور

حكومتنا الرشيده لها ماشاء الله سبع نوايا على قد أيام ألاسبوع نواياها كل يوم شكل تختلف نوايا الليل عن نوايا النهار . أرحمواالشعب الطيب ألاصيل .أرحموا ما في ألارض يرحمكم من في السماء.

مشان الله

يعني مشان الله ما بلاقوا خزق الا بدخلوا في ما خلو اشي الا و في ضريبة قال شو محافظة على البيئة مفكرين الشعب اهبل والله عمركم ما ولا رح حسبي الله و نعم الوكيل

طايل الحجي ذيابات

خلال الأسبوع الماضي قرأت تصريحا لأحد الوزراء يؤكد فيه "بأنه لا يوجد نية لفرض ضريبة على السيارات الهجينة" واليوم نرى العكس ... لماذا؟ الأصل في الحكومة أن تكون حريصة على مصالح مواطنيها، لا أن تخدعهم، هذا من جانب. ومن جانب آخر أقول لمعالي أخي الدكتور محمد أبو أحمور وهو اقتصادي أشهد له بالكفاءة، أقول له "هل أنت مقتنع بتصريحاتك حول الموضوع؟". أن ما ساقه معاليه من تفويت فرصة ضائعة على خزينة الحكومة، كلام غير دقيق وغير علمي على الإطلاق، فالنظر إلى جدوى فرض ضريبة من عدمه على السيارات الهجينة أو غيرها من المواد والسلع يجب أن يتم ضمن تحليل جميع المتغيرات الاقتصادية والاجتماعية والبيئية والصحية ذات العلاقة، ويتم اتخاذ القرار ليس على أساس عائدات الخزينة، ولكن على أساس العائدات الاقتصادية ورفاهية المواطن الذي تدعي الحكومة أنه هدف التنمية وأداتها؛ وإذا كانت الحكومة بحاجي إلى دعم الخزينة فعليه الإتجاه إلى البنوك التي يصل فيها هامش الفرق بين فائدة الإقراض والودائع إلى ما يزيد عن 10%، وعليها مكافحة الفساد وسؤال الأثرياء من المسؤولين "من أين لكم هذا؟ وعليها، وعليها،...الكثير الكثير. كاقصادي أقول للحكومة ألله يعطيكوا العافية، ولكن اتقوا الله بمن توليتم أمرهم، واتجهوا إلى تنشيط قطاعات الإنتاج السلعي والخدمي، وافرضوا الضرائب على هذه الأنشطة كما شئتم، ففلسفة الضرائب على الواردات لم تأتي يوما لزيادة إيرادات الحكومة ولكنه تأتي لحماية وتشجيع الإنتاج المحلي، فأين بديل السيارة الهجينة المحلي...؟

سلام يا صاحبي

لا ياعمي إحنا من هواة تلويث البيئه وكل ما دخنت السيارة بكون أحسن هو هو ومعلش إحنا

مش فاهم

مش فاهم بدهم يقللو من السيارات اللي سعة محركها كبيرة اكبر من 2500 س س ومع هيك فرضو ضريبة على كل السيارات مهما بلغ سعة محركها؟؟؟ لهالدرجة مثلا؟

جمال

بلا بيئة بلا هم.... بيئتنا بالتجنن ونظيفة جداً... الكوري المدخن أحسن.

بكفي ضرائب - عماني

أي زهقتونا كل يوم ضريبة شكل وقانون شكل ما ظل غير الهواء الذي نتنفسه تفرضوا عليه ضرائب وبعدين لمتى فرض الضرائب التي لم نعد نحتملها ... كفى كفى كفى يا حكومة ...ارحمونا

ليش يا عمون مابتنشروا التعليقات اللي بتنكتب

القناص

لا حول و لا قوة الا بالله و يا اخي الا طبع طبع و يلي ربع ربع !!! هو معقول !!!

موظف

موضوع سيارات القديمه ونسبة والاعفاء الغير مفهومه هو على المواطن شطب سيارتك مقابل فرق بسيط هو 15 بالميئه عن الغير معفاء وهنا يجب شطب سيارتك القديمه احسن شي خليك على متعوسك لا يجيك أتعس منه

كركي

بدها زغروته يا هلاله

سلطي مقهور

والله وتلولحي يا دالية

خالد

الموضوع عادي جدا
اي شي بجيب فلوس حق لنا نفرض عليه ضريبة
الموضوع ليس بيئة وغيرة من كلام التنظير

عواد

طيب يا اخوان سؤال الله يخليكم ؟ الي اشترى سيارة هجينة و دفعت حقها بس السيارة بتطلع من امريكا في 15 الشهر يعني لسى البوليصة ما طلعت ؟ مش فاهم يعني القرار بشمل سيارتي او لاء عندي اوراق بتثبت انها تسلمت لشركة الشحن قبل اسبوع من القرار لانه والله مش فاهم راسي من رجلي من هالقرار وشكرا يا اخوان مقدما على المساعدة وشكرا يا عمون على النشر

salm

بعدكو ما شفتو شي اصبرو الضرايب على الطريق نعث

فراس

وين ذانك يا جحا
ما في فايدة ورانا ورانا
الله يستر من ضريبة خاصة على الهوا اللي منشمه

كركي

يعني المنطق انهم يعطوا الناس فرصة عالاقل لاخر السنة كونه الضريبة محطوطة محطوطة بغض النضر عن مصداقيتها

كركي

هذا الشعب الذي يصريف على هذة الحكومة الله ينصر هذا الشعب .... !!!!!!

توتا

يعني بقدر بدل سبارتي القديما فيها بدون رسوم

ربي لا حسد

ما تنسو يا اخوان ارتفاع اسعار السيارات التي تم اعفاءها سابقا

د. نزار الحموري

لماذا تصر الحكومة على تنفيذ عكس ما تصرح به... فمنذ شهرين خرج علينا احد مسؤولي الحكومة تانفيا نيتها فرض اية رسوم على السيارات الهحينة... واليوم تعلن فرض رسوم عليها...
لن اناقش هنا موضوع تأثير هذا القرار على سوق السيارات الهجينة... ولمن ما اود طرحه هنا العلاقة ما بين الحكومة وتصريحاتها مع المواطن... هل وصلنا مرحلة انه يجب عكس التصريحات الحكةمية لنعرف توجهاتها الحقيقة... وهل هذا يطبق على اسطوانة الغاز الحزينة... اذا القاعدة ..... التالية وبفعل المماراسات الحكومية المتعاقبة تصبح هي مفتاح المواطن لمعرفة الحقيقة - وللأسف الشديد.
الحكومة تصرح .... التنفيذ عكس ما جاء في التصريح
الحكومة تنفي .... اذا الخبر صحيح
الحكومة تؤكد .... الخبر لا اساس له من الصحة

سؤال

طيب اللي اشترو سيارات هجينة وما دفعو عليها ضريبة شو مصيرهم يدفعو بأثر رجعي ولا هم اللي كسبوها...يعني اذا اي منهم بدو يبيع السيارة رح يربح قيمة الضريبة ولا لا؟ طيب وين العدالة بالموضوع؟ وهل كل اللذين كانو يعلمو بالقرار اشترو هجينة ولا لا هذا كمان سؤال.

بيئة ..

اذا بدكم تساعدو البيئة الي عنا اعملو شاحنات وباصات هايبرد..

نعتذر...