facebook
twitter
Youtube
Ammon on Apple Store
Ammon on Play Store
مواعيد الطيران
مواعيد الصلاة
rss
  • اخر التحديثات
  • الأكثر مشاهدة





وين صِرْتْ يا زلمة .. ؟؟


كامل النصيرات
17-01-2022 12:12 AM

اشتقتلك ..اشتقت لصورك ..اشتقت لَحَكْياتَكْ إللي بجنِّنوا ..!! قبل مدّة كنت مالئ الدنيا وشاغل الناس ..والآن ..أين أنت ..؟؟ بعدك تُفْطر ..؟؟ بعرف سؤالي غلط ..وكان لازم أسألك : بعدك تتناول ثلاث وجبات على الأقل في اليوم ..؟؟ بالنسبة إلنا إحنا نطمئنك عنّا ..فما زلنا نتناول وجبتين كما كنّا ..مع فارق بسيط عيب أحكيه ؛ بس مضطر ..الفرق ..بالكميّة ..عَ أيّامك كنّا نأكل وجبتين..الوجبة تعبّي ثلاث أرباع البطن ..أمّا الآن ..فالحمد لله ..الثلاثة أرباع موجودة ..ولكن ليس في البطن ..يعني بنوكل وجبتين ..بس كل وجبة رُبُع بطن ..!!

يا ترى بعدك زي ما إنت وإلاّ تغيّرت ..؟؟ طمّني عنّك ..وعن مشاريعك ؛ الله لا يهينك ..!! في إشي جاي في الطريق .. يا زَلَمَة تُهنا ..وذبحتنا القلّة ..

طيّب ..سيبك من هالحكي كلّه ..إنتَ راجع وإلاّ الغيبة طوّالة ..؟؟ بالله عليك ..أَحَلْفَكْ بالغالي على قليبك ..إذا راجع أعطينا ( دِمْ ) ..!! طيّب بلاش ..حواليك صورة ( طازة ) إلكْ ..ابعثلي إيّاها على الواتس اب ..يجوز ما بتصدقني وبتقول ( النصيرات ) يتخوّث ..والله بتفاءل فيك ..ليش مش عارف ..هيك من ربنا ..والمسألة هاي غير خاضعة لأي تفسير علمي أو أدبي أو تمريضي أو فندقي ...!!

عن جَدْ ومِشْ مزح ..وين صارت بِيْكْ ...؟؟!! مُرْ مُرْ خلينا نشوفك ..

الدستور




  • لا يوجد تعليقات

تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة عمون الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة عمون الاخبارية علما ان التعليقات تعبر عن أصحابها فقط .
الاسم : *
البريد الالكتروني :
اظهار البريد الالكتروني
التعليق : *
بقي لك 500 حرف
رمز التحقق : تحديث الرمز
أكتب الرمز :